Idi Ufa 130
130
Dadaaqiani fee innaaru.
1Qini qimuqusa mandaikirafa faruma uqnauriara foora inoo marifaqa oo Yaawee qinee ani innaaru kiqari aaraidaqa.
2Oo Yaawee anee qini nameera qirana iria.
Anee aaqoo rammatinimmaseenana qini qiki raqarana iriseenana dadaaqia.
3Oo Yaawee anee maasa aaqarana papiqaki kaqi akara rumasaina marinanoo yafee ani ufa nimiranaki fiqaraannoo.
4Maasara aneenna afusaa naaquqamasee mariaqeera maasa manda oosana akiiqara minninnisee marianafa mariananoo.
5Qinee Yaaweena dadaaqiranara asasida afeesidaqa. Mina ufa saqarikidaqa.
6Qinee Yaaweena dadaaqiranara asasida afeesi marunafa aufari maria fasiqausa suani afu uriranara rakisi mariana uraaqaranoo maridanoo.
7Yaaweena sia taikaaninna amuqusirafa marinara faqa mifa maasa mandainainakinaana dadaaqirara aidi marinara faqa irisee, Isaraee maqannaasa Yaaweena saqarikiaqa.
8Mifa narí faiqí anaasee Isaraee maqannaasa nári aiqama aaqaranakinaana dadaaqiannoo.
Obecnie wybrane:
Idi Ufa 130: bjr
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017 Wycliffe Bible Translators, Inc. All rights reserved.