Versículos Bíblicos Populares relacionados a 2CO 5

Compartilhar

Mbakyarvad kwaha akwama nzdǝgan ma Kǝristi nǝ uudana, nalnǝg kǝ daala vǝrɗǝga, baɗǝm nǝ ǝnghura dǝgitaha dal zamanana, aanji ba auwa, nalnǝg kǝ daala.

Tapghana bi Kǝristi kǝ ɓa haip biya, mbakyarvad kǝmiyama nadalnǝg Daadamazhigǝl kǝ Kǝristi band dadda haipa. Tǝdvad kwan kǝ ɗuul, wa kiyam da tlǝkǝna kǝ jiira ma ɗaaga Kǝristi vak Daadamazhigǝla.

Aɗaba kiiyam ndzǝgan ma fadghǝra, dǝga nǝgha gyi biya.

Baɗǝm wana ba vak Daadamazhigǝla, kwa ɓadlǝghana ndzǝgana taataka miyam ǝmtaɗ dǝ iin tǝdvad Kǝristi, vǝlakǝmǝndvǝlǝg dlaɓ kǝ tlǝra ɓadla ndzǝgana taataka uudah dǝ Daadamazhigǝla. Əlbǝgamnda iin taakiya ɓadlǝghanaɓadlǝg Daadamazhigǝl kǝ ndzǝgana taataka uuda dǝgshiga ard iin tǝdvad Kǝristi, maay dlaɓ kǝdla haipahaatǝr tǝghǝr kǝ iitǝr biya. Vǝlakǝmndvǝlǝg Daadamazhigǝl kǝ dǝgshiga ɓa tlǝra ɓadla ndzǝgana uudaha ard iina.

Mbakyarvad kwaha kǝm dlakulva gyiya Kǝristi nǝmnda, bangki ba Daadamazhigǝl dǝ ghǝraan wa taaghai tǝdvad kǝmnda. Ma ɗaaga Kǝristi, kǝm ghala kuurama ɓadlamvaɓadlǝg dǝ Daadamazhigǝla am nal kǝ tsaghwahaana, lii ɓa tlǝghum dǝ iin biya.

Əmtsaǝmtsǝg nǝ iin mbakyarvad uudah baɗǝmma, aɗaba haik ɓa dǝgiti naag ghǝraatǝr kǝ lii dǝ shifǝga, bamma ar ɓa ndzǝgan mbakyarvad daddakwa ǝmtsa kwakyarvad iitǝra, ciyavantciig dlaɓ mbakyarvad iitǝra. Mbakyarvad kwaha kǝm madla bi zhara ndzǝgana uud dǝ hǝnkala duni biya, aanji ba tapamndǝnatapǝg kǝ dzamaghǝr tǝghǝr kǝ ndzǝgana Kǝrsiti band ndzǝgana uudǝra, ndakwana kǝm madla bi ndzamgan ǝndkwah biya.

Baɗǝm dǝgiti ɓagamnda nǝmnda, ɓagamnd kiyava tlǝkǝna dǝgshig kǝ ghǝramnd biya, ɓagamnd mbakyarvad waiyakǝva Kǝristi kwa ɓa tlǝr dǝ kǝmnda. Fǝyamdǝghǝrǝtfǝg tsau taakiya ǝmtsaǝmtsǝg Kǝristi mbakyarvad uudah baɗǝmma, mbakyarvad kwaha baɗǝm ǝmtsaharaǝmtsahǝg ǝmtaɗ dǝ iina.