Versículos Bíblicos Populares relacionados a San Marcos 2

Compartilhar

Cate' Jesúsen' bende' can' gosene' na' gože' ḻegaque': ―Beṉe' bi chesacšene bi cheseyažjde' beṉe' güen rmed. Beṉe' chesacšende', ḻegaquen' cheseyažjde' beṉe' güen rmed. Gague beṉe' ba zjanaque' beṉe' güen len Diosen' zedeṉeyoeda' cont yesyetiṉjde' xtoḻen', san beṉe' güen da' xiṉj. Ḻegaquen' zjazaca'lebe' ca beṉe' cheseyažje beṉe' güen rmed.

Na' cate' Jesúsen' gocbe'ede' can' chesejnilaže'nen', gože' beṉe' güe'na': ―Xi'iṉa', ba bezi'xena' xtoḻon'.

Ḻecze gož Jesúsen' ḻegaque': ―Diosen' gwleje' to ža cate' bi yeson beṉac̱hen' žin cont gaclenen beṉac̱h, gague gwleje' beṉac̱hen' cont yesonxene' ža c̱hen'.

Perw bi chac yesežine' gan' zoa Jesúsen' catec chyi. Nach goseque'e tej dan' ncua' yic̱hj yo'on na' beseḻetje' ḻe' na'le to ḻo cam̱ dao'.

Perw neda' naca' ben' gwseḻa' Dios golja' beṉac̱h, gwlo'eda' le'e ṉa'a zoa' yežlio nga napa' yeḻa' gwnabia' cont yezi'xena' xtoḻa' beṉac̱h. Nach gože' beṉe' xiṉja': ―Chapa' le', beyas, beyoa' xcamon' na' beyej ližo'.

Še yapa'ne': “Ba bezi'xena' xtoḻo'na'”, bi ṉezele še napa' yeḻa' gwnabia' cont yezi'xena' xtoḻe'na', san še yapa'ne': “Gwyas, beyoa' xcamon'”, na' nacbia' še napa' yeḻa' guac gac can' gwnian'.

Ḻa' beyaste beṉe' xiṉja' cheseṉa'te beṉe' ca' nita'na' na' beyoa' xcamen'. Da'nan' yogo' beṉe' ca' besyebande' na' goso'e yeḻa' chox̱clen c̱he Diosen', gosene': ―Biṉa' le'echo yeḻa' guac dan' nac ca'.