Kikia 20
20
Pɔɔl daa ta na beeri ye o ke tei to
1Teo kom bobɔga kam na tu ka ti to, Pɔɔl laam ma zaŋe se o kɛ. O ma bwoŋi Yezu tɔgena bam se ba jeini daane, ye o ŋɔɔne de-ba pa se ba bochara ke dam. O ma daare o bane-ba ye o kɛ o vo Makedonia. 2O ma tole jei sem konto ne o ŋɔɔne wonnu dedɛ o bere nɔɔna bam pa se ba bochara ke dam. O daa ma kɛ o vo o yi Girisi. 3O ma ke chane setɔ dáane. O laam ma ti o yiga se o zo nabworo o vo Siria. O ma ba o lɔre we Juu tiina bam ke ni daane se ba kwaane ba chɔge‑o. Konto ŋwaane o ma leiri o boboŋa, ye o laam ja se o vo tega ne o tɔge Makedonia wo o jwoori o kɛ. 4Balo na zaŋe se ba tɔge ded‑o to mo tento:
Sopata, wolo na ye Pirus bu ye o nwoŋi Berea to.
Arisaka de Sɛkundu, ba nwoŋi Tɛsaloni mo.
Gayus, wolo na nwoŋi Dɛɛbe to.
Timoti.
Tichika de Torofima, ba na ye Asia tiina to.
5Banto mo dɛ yiga ba lwoori ba vo Torase ba cheigi debam da. 6Debam tete laam ma maŋe Filipi ne ye dé tɔge dé di Bworobworo-memene kuri dem. Kuri dem na ti to, dé laam ma zo nabworo dé tɔge naneo kom wo dé ke da yanu dé vo dé yi Torase. Dé ma jeeri dé dwonna bam da ye dé ke da yarepɛ teo kom ne.
7Bakwɛ boboa dɛ ne debam maama ma la daane se dé di wodiu, ne Yezu ya na fɔge bworobworo o pa o kwaga tɔgena bam pa ba di tei to. Pɔɔl ma tiini o ŋɔɔne o bere nɔɔna bam taa, se ko yi tete kokoro, kolo ŋwaane tega ná poore o lage o viiri. 8Dé ya lage daane wɛyuu diga kalo na ke betɔ to wone mo. Ba déem tɔre min-zwonnu dedɛ ba zege da. 9Nɔn-doŋo maa tɔge o wora, o yere mo Yutiku. O maa jei takworo ni ne. Pɔɔl na tiini o ŋɔɔne o dáane konto to, nɔn-doŋo kom maa jei o dɔa o veela. O laam ma ba o dɔ fase o kɛ. O ma tɔge takworo kom o to tega ne. Ba ma tu ba kwei‑o de o tega. 10Pɔɔl tete ma tu o vo o peini nɔn-doŋo kom baŋa ne o kukwori‑o de o jea. O maa we, “Á yé pa se á yera sɔɔre. O ta ŋwe mo.”
11Pɔɔl ma jwoori o di wɛyuu diga kam. O ma fɔ bworobworo kom o di. O daa ta ma lare de-ba taa, ye tega ba ka poore. O laam ma viiri. 12O na viiri to, nɔɔna bam ma ja nɔn-doŋo kom ba ja vo sɔŋɔ de yazura. Ba bochara ma peini tega ne ye ba jege wopwolo.
13Debam ma yage Pɔɔl ye dé vo dé zo nabworo kom se dé tɔge yiga dé da naneo kom wo dé vo Asosa. Dé ya ke ni daane se dé jeeri Pɔɔl Asosa ne, o na boŋe se o vo tega ne to ŋwaane. 14Dé na nɛ daane Asosa ne to, Pɔɔl laam ma zo nabworo kom ye dé maama tɔge daane dé vo dé yi Mitulini. 15Dé ma zege dáane dé tɔge naneo kom wo dé kɛ. Tega ma poore ye dé vo dé tɔge Chiosa buburu kom dé kɛ. Tega daa ma poore. Dé ma vo dé bɛ dé yi Samos. Tega daa ta na poore to, dé ma vo dé yi Militus. 16Pɔɔl déem ya boŋe se o da Efesia mo o kɛ se o yé zege da. O ya ba lage se o dáane dedɛ Asia ne, kolo ŋwaane o lage lela mo se o ná wae, se o vo o yi Jerusalem ye Pɛntekɔse kuri dem ta wo yi.
17Debam déem na wo Militus ne to, Pɔɔl ma toŋe ni o pa Yezu kɔgɔ kom nakwa bam Efesia ne o we, ba ba. 18Ba na tu to, o ma ta de-ba o we, “Abam maŋe á yei amo déem na zoore abam tei ne ye a ke tei maŋa maama, ko zege dɛ delo a na bobo a ba Asia to. 19Amo toŋe a pa dé Teiru wom mo. Amo ma gwooni a tete, ye a yi-na nwoŋi. A ma na yaara dedɛ de Juu tiina bam na ke ni daane se ba chɔge amo tei to. 20Abam ta yei we, amo wo yage se a ta woŋo kolo maama na wó wane ko woli abam to mo a bere abam. Amo ma kwaane a bere abam Wɛ chega kam pwooni yiga ne, de á tete sam ne. 21Amo ma tiini a kaane Juu tiina de dwi-gɛ tiina maama se ba leiri ba wo Wɛ ŋwaane, se ba daare ba ke ba wo-dedoa de dé Teiru Yezu.
22Leile konto amo laam maa vei Jerusalem. Ko nam ye Wɛ Sin-laao kom mo gwori-ne pa se a maa vei da, ye a yeiri kolo na wó yi amo da to. 23Amo na yei kolo to mo ye Wɛ Sin-laao kom yeini ko kaane amo teo maama ne we, nɔɔna wó ja-ne ba vɔ ye ba kwori ba bɛɛse-ne. 24Amo nam na boŋe tei to, a ba pae se a ŋwea taa jege nyɔɔre ka pa-ne. Kolo na ye wo-chɛɔ to mo ye se a toŋe totoŋa yalo dé Teiru Yezu na ke a jeŋa ne to a ti. Totoŋa yam konto mo ye se a kwaane a bere nɔɔna Wɛ kwor-ywoŋa kam de o na yɔɔre o ke nɔɔna zaane tei to.#2 Tim 4:7
25Amo nam yei we abam wolowolo daa bá na amo, ye á ye balo amo na beeri á wone a bere abam Wɛ paare dem chega kam. 26Konto ŋwaane a lage a tiini a kaane abam zem dɛ dem ne we, abam maama wolowolo ná nɛ lɛɛro Wɛ tei ne, ko dae amo yiga. 27Kolo ŋwaane amo tɔɔle chega kalo maama na tɔge Wɛ boboŋa to a bere abam ye a wo yage kolokolo. 28Nam fɔge á ta‑á nii á tete baŋa ne dedaane kɔgɔ kolo maama Wɛ Sin-laao kom na kwei o ke abam jeŋa ne se á ta‑á nii to. Ta‑á nii-na Wɛ kɔgɔ kom baŋa ne, ne nayera na nii ba pei sem tei to.#Efesia 4:11-12 Wɛ tɔge o tete bu wom toone jana bam ŋwaane mo o pa se o kɔgɔ kom ji o tete nyem. 29Amo yei we, amo ná viiri a daare abam, nɔn-balwaaro wó zaŋe ba zo abam wo ba daane abam, nenɛɛne wiira na jaane pei tei to. Ba bá sɛ se ba yage abam kɔgɔ kom ye ba wo chɔge abam. 30Nɔɔna de wó zaŋe abam tete wone ba na wó pipiri Wɛ chega kam ba gane Yezu tɔgena bam pa se ba ywori Wɛ kwaga ne ye ba daare ba tɔge-ba. 31Konto ŋwaane fɔge-na á che á tete. Ta‑á guli-na we amo zoore abam tei ne bena yatɔ ye a kaane abam maama se á ta‑á tɔge Wɛ. Maŋa maama a yeini a ke konto mo, wea de tete, ye a ka yi-na dedɛ.
32Amo laam lage a ke abam Wɛ jeŋa ne. Wɛ wó pa á tɔge chega kalo na tɔge o zaane dem ŋwaane to. Chega kam konto wó wane ka fɔge abam lanyerane, se á laam ba á tɔge de balo maama na ye Wɛ nyem to á na ywoni o tei ne. 33Amo nam wo kwaane se a jwoŋi sabia na gwaaro abam wolowolo tei ne. 34Abam tete yei lanyerane we amo mɛ a tete jea mo a toŋe, se amo de a dwonna bam wane dé na dé ni-wodiu. 35Amo na ke kolo maama abam tei ne ye a chɛ de totoŋa konto dwoŋi to, a ke a bere abam we, dé jege se dé toŋe dé woli balo na ba dana to mo. Ta‑á guli-na dé Teiru Yezu na bere tei ye o we, ‘Nmo ná kwei woŋo n pa n dwoŋi, nmo wó jwoŋi ywoni ko dwoni n ná jwoŋi woŋo n dwoŋi tei ne.’ ”
36Pɔɔl na tage konto o ti to, ba maama ma kuni dwoona ye o lwoori Wɛ. 37Ba ma zaŋe ye ba maama keeri dedɛ. Ba ma tiini ba kukwori‑o lanyerane. 38Ba wo ma tiini ko chɔge de o na tage taane delo o bere-ba we, ba daa bá fɔge ba na‑o to. Ba ma zaŋe ba tɔge ded‑o ba vo nabworo kom na wo mɛ to se ba yage‑o.
Atualmente Selecionado:
Kikia 20: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Kikia 20
20
Pɔɔl daa ta na beeri ye o ke tei to
1Teo kom bobɔga kam na tu ka ti to, Pɔɔl laam ma zaŋe se o kɛ. O ma bwoŋi Yezu tɔgena bam se ba jeini daane, ye o ŋɔɔne de-ba pa se ba bochara ke dam. O ma daare o bane-ba ye o kɛ o vo Makedonia. 2O ma tole jei sem konto ne o ŋɔɔne wonnu dedɛ o bere nɔɔna bam pa se ba bochara ke dam. O daa ma kɛ o vo o yi Girisi. 3O ma ke chane setɔ dáane. O laam ma ti o yiga se o zo nabworo o vo Siria. O ma ba o lɔre we Juu tiina bam ke ni daane se ba kwaane ba chɔge‑o. Konto ŋwaane o ma leiri o boboŋa, ye o laam ja se o vo tega ne o tɔge Makedonia wo o jwoori o kɛ. 4Balo na zaŋe se ba tɔge ded‑o to mo tento:
Sopata, wolo na ye Pirus bu ye o nwoŋi Berea to.
Arisaka de Sɛkundu, ba nwoŋi Tɛsaloni mo.
Gayus, wolo na nwoŋi Dɛɛbe to.
Timoti.
Tichika de Torofima, ba na ye Asia tiina to.
5Banto mo dɛ yiga ba lwoori ba vo Torase ba cheigi debam da. 6Debam tete laam ma maŋe Filipi ne ye dé tɔge dé di Bworobworo-memene kuri dem. Kuri dem na ti to, dé laam ma zo nabworo dé tɔge naneo kom wo dé ke da yanu dé vo dé yi Torase. Dé ma jeeri dé dwonna bam da ye dé ke da yarepɛ teo kom ne.
7Bakwɛ boboa dɛ ne debam maama ma la daane se dé di wodiu, ne Yezu ya na fɔge bworobworo o pa o kwaga tɔgena bam pa ba di tei to. Pɔɔl ma tiini o ŋɔɔne o bere nɔɔna bam taa, se ko yi tete kokoro, kolo ŋwaane tega ná poore o lage o viiri. 8Dé ya lage daane wɛyuu diga kalo na ke betɔ to wone mo. Ba déem tɔre min-zwonnu dedɛ ba zege da. 9Nɔn-doŋo maa tɔge o wora, o yere mo Yutiku. O maa jei takworo ni ne. Pɔɔl na tiini o ŋɔɔne o dáane konto to, nɔn-doŋo kom maa jei o dɔa o veela. O laam ma ba o dɔ fase o kɛ. O ma tɔge takworo kom o to tega ne. Ba ma tu ba kwei‑o de o tega. 10Pɔɔl tete ma tu o vo o peini nɔn-doŋo kom baŋa ne o kukwori‑o de o jea. O maa we, “Á yé pa se á yera sɔɔre. O ta ŋwe mo.”
11Pɔɔl ma jwoori o di wɛyuu diga kam. O ma fɔ bworobworo kom o di. O daa ta ma lare de-ba taa, ye tega ba ka poore. O laam ma viiri. 12O na viiri to, nɔɔna bam ma ja nɔn-doŋo kom ba ja vo sɔŋɔ de yazura. Ba bochara ma peini tega ne ye ba jege wopwolo.
13Debam ma yage Pɔɔl ye dé vo dé zo nabworo kom se dé tɔge yiga dé da naneo kom wo dé vo Asosa. Dé ya ke ni daane se dé jeeri Pɔɔl Asosa ne, o na boŋe se o vo tega ne to ŋwaane. 14Dé na nɛ daane Asosa ne to, Pɔɔl laam ma zo nabworo kom ye dé maama tɔge daane dé vo dé yi Mitulini. 15Dé ma zege dáane dé tɔge naneo kom wo dé kɛ. Tega ma poore ye dé vo dé tɔge Chiosa buburu kom dé kɛ. Tega daa ma poore. Dé ma vo dé bɛ dé yi Samos. Tega daa ta na poore to, dé ma vo dé yi Militus. 16Pɔɔl déem ya boŋe se o da Efesia mo o kɛ se o yé zege da. O ya ba lage se o dáane dedɛ Asia ne, kolo ŋwaane o lage lela mo se o ná wae, se o vo o yi Jerusalem ye Pɛntekɔse kuri dem ta wo yi.
17Debam déem na wo Militus ne to, Pɔɔl ma toŋe ni o pa Yezu kɔgɔ kom nakwa bam Efesia ne o we, ba ba. 18Ba na tu to, o ma ta de-ba o we, “Abam maŋe á yei amo déem na zoore abam tei ne ye a ke tei maŋa maama, ko zege dɛ delo a na bobo a ba Asia to. 19Amo toŋe a pa dé Teiru wom mo. Amo ma gwooni a tete, ye a yi-na nwoŋi. A ma na yaara dedɛ de Juu tiina bam na ke ni daane se ba chɔge amo tei to. 20Abam ta yei we, amo wo yage se a ta woŋo kolo maama na wó wane ko woli abam to mo a bere abam. Amo ma kwaane a bere abam Wɛ chega kam pwooni yiga ne, de á tete sam ne. 21Amo ma tiini a kaane Juu tiina de dwi-gɛ tiina maama se ba leiri ba wo Wɛ ŋwaane, se ba daare ba ke ba wo-dedoa de dé Teiru Yezu.
22Leile konto amo laam maa vei Jerusalem. Ko nam ye Wɛ Sin-laao kom mo gwori-ne pa se a maa vei da, ye a yeiri kolo na wó yi amo da to. 23Amo na yei kolo to mo ye Wɛ Sin-laao kom yeini ko kaane amo teo maama ne we, nɔɔna wó ja-ne ba vɔ ye ba kwori ba bɛɛse-ne. 24Amo nam na boŋe tei to, a ba pae se a ŋwea taa jege nyɔɔre ka pa-ne. Kolo na ye wo-chɛɔ to mo ye se a toŋe totoŋa yalo dé Teiru Yezu na ke a jeŋa ne to a ti. Totoŋa yam konto mo ye se a kwaane a bere nɔɔna Wɛ kwor-ywoŋa kam de o na yɔɔre o ke nɔɔna zaane tei to.#2 Tim 4:7
25Amo nam yei we abam wolowolo daa bá na amo, ye á ye balo amo na beeri á wone a bere abam Wɛ paare dem chega kam. 26Konto ŋwaane a lage a tiini a kaane abam zem dɛ dem ne we, abam maama wolowolo ná nɛ lɛɛro Wɛ tei ne, ko dae amo yiga. 27Kolo ŋwaane amo tɔɔle chega kalo maama na tɔge Wɛ boboŋa to a bere abam ye a wo yage kolokolo. 28Nam fɔge á ta‑á nii á tete baŋa ne dedaane kɔgɔ kolo maama Wɛ Sin-laao kom na kwei o ke abam jeŋa ne se á ta‑á nii to. Ta‑á nii-na Wɛ kɔgɔ kom baŋa ne, ne nayera na nii ba pei sem tei to.#Efesia 4:11-12 Wɛ tɔge o tete bu wom toone jana bam ŋwaane mo o pa se o kɔgɔ kom ji o tete nyem. 29Amo yei we, amo ná viiri a daare abam, nɔn-balwaaro wó zaŋe ba zo abam wo ba daane abam, nenɛɛne wiira na jaane pei tei to. Ba bá sɛ se ba yage abam kɔgɔ kom ye ba wo chɔge abam. 30Nɔɔna de wó zaŋe abam tete wone ba na wó pipiri Wɛ chega kam ba gane Yezu tɔgena bam pa se ba ywori Wɛ kwaga ne ye ba daare ba tɔge-ba. 31Konto ŋwaane fɔge-na á che á tete. Ta‑á guli-na we amo zoore abam tei ne bena yatɔ ye a kaane abam maama se á ta‑á tɔge Wɛ. Maŋa maama a yeini a ke konto mo, wea de tete, ye a ka yi-na dedɛ.
32Amo laam lage a ke abam Wɛ jeŋa ne. Wɛ wó pa á tɔge chega kalo na tɔge o zaane dem ŋwaane to. Chega kam konto wó wane ka fɔge abam lanyerane, se á laam ba á tɔge de balo maama na ye Wɛ nyem to á na ywoni o tei ne. 33Amo nam wo kwaane se a jwoŋi sabia na gwaaro abam wolowolo tei ne. 34Abam tete yei lanyerane we amo mɛ a tete jea mo a toŋe, se amo de a dwonna bam wane dé na dé ni-wodiu. 35Amo na ke kolo maama abam tei ne ye a chɛ de totoŋa konto dwoŋi to, a ke a bere abam we, dé jege se dé toŋe dé woli balo na ba dana to mo. Ta‑á guli-na dé Teiru Yezu na bere tei ye o we, ‘Nmo ná kwei woŋo n pa n dwoŋi, nmo wó jwoŋi ywoni ko dwoni n ná jwoŋi woŋo n dwoŋi tei ne.’ ”
36Pɔɔl na tage konto o ti to, ba maama ma kuni dwoona ye o lwoori Wɛ. 37Ba ma zaŋe ye ba maama keeri dedɛ. Ba ma tiini ba kukwori‑o lanyerane. 38Ba wo ma tiini ko chɔge de o na tage taane delo o bere-ba we, ba daa bá fɔge ba na‑o to. Ba ma zaŋe ba tɔge ded‑o ba vo nabworo kom na wo mɛ to se ba yage‑o.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)