जकर्याह 8
8
यरुशलेम - भविष्यकालिन पवित्र नगर
1फेर सेनाओं के यहोवा का यो वचन मेरे धोरै पोंहच्या, 2“सेनाओं का यहोवा न्यू कहवै सै: सिय्योन#8:2 यरुशलेम कै खात्तर मेरे ताहीं बड़ी जळण होई बलके घणीए जळजळाहट मेरे म्ह पैदा होई सै। 3यहोवा न्यू कहवै सै: मै सिय्योन म्ह बोहड़ आया सूं, अर यरुशलेम कै बिचाळै वास किए रहूँगा, अर यरुशलेम सच्चाई का नगर कुह्वावैगा, अर सेनाओं के यहोवा का पहाड़, पवित्र पर्वत कुह्वावैगा। 4सेनाओं का यहोवा न्यू कहवै सै, यरुशलेम के चौकां म्ह फेर बूढ़े अर बूढ़ियाँ घणी उम्र की होण कै कारण, अपणे-अपणे हाथ म्ह लाठ्ठी लिए होए बैठ्या करैंगी। 5अर नगर के चौक खेलण आळे लड़क्यां अर लड़कियाँ तै भरे रहवैंगे। 6सेनाओं का यहोवा न्यू कहवै सै: चाहे उन दिनां म्ह या वादे इन बचे होयां की नजर म्ह अनोखी ठहरै, लेकिन के मेरी नजर म्ह भी या अनोखी ठहरैगी, सेनाओं के यहोवा की याए वाणी सै?#8:6 भजन. 118:23 7सेनाओं का यहोवा न्यू कहवै सै, देक्खो, मै अपणी बेट्टियाँ का उद्धार करकै उसनै पूरब तै अर पश्चिम तै ले आऊँगा#8:7 मै अपणी बेट्टियाँ का उद्धार करकै उसनै पूरब तै अर पश्चिम तै ले आऊँगा यानिके सारी धरती पै तै, क्यूँके इस्राएल सारी दुनिया म्ह फैल्या होया था।; 8अर मै उननै ल्याकै यरुशलेम कै बिचाळै बसाऊँगा; अर वो मेरी प्रजा ठहरैगें अर मै उनका परमेसवर ठहरूँगा, यो तो सच्चाई अर धार्मिकता कै गैल होगा।”
9सेनाओं का यहोवा न्यू कहवै सै, “थम इन दिनां म्ह ये वचन उन नबिया के मुँह तै सुणो सो जो सेनाओं के यहोवा के पवित्र भवन की नींव डालण के बखत यानिके मन्दर के बणन के बखत म्ह थे। 10उन दिनां के पैहले, ना तो माणस की मजदूरी मिलै थी अर ना पशु का भाड़ा, बलके सताण आळयां कै कारण ना तो आणआळे नै चैन मिलै था अर ना जाण आळे नै; क्यूँके मै सब माणसां नै एक दुसरे पै चढ़ाई कराऊँ था। 11पर इब मै इस प्रजा के बचे होयां तै इसा बरताव ना करुँगा जिसा के पिछले दिनां म्ह करया था जिब उननै मंदर फिर तै बणाणा शरु करया था, सेनाओं के यहोवा की याए वाणी सै। 12क्यूँके इब शान्ति के बखत की फसल यानिके दाखलता फळया करैगी, धरती अपणी उपज उपजाया करैगी, अर अकास तै ओस गिरया करैगी; क्यूँके मै अपणी इस प्रजा के बचे होयां नै इन सब का अधिकारी कर दियुँगा। 13हे यहूदा के घरान्ने, अर इस्राएल के घरान्ने, जिस तरियां थम गैर जातियाँ कै बिचाळै श्राप के कारण थे उसे तरियां मै थारा उद्धार करुँगा, अर थम आशीष के कारण होओगे#8:13 थम आशीष के कारण होओगे यो अब्राहम तै देई गई मूल प्रतिज्ञा का नवीकरण एवं निवेश सै।। इस करकै थम ना डरो, अर ना थारे हाथ ढील्ले पड़ण पावैं।”
14क्यूँके सेनाओं का यहोवा न्यू कहवै सै: “जिस तरियां जिब थारे पूर्वज मेरे ताहीं छो दिलावैं थे, फेर मन्नै उनका नुकसान करण की ठाण ली थी अर फेर ना पछताया, 15उसे तरियां मन्नै इन दिनां म्ह यरुशलेम की अर यहूदा के घरान्ने की भलाई करण की ठाण ली सै; इस करकै थम ना डरो। 16जो-जो काम थमनै करणे चाहिये, वे ये सैं: एक दुसरे कै गैल सच बोल्या करो, अपणी कचहरियाँ म्ह सच्चाई का अर मेळ-मिलाप की योजना का न्याय करियो, 17अर अपणे-अपणे मन म्ह एक दुसरे की हानि की कल्पना ना करियो, अर झूठ्ठी कसम तै प्यार न्ही करियो, क्यूँके इन सब काम्मां तै मै घृणा करुँ सूं, यहोवा की याए वाणी सै।”#8:17 इफि. 4:25
18फेर सेनाओं के यहोवा का यो वचन मेरे धोरै पोंहच्या, 19“सेनाओं का यहोवा न्यू कहवै सै: चौथे, पाँचवें, सातवें अर दसवें महिन्ने म्ह जो-जो उपवास के दिन होवै सै, वे यहूदा के घरान्ने कै खात्तर खुशी अर आनन्द अर त्यौहार के दिन हो जावैंगे; इस करकै इब थम सच्चाई अर मेळ-मिलाप तै प्यार करो।”
20“सेनाओं का यहोवा न्यू कहवै सै: इसा बखत आणआळा सै के देश-देश के माणस अर घणे नगरां के रहण आळे आवैंगे। 21अर एक नगर के रहण आळे दुसरे नगर के रहण आळयां के धोरै जाकै कहवैंगे, ‘यहोवा तै बिनती करण अर सेनाओं के यहोवा नै ढूँढ़ण कै खात्तर चलो; मै भी चाल्लूँगा।’ 22भोत-से देशां के बलके ताकतवर जात्तां के माणस यरुशलेम म्ह सेनाओं के यहोवा नै ढूँढ़ण अर यहोवा तै बिनती करण कै खात्तर आवैंगे। 23सेनाओं का यहोवा न्यू कहवै सै: उन दिनां म्ह अलग-अलग ढाळ की भाषा बोलण आळी सारी जात्तां म्ह तै दस माणस, एक यहूदी माणस के कपड़े की छोर ताहीं न्यू कहकै पकड़ लेंगे, ‘हम थारे गैल चाल्लांगें, क्यूँके हमनै सुण्या सै के परमेसवर थारै गैल सै।’”
Atualmente selecionado:
जकर्याह 8: BGC
Destaque
Copiar
Comparar
Partilhar
Quer salvar os seus destaques em todos os seus dispositivos? Faça o seu registo ou inicie sessão
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.