A-pûn Awang 33
33
Eso Lé Yakup Huî É Hkyô
1Yakup tu wú kat é hkûn, Eso gi, byù 400 yùq eq rahá lé lo nyi ri; haû mù, Yakup gi, Le-a, Rahkela eq duìnhâng zoshâng myhí í yùq lé, zoshâng wuì tsing gàm byî ri. 2Yhang gi, duìnhâng zoshâng myhí í yùq eq yhángnhik é yhang zô pé lé je hí má so nhâng, Le-a eq yhang zô pé lé gyoro má so nhâng, Rahkela eq Yosep lé ló htáng má so nhâng kut ri. 3Yhang gi, hí shut sô laî ê mù, yhang mang eq chyâng lo nyi é hkûn, myigùng má nyhit dâm yhang ngóm gòp ri.
4Nghut kôlhang, Eso gi, te yù râ ga din ê mù, Yakup lé ê po ri; yhang gi, yhâng é lòq èq Yakup é lìngzing má po to mù, bo-puq puq byî ri. Yháng nhiktâng gi, í yùq é ngaù bekô nghut ri. 5Hau htâng, Eso gi, tu wú kat le, myiwe wuì eq zoshâng wuì lé myang kat mù, “Shî, nàng eq rahá nghut é bang gi, ô pé lhú?” ga myî ri.
Yakup gi, “Náng é duìnhâng zoshâng ngo lé, Garai Gasang jeju byî é zoshâng wuì nghut ri.” ga tû taî ri.
6Haú hkûn, duìnhâng zoshâng myhî nhik eq yhángnhik é yhang zô pé châng jé lé kômù, ngóm gòp akô. 7Hau htâng, Le-a eq yhang zô pé châng jé lé kômù, ngóm gòp akô. Ló htáng má, Yosep eq Rahkela le châng jé lé kômù, yhángme le ngóm gòp akô nghut ri.
8Eso gi, “Ngò huî kat é shigu gaunyhaú bànshoq gi, haî nghut lhê lhú?” ga myî ri.
Haú hkûn, Yakup gi, “Ngá yhûmsîng náng é hí má myòqdong wó râ matú nghut lhê.” ga tû taî ri.
9Nghut kôlhang, Eso gi, “Ngá gu ê, ngò gi, agùn agó wó to gù nghut bê. Nàng wó é gi, náng é matú tô to aq.” ga taî ri.
10Yakup gi, “Haú dông a nghut! Náng é hí má ngò myòqdong wó é nghut jáng, chyûnghuq shî lé ngá chyáng mai hàp yù byi laq. Hkâsu mù gâ le, ahkuî, nàng, ngo lé ngui dik é dông mai lhom hàp yù bê nghut mù, náng é myòqdong lé myang é gi, Garai Gasâng é myòqdong lé myang é su yhang gâ ri. 11Jeju mai, náng é matú yu lé byî é chyûnghuq lé hàp yù byi laq; hkâsu mù gâ le, Garai Gasang gi, ngo lé jeju shit mù, ngò râ é bànshoq lé wó bê nghut lhê.” ga taî ri. Yakup gi, zùq zùq ru jâng taî nyi é yánmai, Eso gi, haú lé hàp yù byi bê nghut ri.
12Hau htâng, Eso gi, “Ngá-nhûng é hkyôwuì má xoq sháng; ngò, núngmòq eq rahá so râ nghut lhê.” ga taî ri.
13Nghut kôlhang, Yakup gi, yhang lé, “Ngá é yhûmsîng nàng sê é eq rajung za, zoshâng wuì gi, tiq bum ashî; sauzîng eq nozîng pé gi, naú nú ru nghut ashî mù, gôn lajang byi râ ashî. Yhángmòq lé ra-nyí má za hân hân shuî kut é nghut jáng, shigu gaunyhaû pé bànshoq shi byùq râ nghut lhê. 14Haû mù, ngá é yhûmsîng nàng gi, náng é duìnhâng zôshang é hí má so láng aq; ngò gi, shigu gaunyhaû pé eq zoshâng wuì wó sô é í, yhó le kut luî, ngá é yhûmsîng nàng nyi é Se-ira jé shoq shuî-û lò râ nghut lhê.” ga taî ri.
15Eso gi, “Haû jáng, ngò, ngá é byù ra-am nyhi hkyô to byi bá.” ga taî ri.
Haú hkûn, Yakup gi, “Haî mù haû su kut râ lhú? Ngá é yhûmsîng náng é hí má, ngo lé myòqdong wó nhâng jáng nghut bê.” ga taî ri.
16Haû mù, Eso gi, haú nyí yhang, Se-ira shut dum taû ló byùq bê nghut ri. 17Yakup kúm gi, Suhkut gâ é jowò má ló jé mù, yhâng é matú nyì jowò eq yhâng é shigu gaunyhaú hkaû râ hkup pé saî ri. Hau é yánmai, jowò haú lé Suhkut#33:17 Suhkut gâ é gi, hkaû jowò gâ é lichyúm nghut lhê. gâ ri.
18Yakup gi, Hpadan Aram mai htoq lo é htâng má, Hkanan mau mâ é Shehkem wà mó má, wáng wáng zán zán lo je é nghut luî, wà mó hau é tû-tap má wàp ló xuq nyî bekô nghut ri. 19Yhang zúm saî é maumyî haú tóng gi, Shehkem é yhâng wa, Hamora é yhang zo yhang shû pê chyáng mai, yhang, ngùn rashô chap èq wui yu é maumyî nghut ri. 20Haú má, yhang, hkungga gyàp ralhum saí mù, haú lé, Ela-Eluhe Isira-elaq#33:20 Ela-Eluhe Isira-elaq gâ é gi, Garai Gasang, Isira-elaq é Garai Gasang gâ é lichyúm le, Isira-elaq é Garai Gasang gi, wum-o mó bò Sû gâ é lichyúm le htoq ri. ga myhîng ri.
Obecnie wybrane:
A-pûn Awang 33: znot
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2025, Wycliffe Bible Translators, Inc.
