Matyiw Minim Nind Niŋep
Minim Nind Niŋep
Baybol buk day “Matyiw” apun biy, Jiysis binuk Matyiw tikak. Nuk nind bi takes dep bap mindyiŋgip. Yimb nuk bap Liypay. Kesim tikak kun biy biynimb nuk Jiwda kay riyt gi niŋiy, Jiysis mey bi kiyŋ yomb key yimb kond mindyiŋgipun anep niŋniŋgiy aŋgiy tikak.
Minim Ar Keykey Mindip Rek:
Jiysis Krays nusind nupis nuk gok tikey amiy apiy giy, nup tikyak kesim ak mindip, chapta 1:1–2:23.
Jon bi ñiŋg pikñemb ak woŋg kiñiŋ gi gak minim ak mindip, chapta 3:1-12.
Jon Jiysis nup ñiŋg pikñak minim ak sek, Seytan Jiysis nup tom gak minim ak sek mindip, chapta 3:13–4:11.
Jiysis miñmon Galiyliy woŋg kiñiŋ gi gak minim ak mindip, chapta 4:12–18:35.
Jiysis Galiyliy nimb woŋg gindand Jerusalem amnak minim ak mindip, chapta 19:1–20:34.
Jiysis ñin nuk ak maŋ giy wiyk nokom bap mindakniŋ, Jerusalem sek, yep maŋ kun okok sek aŋgñiraŋgek minim ak mindip, chapta 21:1–27:66.
Jiysis kumiy tikjakek biynimb kuŋaynep miseŋ niŋyak minim ak mindip, chapta 28:1-20.
Obecnie wybrane:
Matyiw Minim Nind Niŋep: kmh
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1992, Wycliffe Bible Translators, Inc. All rights reserved.