Kem Lingón 129
129
Sngal bè yóm kneged le ebè Jirusalim
1Lemwót bè hanà kudiu yóm
tendo kehsidek le do yó kem hohonu,
ni se yóm mon yó kem tau Israél,
2lemwót bè hanà kudiu yóm tendo kehsidek le do kem hohonu,
okóm là kô ghatay le do.
3Tódô tfeng kwangu halì, lómón tô lan dmadu.
4Okóm tey hyu yóm Dwata,
fen hentohen yóm fét le do yó kem tau gel mò sidek.
5Yó kem tau mutó nawa ke Jirusalim,
hol le mulék myak du he yóm là kegmò le.
6Hol le mkél bè yó kem ngà bnes tmowok te ketef,
là dengen tahà towoken deng sana mékéng.
7Laen dù muhen bè yó kem tau muta,
dalang se bè yó kem tau fen gel bemkes.
8Laen dù bè yó kem tau mius bélê le ke wen mon du,
“Dwata he hol tmóbóng kuy.
Hlan me nim mon me ni bè boluy Dwata.”
Atualmente Selecionado:
Kem Lingón 129: tbl
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2007, Wycliffe Bible Translators, Inc. All rights reserved.