Yeremiya 46
46
Omusango gwa Katonda ku mawanga (46:1—51:64)
1Ekigambo kya Mukama ekyajja eri Yeremiya nnabbi nga kikwata ku mawanga.#Yer 1:5
2Ebya Misiri, ebikwata ku ggye lya Falaawoneko kabaka w'e Misiri eryali ku lubalama lw'omugga Fulaati e Kalukemisi, Nebukadduneeza kabaka w'e Babbulooni lye yawangula mu mwaka ogwokuna ogwa Yekoyakimu mutabani wa Yosiya kabaka wa Yuda.#2 Bassek 23:29, Yer 25:1
3“Muteeketeeke akagabo n'engabo era musembere okulwana!#Yer 51:11 4Muteeke amatandiiko ku mbalaasi, mulinnye mmwe abeebagala embalaasi! Muyimirire mu bifo byammwe nga mulina enkuufiira, muzigule amafumu gammwe, mwambale ebizibawo eby'ebyuma! 5Lwaki nkirabye? Bakeŋŋentereddwa, bazze emabega; abalwanyi baabwe baakubiddwa, era badduse mbiro, so tebatunula mabega, entiisa eri ku njuyi zonna! bw'ayogera Mukama.#Yer 6:25 6Ab'embiro tebayinza kudduka, so n'abalwanyi tebasobola kutooloka! Mu bukiikakkono ku lubalama lw'omugga Fulaati, beesitadde bagudde.” 7“Ani ono asituka nga Kiyira, ng'emigga egy'amazzi agaalaala?#Is 8:7,8, Yer 47:2 8Misiri yasituka nga Kiyira, ng'emigga egy'amazzi agaalaala; Misiri yagamba nti, N'agolokoka, nabikka ku nsi zonna; ndizikiriza ebibuga n'abo ababituulamu.#Ez 32:2 9Mulumbe mmwe embalaasi, mutomere mmwe amagaali! Mmwe abalwanyi abazira mufulume, abasajja abe Kuusi ne Puti abakwata engabo; abasajja ab'e Luudi abakugu mu kunaanula omutego.#Is 66:19, Ez 27:10, Nak 3:2 10Kubanga olunaku olwo, lunaku lwa Mukama, Mukama w'eggye, olunaku olw'okuwalanirako eggwanga, awalane eggwanga ku balabe be; n'ekitala kirirya ne kikkuta, era kirinywa ku musaayi gwabwe ne kikkuta, kubanga Mukama, Mukama w'eggye, alina ssaddaaka gy'asalira mu nsi ey'obukiikakkono ku lubalama lw'omugga Fulaati.#Is 1:24; 34:5,6, Yer 50:15, Yo 1:15 11Yambuka e Gireyaadi, otwale eddagala, ggwe omuwala wa Misiri atamanyi musajja! Onywera bwereere eddagala ery'engeri ennyingi; tewaliba kuwona gyoli.#Yer 8:22, Ez 30:21 12Amawanga gawulidde okuswala kwo, n'ensi ejjudde okukaaba kwo; kubanga omulwanyi, yeesittadde ku mulwanyi munne, era bagwiridde wamu bombi.”
Okujja kwa Nebukadduneeza
13Ekigambo Mukama kye yagamba Yeremiya nnabbi ebikwata ku kujja kwa Nebukadduneeza kabaka w'e Babbulooni okulumba Misiri.#Yer 43:10,11, Ez 29:10
14“Mukibuulire mu Misiri, era mulangirire mu Migudooli, era mulangirire mu Noofu ne Tapanesi, nga mwogera nti, Fuluma oyimirire, weeteeketeeke; okwetaasa kubanga ekitala kiridde okwetooloola enjuyi zonna.#Yer 44:1 15Lwaki Apiisi adduse? Lwaki ennume eyo teyayimirira? Kubanga Mukama yaabasuula wansi. 16Abammwe bangi beesittadde ne bagwa, era buli omu n'agamba munne nti, ‘Situka tuddeyo eri abantu ab'ewaffe ne mu nsi gye twazaalirwamu, tuwone ekitala ky'omujoozi.’#Leev 26:37 17Yita Falaawo kabaka w'e Misiri, erinnya nti, ‘Luyoogaano buyoogaano; Eyasubwa omukisa gwe.’ 18Nga bwe ndi omulamu, bw'ayogera Kabaka, erinnya lye Mukama w'eggye, mazima nga Taboli bwali mu nsozi, era nga Kalumeeri ku lubalama lw'ennyanja, bw'alijja bw'atyo.#Balam 4:6, 1 Bassek 18:42,44, Yer 48:15 19Mmwe abantu b'e Misiri, mweesibirire okugenda mu busibe: kubanga Noofu kirifuuka matongo, era eddungu omutabeera bantu. 20Misiri nte nduusi nnungi nnyo; naye erumiddwa ekivu ekivudde mu bukiikakkono.#Yer 1:13, Kos 10:11 21N'abalwanyi be abapangise abali wakati we bali ng'ennyana ez'omu kisibo; kubanga nabo bazze emabega, baddukidde wamu, tebaayimirira; kubanga olunaku olw'okulabiramu obuyinike bwabwe lubatuuseeko, kye kiseera eky'okubonerezebwa kwabwe.#Yer 50:27 22Avaamu eddoboozi ng'ery'omusota ogudduka; kubanga abalabe be batambula n'amaanyi, ne bamutabaala nga balina embazzi, ng'abo abatema emiti.#Is 10:34; 14:8; 29:4 23Balitema ekibira kye, bw'ayogera Mukama, newakubadde nga kikwafu nnyo, kubanga basinga enzige obungi, so tebabalika.#Balam 6:5 24Omuwala wa Misiri alikwatibwa ensonyi; aliweebwayo mu mukono gw'abantu ab'omu bukiikakkono.” 25Mukama w'eggye, Katonda wa Isiraeri, ayogera nti, “Laba, ndibonereza Amoni ow'e No, ne Falaawo, ne Misiri ne bakatonda be ne bakabaka be; Falaawo n'abo abamwesiga,#Yer 43:12 26era ndibagabula mu mukono gw'abo abanoonya obulamu bwabwe, ne mu mukono gwa Nebukadduneeza kabaka w'e Babbulooni, ne mu mukono gw'abaddu be. Oluvannyuma, Misiri erituulwamu abantu, nga bwe kyali mu nnaku ez'edda, bw'ayogera Mukama.#Yer 44:30, Ez 29:13,14; 32:11
Mukama ajja kuwonya abantu be
27“Naye totya ggwe, Yakobo omuddu wange, so tokeŋŋentererwa, ggwe Isiraeri; kubanga, laba, ndikulokola nga nsinziira wala, era n'ezzadde lyo okuva mu nsi ey'obusibe bwabwe; kale Yakobo alikomawo mu nsi ye, era alibeera mirembe, nga ali bulungi, so tewaliba amutiisa.#Yer 30:10,11 28Totya ggwe, ayi Yakobo omuddu wange, bw'ayogera Mukama; kubanga nze ndi wamu naawe; ndizikiriza amawanga gonna gye nnakugobera, naye ggwe sirikumalirawo ddala; naye ndikukangavvula mpola, so sirikuleka n'akatono nga tobonerezebbwa.”#Yer 10:24
Atualmente Selecionado:
Yeremiya 46: LBR
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
All rights are reserved to the Bible Society of Uganda.