SALMOS 4
4
1Bechebe chia' kate' žḻiža' Le', Dios.
Le' ẕchi'a ḻáže'kzo' da' žona'.
Kate' wzóa' ḻo da' zede, Le' ben chocho' neda'.
Beyache' ḻaže'l neda', na' benle da' ẕcháḻjḻena' Le'.
2Ẕnna Dios: “Ḻe'e, benne' ka', ¿to chi'ize wzoale neda' cheḻa'ale?
¿To chi'ize ží'ilele da' bi be zaka', na' chejḻe'le da' wen ḻaže'?”
3Žaḻa' nnézlele ba wžé X̱anžo Dios bennen' žape' Ḻe' ba la'ne.
X̱anžo Dios yenle' chia' kate' wḻiža' Ḻe'.
4Le žebe ḻaw Dios, na' bi gonle doḻa'.
Le wláb ḻaže' chie' kate' dele gan ẕtasle, na' le soa žize.
5Le got biado' ka' ḻawe' Ḻe' ḻo da' nak chawe',
na' le wx̱én ḻaže' X̱anžo Dios.
6Benne' zante ẕnnágake':
“¿Noẕ benne' gon chawe'e neto'?”
Ḻo yeḻa' ži'i ḻaže' chio' bwia neto', X̱anto' Dios.
7Le' bzo' yeḻa' žebele ḻo yichj ḻáẕda'wa',
dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
8Ḻo yeḻa' ẕga'n chawe' gata'a, na' tasa',
dan' ẕnno' Le', X̱ana' Dios, naka' chawe' ḻawo' Le'.
Obecnie wybrane:
SALMOS 4: zty
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2002, Wycliffe Bible Translators, Inc. All rights reserved.