Gat ta a hat á mbàd’id’a 10
10
Gor amuhl ma lora: Vat hurâ hAlonina
1Moise mi de kua ala: Ata yi máma Ma didina mi dan ala: Ang tchet ahina d’a bebed’ed’a mbà d’igi d’a avoka na. Ang djagï akulo yam ahinad’a geven ka hî, ang min zanduk ma aguna tu mi. 2An mba ni b’iring zlad’a kur ahina d’a bebed’e d’a tchet ta ang tot teid’a kur ra awilid’a, ang gat kä kur zandu’â. 3An min agu kasiyana zandu’â, an tchet ahina d’a bebed’ed’a mbà d’igi d’a avoka na, an djak akulo yam ahinad’a kahina d’a bebed’e d’a tchet ta mbà ndata abonu. 4Ma didina mi b’ir kur ahina d’a bebed’e ndata d’igi mi b’ir kur ra avoka na, nala, vun ma he ma dogo ma mam hagizi yam ahinad’a aduk akud’a kur bur ma agi togogina. Bugola, mi handjiya. 5An hulong tchugï asen kä yam ahinad’a, an tchuk ahina d’a bebed’e d’a tcheta kä kur zanduk ma an luma. Ti ar tchuka kä kur d’igi Ma didina mi han vuna na.
6(Israel-lâ a tchol Bërot-Bene-Jakan á i Mosera. Ni kua ba, Aron mi mid’a, a tozomî kua kolâ mi. Goroma Elazar mi vrak blangâm kur sun nda ngat buzuna. 7A tchol ata yi máma, a i Gutgoda; a tchol Gutgoda, a i Jotbata yam ambas sa mbiyo ma laud’a nga kuad’a. 8Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi. 9Kayam ndata, suma hi Levi-na a nga ki b’raud’a d’oze djo ma te ki b’oziyozina d’i. Ma didina ni djo mazi ma ted’a d’igi Ma didina Alo magina mi dazi na.)
10An kak yam ahinad’a akulo burâ dok fid’i faleya, dok fid’i andjege d’igi avoka na. Ma didina mi hum tchen manda kua, mi min nga á dabagi woi d’i. 11Ma didina mi dan ala: Ang tchol akulo, ang tit avok andjaf suma, ar azi i hlambas sa an gun tan kat mabuyozi ngolo á hazizid’a.
Gat ta od’a ki d’a ge yamba kä d’a
12Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi. 13Mi min ala agi tid’igi yam vun mam ma hed’a ki gat mam mba teteng nga an nga ni hagizi inid’a kayambala agi kagagi ki furîd’a d’a. 14Gola! Akulod’a pet, andagad’a kahle suma kurutna pet ni suma hi Ma didina Alo maginina. 15Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na. 16Agi hagi hurugi pet mi Ma didina, agi lagi yam mba ad’enga d’uo d’a. 17Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na, 18ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na. 19Agi lagi yam angeina, kayam agi tagi pî, agi kagagi nangoyogeina yam ambas sa Ezipte-d’a mi.
20Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi. 21Mam mi subur magid’a, mam nAlo magina. Ni ma mi le sun nda nglod’a kahle suma ndandalâ adigagi d’igi agi wagizi ki iragi na mi. 22Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.
Obecnie wybrane:
Gat ta a hat á mbàd’id’a 10: BA
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Azumeina Bible © Alliance Biblique du Tchad, 1999.
Gat ta a hat á mbàd’id’a 10
10
Gor amuhl ma lora: Vat hurâ hAlonina
1Moise mi de kua ala: Ata yi máma Ma didina mi dan ala: Ang tchet ahina d’a bebed’ed’a mbà d’igi d’a avoka na. Ang djagï akulo yam ahinad’a geven ka hî, ang min zanduk ma aguna tu mi. 2An mba ni b’iring zlad’a kur ahina d’a bebed’e d’a tchet ta ang tot teid’a kur ra awilid’a, ang gat kä kur zandu’â. 3An min agu kasiyana zandu’â, an tchet ahina d’a bebed’ed’a mbà d’igi d’a avoka na, an djak akulo yam ahinad’a kahina d’a bebed’e d’a tchet ta mbà ndata abonu. 4Ma didina mi b’ir kur ahina d’a bebed’e ndata d’igi mi b’ir kur ra avoka na, nala, vun ma he ma dogo ma mam hagizi yam ahinad’a aduk akud’a kur bur ma agi togogina. Bugola, mi handjiya. 5An hulong tchugï asen kä yam ahinad’a, an tchuk ahina d’a bebed’e d’a tcheta kä kur zanduk ma an luma. Ti ar tchuka kä kur d’igi Ma didina mi han vuna na.
6(Israel-lâ a tchol Bërot-Bene-Jakan á i Mosera. Ni kua ba, Aron mi mid’a, a tozomî kua kolâ mi. Goroma Elazar mi vrak blangâm kur sun nda ngat buzuna. 7A tchol ata yi máma, a i Gutgoda; a tchol Gutgoda, a i Jotbata yam ambas sa mbiyo ma laud’a nga kuad’a. 8Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi. 9Kayam ndata, suma hi Levi-na a nga ki b’raud’a d’oze djo ma te ki b’oziyozina d’i. Ma didina ni djo mazi ma ted’a d’igi Ma didina Alo magina mi dazi na.)
10An kak yam ahinad’a akulo burâ dok fid’i faleya, dok fid’i andjege d’igi avoka na. Ma didina mi hum tchen manda kua, mi min nga á dabagi woi d’i. 11Ma didina mi dan ala: Ang tchol akulo, ang tit avok andjaf suma, ar azi i hlambas sa an gun tan kat mabuyozi ngolo á hazizid’a.
Gat ta od’a ki d’a ge yamba kä d’a
12Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi. 13Mi min ala agi tid’igi yam vun mam ma hed’a ki gat mam mba teteng nga an nga ni hagizi inid’a kayambala agi kagagi ki furîd’a d’a. 14Gola! Akulod’a pet, andagad’a kahle suma kurutna pet ni suma hi Ma didina Alo maginina. 15Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na. 16Agi hagi hurugi pet mi Ma didina, agi lagi yam mba ad’enga d’uo d’a. 17Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na, 18ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na. 19Agi lagi yam angeina, kayam agi tagi pî, agi kagagi nangoyogeina yam ambas sa Ezipte-d’a mi.
20Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi. 21Mam mi subur magid’a, mam nAlo magina. Ni ma mi le sun nda nglod’a kahle suma ndandalâ adigagi d’igi agi wagizi ki iragi na mi. 22Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Azumeina Bible © Alliance Biblique du Tchad, 1999.