Kikia 18
18
Ko na ke tei Korinti ne to
1Konto kwaga ne, Pɔɔl déem ma zege Atena ne o vo Korinti. 2O na yi da to, o ma maŋe dedaane Juu tu wodwoŋi, o yere mo Akwila. Ba déem loge‑o Pɔntus ne mo. Maŋa kalo Pɔɔl na nɛ‑o to, o ya yɔɔre o nwoŋi Yitalia mo o ba, de o kaane Pirisila, kolo ŋwaane Rom Pa-faro Kaludu déem ya zeili Juu tiina bam maama pa ba nwoŋi Rom ne ba viiri.#Rom 16:3; 1 Korinti 16:19 Pɔɔl ma zaŋe o vo ba tei, 3ye o zoore de-ba pa se ba toŋe daane, ba déem na toŋe totoŋe bedwe to ŋwaane. Ba déem nyaane gwaaro mo ba pu vwoa se ba ma lage ba ni-wodiu. 4Juu tiina siu dɛ maama o ma yeini o zo ba jeerim diga kam o ŋɔɔne Wɛ taane de-ba se ba bwɛ de wone. O ma kwaane se o pa Juu tiina bam de Girisi tiina bam maama sɛ o taane dem.
5Silas de Timoti déem zege Makedonia ne ba ba Pɔɔl tei. Ba na tu to, Pɔɔl laam ma chɛ de Wɛ kwora kam berem. O ma kwaane o pa se Juu tiina bam lɔre we Yezu seene o ye Wɛ Dam Tu wom mo. 6Ba maa wo sɛ o taane dem ye ba twe‑o. O laam ma ja o gwaaro tem o peese te fwogo kom ba yiga ne, ye o ta-ba o we, “Abam ná nɛ lɛɛro Wɛ tei ne, ko wó taa ye abam tete yiga mo. Ko daa tɔge ko dae amo yiga. Ko zege leile konto amo laam wó vo dwi-gɛ tiina bam tei a daare abam.”
7O ma seene o nwoŋi Juu tiina bam tei ne, ye o daare o vo o zoore dwi-gɛ tu wodwoŋi sɔŋɔ ne, o yere mo Titia Jusitu. Wonto maa kɔre Wɛ. O sɔŋɔ kom maa zege ko saŋe Juu tiina jeerim diga kam. 8Jeerim diga kam yuu tu wom yere mo Kirisipu. Wonto de o sɔŋɔ tiina bam maama déem tu ba sɛ dé Teiru Yezu. Korinti tiina dedɛ de déem ma ni Wɛ kwor-ywoŋa kam ye ba daare ba sɛ. Ba laam ma jwoŋi sɛɛm Yezu ŋwaane.
9Dɛ dedwe tete ne mo Pɔɔl ma dwɛ o na dé Teiru wom na ŋɔɔne ded‑o o we, “Yé ta‑n kɔre foone.#Kikia 23:11 Ta ta‑n ŋɔɔna, se n yé kwei n yage chemm, 10kolo ŋwaane amo wo nmo tei ne. Nɔɔn-nɔɔno bá wane o ja nmo o chɔge, kokuri teo konto nɔn-bia dedɛ ye amo nɔɔna.” 11Ko déem ma pa se Pɔɔl zoore da taa, bene de chane seredo. O na wora to, o maa tɛ Wɛ kwora kam o bere nɔɔna bam.
12Nɔɔno wodwoŋi déem tu o ji Akaya kateiri dem gɔmena tu o pa Rom tiina bam, o yere mo Galio. O na wora maŋa kalo to, Juu tiina bam ma ke ni dedwe ye ba ja Pɔɔl ba vo o tei se ba saŋe‑o. 13Ba ma ta de Galio ba we, “Nɔɔno wonto mo jege nɔɔna o soga se o pa ba tɔge Wɛ ne ko na chuli tei to.” 14Pɔɔl ya maa boŋe se o ŋɔɔne ye Galio wuuri o ta de Juu tiina bam o we, “Ko ya ná ye ŋweeno taane naa keim-balɔrɔ kodwoŋi taane mo á jege se á ta, ko ya maŋe se amo zuri a yera a cheigi abam. 15Ko nam na ye tei to, abam mage ni-kantɔgɔ abam tete chullu tem baŋa ne, ye ko ye botare-bia de wonnu yera ŋwaane. Konto ŋwaane abam tete mo jege se á nii ko baŋa ne. Amo bá sɛ se a di abam taana yam dwoŋi.” 16O na tage konto to, o ma zeili-ba o yiga ne. 17Nɔɔna bam maama laam ma zaŋe ba zi Sɔsɔdane wolo na ye ba jeerim diga kam yuu tu to ba tiini ba mage‑o taane dim jeiga kam yiga ne. Galio yiga nam maŋe ka tera de ba keim dem.
Pɔɔl daa ta na beeri ye o ke tei to
18Pɔɔl déem ma ke da kɔgɔ kɔgɔ Korinti ne Yezu tɔgena bam tei ne. O laam ma zaŋe o bane-ba se o kɛ. O ma pa se Pirisila de Akwila mo tɔge ded‑o, ye ba zo nabworo se ba vo Siria. Ba ta na wo zo nabworo kom se ba kɛ to, Pɔɔl ya zege Kɛnkaria ne o pa se ba fane o yuu se ko bere we o tiŋi o ni de Wɛ.#Jeelim 6:1-5, 18 19Ba ma tɔge naneo kom wo ba vo ba yi Efesia. Pɔɔl ma yage Pirisila de Akwila dáane. O ma vo o zo Juu tiina jeerim diga kam o ŋɔɔne de-ba. 20Ba badwonna ma lwoori‑o se o maŋe ba tei ne se ko dáane fee. O maa wo sɛ. 21O ma bane-ba ye o ta o we, “Wɛ ná sɛ, amo wó jwoori a ba a na abam.” O daa ma zo nabworo Efesia ne o kɛ.
22O déem ma vo o yi Kazaria. O ma zege dáane o vo tega ne o vo o yi Jerusalem. O ma jɔɔne Yezu kɔgɔ kom, ye o daare o kɛ o vo Antioka. 23O ma dáane da da fenfee ye o laam zaŋe o kɛ. O ma vo o tole Galatia de Firijia teene dem wone, ye o pa se Yezu tɔgena bam maama fɔge ba zege de dam.
24Juu tu wodwoŋi déem mo wora, o yere mo Apolo. Ba loge‑o Alɛzandaria ne mo. Pɔɔl na kɛ to, wonto ma ba Efesia. O déem ye wolo na wae taane o ŋɔɔne pore-pore mo. O maa kwori o yei Wɛ tɔnɔ kom wonnu tem maama lanyerane. 25Nɔɔna déem maŋe ba bere‑o dé Teiru wom chega kam na ye tei to. O maa wora o bere nɔɔna de o wo maama se o pa ba lɔre Yezu wonnu maama chekke. Ko nam ná ye nɔɔna na jwoŋi sɛɛm Wɛ ŋwaane tei to, o lɔre Jɔn yerane sɛɛm dem dwi mo. 26O ma bobo se o taa ŋɔɔne Wɛ chega kam de baare Juu tiina jeerim diga kam ne. Pirisila de Akwila ma ba ba lɔre o berem dem na ye tei to. Ba ma pa o tɔge o zoore de-ba, ye ba fɔge ba maŋe Wɛ chwoŋa na ye tei to chekke ba bere‑o.
27Apolo laam ma boŋe se o nwoŋi Efesia ne o kɛ o vo Akaya. Yezu nɔɔna bam ma pu o boboŋa yam kwaga. Ba ma popone tɔnɔ se ba pa Yezu tɔgena balo na wo Akaya ne to ba ta-ba se ba fɔge ba jeeri‑o lanyerane. O ma seene o zaŋe o kɛ. O na yi Akaya to, o ma tiini o woli balo na dɛ Wɛ zaane dem ŋwaane ba ke ba wo-dedoa de Yezu to. 28O ma kwaane o ŋɔɔne de Juu tiina bam nɔɔna maama yiga ne, ye o mage ni-kantɔgɔ o wane-ba, de o na mɛ Wɛ tɔnɔ kom o bere-ba we Yezu seene o ye Wɛ Dam Tu wom to.
Atualmente Selecionado:
Kikia 18: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Kikia 18
18
Ko na ke tei Korinti ne to
1Konto kwaga ne, Pɔɔl déem ma zege Atena ne o vo Korinti. 2O na yi da to, o ma maŋe dedaane Juu tu wodwoŋi, o yere mo Akwila. Ba déem loge‑o Pɔntus ne mo. Maŋa kalo Pɔɔl na nɛ‑o to, o ya yɔɔre o nwoŋi Yitalia mo o ba, de o kaane Pirisila, kolo ŋwaane Rom Pa-faro Kaludu déem ya zeili Juu tiina bam maama pa ba nwoŋi Rom ne ba viiri.#Rom 16:3; 1 Korinti 16:19 Pɔɔl ma zaŋe o vo ba tei, 3ye o zoore de-ba pa se ba toŋe daane, ba déem na toŋe totoŋe bedwe to ŋwaane. Ba déem nyaane gwaaro mo ba pu vwoa se ba ma lage ba ni-wodiu. 4Juu tiina siu dɛ maama o ma yeini o zo ba jeerim diga kam o ŋɔɔne Wɛ taane de-ba se ba bwɛ de wone. O ma kwaane se o pa Juu tiina bam de Girisi tiina bam maama sɛ o taane dem.
5Silas de Timoti déem zege Makedonia ne ba ba Pɔɔl tei. Ba na tu to, Pɔɔl laam ma chɛ de Wɛ kwora kam berem. O ma kwaane o pa se Juu tiina bam lɔre we Yezu seene o ye Wɛ Dam Tu wom mo. 6Ba maa wo sɛ o taane dem ye ba twe‑o. O laam ma ja o gwaaro tem o peese te fwogo kom ba yiga ne, ye o ta-ba o we, “Abam ná nɛ lɛɛro Wɛ tei ne, ko wó taa ye abam tete yiga mo. Ko daa tɔge ko dae amo yiga. Ko zege leile konto amo laam wó vo dwi-gɛ tiina bam tei a daare abam.”
7O ma seene o nwoŋi Juu tiina bam tei ne, ye o daare o vo o zoore dwi-gɛ tu wodwoŋi sɔŋɔ ne, o yere mo Titia Jusitu. Wonto maa kɔre Wɛ. O sɔŋɔ kom maa zege ko saŋe Juu tiina jeerim diga kam. 8Jeerim diga kam yuu tu wom yere mo Kirisipu. Wonto de o sɔŋɔ tiina bam maama déem tu ba sɛ dé Teiru Yezu. Korinti tiina dedɛ de déem ma ni Wɛ kwor-ywoŋa kam ye ba daare ba sɛ. Ba laam ma jwoŋi sɛɛm Yezu ŋwaane.
9Dɛ dedwe tete ne mo Pɔɔl ma dwɛ o na dé Teiru wom na ŋɔɔne ded‑o o we, “Yé ta‑n kɔre foone.#Kikia 23:11 Ta ta‑n ŋɔɔna, se n yé kwei n yage chemm, 10kolo ŋwaane amo wo nmo tei ne. Nɔɔn-nɔɔno bá wane o ja nmo o chɔge, kokuri teo konto nɔn-bia dedɛ ye amo nɔɔna.” 11Ko déem ma pa se Pɔɔl zoore da taa, bene de chane seredo. O na wora to, o maa tɛ Wɛ kwora kam o bere nɔɔna bam.
12Nɔɔno wodwoŋi déem tu o ji Akaya kateiri dem gɔmena tu o pa Rom tiina bam, o yere mo Galio. O na wora maŋa kalo to, Juu tiina bam ma ke ni dedwe ye ba ja Pɔɔl ba vo o tei se ba saŋe‑o. 13Ba ma ta de Galio ba we, “Nɔɔno wonto mo jege nɔɔna o soga se o pa ba tɔge Wɛ ne ko na chuli tei to.” 14Pɔɔl ya maa boŋe se o ŋɔɔne ye Galio wuuri o ta de Juu tiina bam o we, “Ko ya ná ye ŋweeno taane naa keim-balɔrɔ kodwoŋi taane mo á jege se á ta, ko ya maŋe se amo zuri a yera a cheigi abam. 15Ko nam na ye tei to, abam mage ni-kantɔgɔ abam tete chullu tem baŋa ne, ye ko ye botare-bia de wonnu yera ŋwaane. Konto ŋwaane abam tete mo jege se á nii ko baŋa ne. Amo bá sɛ se a di abam taana yam dwoŋi.” 16O na tage konto to, o ma zeili-ba o yiga ne. 17Nɔɔna bam maama laam ma zaŋe ba zi Sɔsɔdane wolo na ye ba jeerim diga kam yuu tu to ba tiini ba mage‑o taane dim jeiga kam yiga ne. Galio yiga nam maŋe ka tera de ba keim dem.
Pɔɔl daa ta na beeri ye o ke tei to
18Pɔɔl déem ma ke da kɔgɔ kɔgɔ Korinti ne Yezu tɔgena bam tei ne. O laam ma zaŋe o bane-ba se o kɛ. O ma pa se Pirisila de Akwila mo tɔge ded‑o, ye ba zo nabworo se ba vo Siria. Ba ta na wo zo nabworo kom se ba kɛ to, Pɔɔl ya zege Kɛnkaria ne o pa se ba fane o yuu se ko bere we o tiŋi o ni de Wɛ.#Jeelim 6:1-5, 18 19Ba ma tɔge naneo kom wo ba vo ba yi Efesia. Pɔɔl ma yage Pirisila de Akwila dáane. O ma vo o zo Juu tiina jeerim diga kam o ŋɔɔne de-ba. 20Ba badwonna ma lwoori‑o se o maŋe ba tei ne se ko dáane fee. O maa wo sɛ. 21O ma bane-ba ye o ta o we, “Wɛ ná sɛ, amo wó jwoori a ba a na abam.” O daa ma zo nabworo Efesia ne o kɛ.
22O déem ma vo o yi Kazaria. O ma zege dáane o vo tega ne o vo o yi Jerusalem. O ma jɔɔne Yezu kɔgɔ kom, ye o daare o kɛ o vo Antioka. 23O ma dáane da da fenfee ye o laam zaŋe o kɛ. O ma vo o tole Galatia de Firijia teene dem wone, ye o pa se Yezu tɔgena bam maama fɔge ba zege de dam.
24Juu tu wodwoŋi déem mo wora, o yere mo Apolo. Ba loge‑o Alɛzandaria ne mo. Pɔɔl na kɛ to, wonto ma ba Efesia. O déem ye wolo na wae taane o ŋɔɔne pore-pore mo. O maa kwori o yei Wɛ tɔnɔ kom wonnu tem maama lanyerane. 25Nɔɔna déem maŋe ba bere‑o dé Teiru wom chega kam na ye tei to. O maa wora o bere nɔɔna de o wo maama se o pa ba lɔre Yezu wonnu maama chekke. Ko nam ná ye nɔɔna na jwoŋi sɛɛm Wɛ ŋwaane tei to, o lɔre Jɔn yerane sɛɛm dem dwi mo. 26O ma bobo se o taa ŋɔɔne Wɛ chega kam de baare Juu tiina jeerim diga kam ne. Pirisila de Akwila ma ba ba lɔre o berem dem na ye tei to. Ba ma pa o tɔge o zoore de-ba, ye ba fɔge ba maŋe Wɛ chwoŋa na ye tei to chekke ba bere‑o.
27Apolo laam ma boŋe se o nwoŋi Efesia ne o kɛ o vo Akaya. Yezu nɔɔna bam ma pu o boboŋa yam kwaga. Ba ma popone tɔnɔ se ba pa Yezu tɔgena balo na wo Akaya ne to ba ta-ba se ba fɔge ba jeeri‑o lanyerane. O ma seene o zaŋe o kɛ. O na yi Akaya to, o ma tiini o woli balo na dɛ Wɛ zaane dem ŋwaane ba ke ba wo-dedoa de Yezu to. 28O ma kwaane o ŋɔɔne de Juu tiina bam nɔɔna maama yiga ne, ye o mage ni-kantɔgɔ o wane-ba, de o na mɛ Wɛ tɔnɔ kom o bere-ba we Yezu seene o ye Wɛ Dam Tu wom to.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)