Versículos Bíblicos Populares relacionados a Filipi 2

Compartilhar

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa. Maweroto mangé sapa sé loor torona é tou walina. Tioo asalo mawerot sapa sé loor torona in owak in esa.

Em peri miow musti meputé wo im peri i Kristus Yesus.

En ulitna si Yesus Kristus puté wo si Amang Kasuruan, taan eng kaputé-Na itu ra'ica nianggap-Na tanu in anu-Na si musti penanangen, taan taré iwekar-Na waya sapake' sé ai Sia, wo mindo ing kadudukan si wawa' keli tanu ata wo mamuali tou. An tutuw Sia mamuali tou, iwawa'-Na en owak-Na wo le'tek a si Amang Kasuruan akar imaté, wo akar imaté ang kayu salip.

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Siituo e mangémai Sia iparangka-rangka' i Amang Kasuruan wo winéan ngaran an dangka' im pakasa i ngaran, ampa'paan Sia kumawasa oka am baya-waya, wosama' pakasa sé an langit wo sé am bawo ing kayo'baan wo sé an darem ing kayo'baan kumundu oka e maapo' a si kawasa i ngaran i Yesus, wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma', wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.