Idi Ufa 127
127
Anutuna amiqira oosana amooqia.
1Yaaweefa sia maaqa usakaifanoo, usakara saika fannoo anoona siaifa mariqini.
Yaaweefa sia maqusasaa ititee marifanoo aufari mari fasiqafa kikiqinoo marida rakisi mari oosanafa sia amanaikiqini.
2Fifau kananaana eendai uqanna findifi ainaina kadaapirina fifiina eendi mariananoo.
Yaaweefa narí aidi marisa faiqaqee iafanoo narana nimidanoo.
3Faiqi asumu Yaaweefa kaqi nimi mari ainainafa maridanoo.
Mifa kaaqa afaaramasee amiqi amiqimma qimaqaidanoo.
4Kumaaraasaa maqainna faiqisa nári nikoona asaukuki rakira fasiqauqa duru feefara foora maridaqa.
5Miqira fasiqa moomoo faiqi duru feefara foora mina asaukuki karariqa mariafanoo asasidanoo.
Mifa ufa iriranaki mina namuqaauqa sia mina rafaaqa fifaranoo.
Obecnie wybrane:
Idi Ufa 127: bjr
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017 Wycliffe Bible Translators, Inc. All rights reserved.