Psalms 130
130
psalm CXXX
Tuin: Martyrdom
1Lord, frae the mirky haughs o’ dool
2My cry to Thee has gae’n;
Jehovah, hear; and lat Thine ear
Be heedfu’ o’ my maen.
3Gin Thou, O Lord, oor fauts sood mark,
Wha could to Thee draw near?
4But aye wi’ Thee sal mercy be,
Tho’ men haud Thee in fear.
5My saul abides its tryst wi’ God,
His word I lippen on;
6My saul’s mair fain for God, than ane
That wearies for the dawn.
7Atweel, I weary mair than a’
That lang for dawn o’ day;
Lat Isra‐el trust God Himsel’,
For He sal mercy hae.
8And wi’ the Lord nae lack there is
O’ poo’er to save and sain;
Frae a’ the sin that he has dune,
He Israel sal hain.
Atualmente selecionado:
Psalms 130: SCOMP
Destaque
Copiar
Comparar
Partilhar
Quer salvar os seus destaques em todos os seus dispositivos? Faça o seu registo ou inicie sessão
Metrical Psalms in Braid Scots, translated by Rev. T. T. Alexander published in 1928. This text is maintained by MissionAssist.