2 कुरिन्थियों 10
10
पौलुस को खुदकी सेवकाई का बारा म्अ बताबो
1मसी की दीनता अर नरमाई की लार म पौलुस खुदकी ओड़ी सुं खेऊ छु क थाम्अ सुं एकात लोगबाग म्हारा बारा मं खेव्अ छ क जद्या म थांक्अ आम्अ-साम्अ होऊं छु उं बगत थांकी लार नरमाई सुं रेऊ छु अर जद्या म थासुं आंतरअ रेऊ छु उं बगत कळ्डाई बरतु छु। 2जद्या म थां कन्अ आंउ तो वा मनखा की लार कळ्डाई बर्तबा की जुरत कोन्अ ज्यो सोच्अ छ क म्हे दनीयादारी की जन्दगी जीवां छा। 3या सई छ क म्हे ई संसार मं रेवा छा पण ई संसार का मनखा की जस्यान लड़ा कोन्अ। 4क्युं क म्हारअ कन्अ लड़बा बेई ई दनीया का राछ कोन्अ पण वे राछ छ ज्यांम्अ सेतान का बना दिखबाळा गढ़ न्अ ढसाबा बेई परमेसर की सक्ति छ। 5जिसुं म्हे वा सब घमण्ड की बाता न्अ ज्यो परमेसर का ज्ञान क खिलाफ छ नकारा छा; अर हरेक भावना न्अ बसम्अ रांखर मसी की आज्ञा मानबाळा बणा देवा छा। 6अर जद्या थे सबळी बाता म मसी की आज्ञा मानो छो तो वा कामा न्अ ज्यो उंकी आज्ञा प कोन चाल्अ सजा देबा बेई त्यार छा।
7थे तो वा चीजान्अ देखो ज्यो आंख्या क साम्अ छ। अर ज्यो कोई खेव्अ क मन्अ बस्वास छ क म मसी को छु। तो उन्अ या बी मान लेणो चायजे क जस्यान वो मसी को छ तो मै बी मसी का छा। 8जिसुं मं सरमिन्दा कोन्अ क ज्यो मन्अ थोड़ोघणु खुद प घमण्ड छ यो अधिकार मन्अ थान्अ बगाड़बा बेई कोन्अ पण बणाबा बेई छ। 9मं अस्यान कोन दखार्यो क ई कागद सुं थान्अ डरपाउं। 10क्युं क थोड़ासाक मनख म्हारा बारा मं या खेव्अ छ क उंका कागद हिया न्अ ठेस पुचाबाळी अर दुख देबाळी छ। पण जद्या वो आपण्अ साम्अ होव्अ छ तो वो भोळो अर उंकी बाता मं दम कोन होव्अ 11ज्यो अस्यान खेव्अ छ वान्अ यो बी जाणलेणो चायजे क जस्यान म्अ कागद म मांड्यो छा वस्यान का म्हारा काम बी छ।
12क्युं क म्हे वा मनखा की लार खुदन्अ कोन तोलां ज्यो खुदकी बड़ाई करअ छ। पण जद्या वे खुदकी एक-दूसरा सुं बराबरी करअ छ अर एक-दूसरा न्अ सतोल्अ छ, तो अस्यान करर वे खुदई दखाव्अ छ क वे कतरा बावळ्या छ। 13म्हे तो हद सुं बारअ बड़-चढ़र बात बी कोन करां, पण उं काम बेई परमेसर म्हान्अ ज्यो हद दियो छ, उम्अ'ई म्हे घमण्ड बी करां छा, अर इम्अ थांक्अ गाब्अ का म्हाका काम बी आव्अ छ। 14अर अस्यान थे बी उं हद मं आवो छो, म्हे मसी का चोखा समचार न्अ थां कन्अ लेर आबा का मामला मं म्हाकी हद कोन उंगालर्या। पण ज्यो थां क अलावा ओर कन्अ लेर जाता तो अस्यान हो जातो। 15अर म्हे दूसरा का कर्या काम की स्याबासी कोन लेवां। पण म्हान्अ आस छ क परमेसर की हद मं जस्यान-जस्यान थांको बस्वास बढ़तो जाव्अलो वस्यान ई थांक्अ मायन्अ म्हाको काम बी बढ्अलो। 16ईक्अ पाछ्अ म्हे थांक्अ अलावा दूसरा देसा मं जार चोखो समचार सुणा सका, पण या कोन्अ, क म्हे दूसरा का कर्या कराया कामा प्अ घमण्ड करां। 17पण “ज्यो कोई न्अ कोई घमण्ड करणी छ तो परबु ज्यो कर्यो छ बी माळ्अ घमण्ड करअ।” 18क्युं क ज्यो खुदकी बढाई करअ छ, वा नही, पण जिकी परबु बढाई करअ छ, वा बड़ी बात छ।
Atualmente selecionado:
2 कुरिन्थियों 10: डि एच डि
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) 2010-2017, New Life Computer Institute. All rights reserved