Kem Lingón 130
130
Sngal bè kneged le ebè Jirusalim
1Ó Dwata, lemwót bè yóm
alì ksidek kebà nawahu,
yó gónóhu tmaba ebéléem.
2Hol hnungolem o, Dwata,
hnungolem yóm knihu tóbóng béléem.
3Ke nawam smolò du yó kem salà nmò me,
balù sotu bélê me ke gewà gu lem tafakem.
4Okóm deng tódô hnifótem mi,
anì yó, wen klikò me mulé kóm.
5Tey kangatu du yóm któbóng Dwata do,
ne tey kegléd nawahu du yóm udélen ebéléu.
6Yóm kangatu ke Dwata, hol lómón yó kem tau mentey kifu,
nangat le géhél kwasen.
Mkay bè yó he, Dwata, yóm kangatu du yóm géhél któbóngem do.
7Ó kem tau Israél, hol ye smalig bè Dwata,
abay se là kóen monol yóm kbong nawahen tekuy.
Hol nô bè nawahen yóm któbóngen tekuy.
8Angat gotu hewaen lu lem yóm kdê salà le
yó kem kun tau Israél.
Atualmente Selecionado:
Kem Lingón 130: tbl
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2007, Wycliffe Bible Translators, Inc. All rights reserved.
