Versículos Bíblicos Populares relacionados a Filipi 3

Compartilhar

Poo-poow, yaku in esa ra'ica maanggap sapaoka eng katouanku mamualio kaputé ing katouan i Kristus Yesus. Taan awéan esa si niéma'kuo: ailupakuo sapa sé sumangkumo niéma'ku indior wo rumaméji makéré sapa si an diorku. Wo aku menéro-néron akar in angéan ing ka'karan e makéré in laasa an sorga. Torona in ituo si Amang Kasuruan itumowao icita sé meesao wo si Kristus Yesus.

Intarépé' en icasalé'ku asalo makatuus si Kristus Yesus wo ing kawasa si tumou Sia am papaté. Wo icasalé'ku imendam ing kawenduan si sinangkum-Nao wo mamuali tanu Sia si mawendu akar imaté, wosama' ang kasiwakana aku ro'na touen sumawel an uner é tou imatéo.

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus

Eng katouanku tanu siitu indior anggapenku awéan eng katoronaan, taan intarépé' anggapenku ra'ica wana eng katoronaan ampa'paan i Kristus.