Амос 3
3
3-тӥ ЛЮКЕТ
1Израильлэн нылпиосыз, кылзэлэ Кузё-Инмарлэсь тӥ сярысь, Египет музъемысь поттэм быдэс выжые сярысь, верам кылме: 2Музъем вылын улӥсь вань выжыос пӧлысь тӥледыз гинэ Мон кабыл басьтӥ, соин ик законлы пумит улэмды понна, ваньмыз понна кылдэс юало. 3Куспазы азьвыл ик огъя кыл шедьтытэк, кык мурт ӵош мынозы-а? 4Азяз шедьтэм сиёнэз ӧвӧл ке, нюлэскын лев бурсэ-а? Левпи аслыз сиыны номыр но ӧз ке куты, гуысеныз куаразэ со поттэ-а? 5Музъем вылысен тылобурдо кыӵесэ сюроз-а, солы казь пуктэмын ӧз ке луы? Музъем вылысь кыӵес ӝутскоз-а, отчы номыр но ӧз ке сюры? 6Городын гумы куара чузъяське ке, калык уг кышкатскы-а? Городын шугадӟон-курадӟон луэ-а, Кузё-Инмар эрик уг ке сёты? 7Уго Инмар Кузё-Инмар номыре уг лэсьты, Аслэсьтыз ватӥськем малпанзэ азьвыл ик аслаз ляльчиосызлы, пророкъёслы, уг ке усьты? 8Лев бурсыны ке кутске, – кин уг куалекты? Кузё-Инмар ке вераз, – кин азьпалзэ тодытыса уз вера? 9Азот карын корка липетъёс йылысен ялэ, Египетын корка липетъёс йылысен ялэ но шуэ: «Самарияысь гурезьёс йылэ люкаське но учке отысь трос законлы пумит улонъёс шоры, ёртыса-ӝикатыса возёнъёс шоры». 10Соос шонер лэсьтыны уг быгато, – шуэ Кузё-Инмар, – ёртыса-ӝикатыса, таласа асьсэлэн юртъёсазы-четлыкъёсазы ваньбур люкало. 11Соин ик Инмар Кузё-Инмар тазьы шуэ: тани, тушмон быдэс музъемез котыртэ ни! Тынэсьтыд кужымлыктэ со быдтоз, юртъёссэ-четлыкъёссэ талалозы-лушкалозы. 12Тазьы шуэ Кузё-Инмар: кызьы кытӥ-отӥ пудо возьмась быгатэ сьӧсь пӧйшурлэн ым пасьысьтыз кык пыдъюмылъёсты яке пельлэсь люкетсэ поттыны, озьы ик Израиль нылпиос но, Самарияын валеслэн сэрегаз пукисьёс, Дамаскын тушак вылын кыллисьёс утемын луозы. 13Кылзэлэ но Иаковлэн выжыезлы тодытэ, – шуэ Инмар Кузё-Инмар Саваоф Инмар. 14Уго со нуналэ, кудаз Израильлэсь кылзэ юало йыружъёсыз понна, Вефильысь курбон тыронъёсыз понна но кылзэ юало, соку курбон сётон ӝӧклэн сюръёсыз вандэмын луозы, соос музъем вылэ усёзы. 15Толалтэ улон коркаез гужем улон коркаен огазе погырто, слон лыэн чебермам коркаос ышозы-бырозы, трос коркаос бырозы, – шуэ Кузё-Инмар.
Atualmente selecionado:
Амос 3: УДМБИБ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) Библияез берыктонъя Институт, Хельсинки, 2013; 2016