Захария 2
2
2-тӥ ЛЮКЕТ
1Мон нош ик синъёсме ӝутӥ но адӟи: тани, пиосмурт сылэ, кияз музъем мертан гозы возе. 2Мон юай: «Кытчы тон мынӥськод?» Со мыным шуиз: «Иерусалимез мертаны, солэсь пасьталазэ, кузьдалазэ тодыны». 3Соку монэн вераськись Кылчин потэ, нош мукетыз Кылчин солэн пумитаз лыктэ. 4Соиз таизлы шуиз: «Ӝоггес мын но та егит пилы вера: ”Иерусалим, калыкез но, пудоез но йылэмен, карлэсь котыр ёросъёссэ но улон интылы пӧрмытоз. 5Нош Мон солы котырак тыл борддор луо, солэн пушказ данэ пото, – шуэ Кузё-Инмар. 6Эй, эй! Уйпал шаерысь пегӟе, – шуэ Кузё-Инмар; дуннелэн ньыль пал сэрегаз Мон тӥледыз пазьги уго, – шуэ Кузё-Инмар. 7Вавилон ныл дорын улӥсь Сӥон, утиськы. 8Уго тазьы шуэ Саваоф Кузё-Инмар: данлык басьтыны Со Монэ ыстӥз тӥледыз лушкась-талась калыкъёс доры: тӥ борды йӧтӥськись мурт Солэн синчебер бордаз йӧтӥське. 9Тани, соос вылэ киме ӝуто, соос асьсэлэн ляльчиоссылы лушкано-талано люкетлы пӧрмозы, соку тододы, Саваоф Кузё-Инмар Монэ ыстӥз шуыса. 10Шумпот, шулдыръяськы, Сӥон ныл! Тани, лыкто но тон пушкы улыны интыясько, – шуэ Кузё-Инмар. 11Со нуналэ трос калыкъёс Кузё-Инмар доры лыктозы, соос Мынам калыке луозы; тон пушкы Мон улыны интыясько, соку тодод, Саваоф Кузё-Инмар Монэ тон доры ыстӥз шуыса. 12Соку Кузё-Инмар Иудаез Ас киулаз басьтоз, святой музъемысь Аслыз люкетлы; нош ик Иерусалимез быръёз. 13Кузё-Инмарлэн азяз котькудӥз лулмугор чус мед улоз! Уго Со Аслаз святой улон интыысеныз ӝутӥське”».
Atualmente selecionado:
Захария 2: УДМБИБ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) Библияез берыктонъя Институт, Хельсинки, 2013; 2016