Versículos bíblicos populares de Matayo 24

Partilhar

Olwa bujeemu okwakaza, okwendya kwʼabaingi kulikeeya. Baitu oyo aligumira ebizibu okwica oku mpero, alijunwa.

Era Amawuro Agasai gani agakufa oku bukama galibuulirwa abantu omu nsi zoona, nkʼobujuurwa egiri amanga goona, ale empero nimwo nʼeika.”

Muliwura entalo nʼamawuro ga ntalo, baitu mutalituntura kubba ebyo biteekwa okubbaawo, baitu empero eribba etakaikire.

Eiyanga erimwei ririrumba eiyanga erindi, nʼobukama obumwei bulirumba obukama obundi. Walibbaawo enzala nʼokukankana kwa nsi omu bitundu bingi. Baitu obwo okubonaabona kulibba kukutandikambe.

Eiguru nʼensi biriwaawo, baitu ebigambo byange tibiriwaawo.”

Kubba baingi abaliizira omwibara ryange, nibakweyeta, ‘Kurisito,’ era balibulyabulya baingi.

“Nywe balibakwata ni babaweeryayo mubonaabonesebwe, era muliitibwa. Abantu boona boona balibanoba olwa kubba muli basengeerya bange. Obwo baingi balizwa omu kwikiriza, era baliriiranangana, era balinobangana. Nʼabalangi ababubeyegi baingi baliiza, ni babulyabulya baingi.

OYesu nʼabairamu ati, “Mwerinde, omuntu yeena yeena atalibabulyabulya.

Ale ati naanywe mwikalenge nimweteekaniize, kubba oMwana wa Muntu aliizira omu kiseera kyemutakumusuubiriiramu.”

Olwʼekyo mwerinde, kubba timumaite kiro oMukama waanywe kyaliiziraku.

OYesu ni yeeyongera okubaza nabo nʼabakoba ati, “Baitu ndoowo amaite ekiro ekyenyenere nʼesaawa, ebyo webiribbeerawo, gonze abamalaika omwiguru, gonze nje oMwana, okutoolaku oIte wange yenkai niye amaite.

Kubba abalangi ababubeyegi nibakweyeta Kurisito, oba nibakweyeta abalangi, baliboneka, ni bakola ebyamaano era nʼebikwewuunyisya, nibakugendeera, nikibba kikusoboka, okucaamisya abakomye ba Kanca.

Nka nikyali omu mulembe gwa Nuuwa, nimwo kiribba kityo nʼomu kwiza kwa Mwana wa Muntu. Ebiro ebyekereire omwizulo, abantu baali bakulya era nibakunywa. Baali bakubandula era nibakubanduka, okwica ekiro oNuuwa kweyaingiriire obwato. Ndoowo kyebaamaite oku byali bikwaba okubbaawo, okwica omwizulo nigwaizire, ni gubawereekeerya boona boona. Nimwo kiribba kityo, oMwana wa Muntu naliiza.