Kem Lingón 128
128
Sngal bè yóm kneged le ebè Jirusalim
1Hligal le kul yó kem tau wen
klikò le ke Dwata, yó kem tau gel mò du yó kem hloloen kul.
2Lemwót bè kmoem nmò, angat wen gónóhem gel ma
yó kem wen muhem du.
Angat gsengel nawahem du, ne hyu kógów klowilem.
3Yóm tuha libunem, lómón ke hulu alì mungu mteg bè lósólem.
Yó kem ngaem logi myón hilol lemisahem,
hol lómón ke koyu ulib tilob ktowok le.
4Hol lómón yó se kmò któbóng Dwata yóm tau gel mimón du.
5Dwata he hol kmudung kóm hewóten bè Sayun yóm kun bulul.
Angat htonen kóm he yóm kgulék klowil yó kem tau bè Jirusalim bè yóm klawihem mowil.
6Dwata he hol htahà klowilem
anì angat gafit tonem lu yó kem tmémê béléem.
Dwata he hol henek nawa le yó kem tau Israél.
Atualmente Selecionado:
Kem Lingón 128: tbl
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2007, Wycliffe Bible Translators, Inc. All rights reserved.