Miqueas 5
5
Moe'cho na'su jiya'cho
2“Tsa'ma que Judá ande'su Belén Efrata canqque,
mapán faesu Judá'su canqquema bove'cconi'qque,
que'ye tsu ande na'suja somboya
Ña a'i israendeccuma mandaye.
Tiseja me'ttia'ye can'jemba tsu tayopi'su aindeccu'su.
3Ja'ño Na'suja tise aindeccuma re'riccone catiya,
maqui suri aiye'jepa isuya'ngae.
Nane tsequi a'ta tsu poiyi'cco tise antiandeccu,
ccani japa can'jen'chondeccu, jipa
poiyi'cco israendeccui'ccu bo'faya.
4Bo'fasi tsu ovejama coira'su ovejama coiraqquia'caen
na'suja ccutsupa tise aindeccuma coiraya.
Nane Na'su Chiga tisema quiñaesi
tsambe ñotssiama canjaemba mandasi tsu
poiyi'cco opatsse canse'faya.
Tsa'cansi tsu poi biani'su andene'qque
‘Na'su Chigaja joccapitssia’
5qquen in'jamba opatsse canse'faya.”
Obecnie wybrane:
Miqueas 5: con
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1998, Wycliffe Bible Translators, Inc. All rights reserved.