1 كُرُنْتُس 10
10
أمْثال من زمن مُوسَى
1يَا أَخْوَانِي، نِدَوْر إِنْتُو تَعَرْفُوا مَعَنَى الشَّيّءْ الْبِقِي فِي زَمَنْ مُوسَى. فِي الْوَكِتْ دَاكْ، كُلَّ جُدُودْنَا كَانَوْا تِحِتْ السَّحَابَايْ وَ كُلُّهُمْ شَقَّوْا الْبَحَرْ.#10:1 شَقَّوْا الْبَحَرْ: بني إسرائيل شقّوا البحر الأحْمر وكت مرقوا من العُبوديّة في مَصِر. التاريخ دا تلقوه في خُروج 14:21-31. 2وَ كُلُّهُمْ بِقَوْا شَعَبْ مُوسَى بِغَطِّسِينْ فِي السَّحَابَايْ وَ الْبَحَرْ. 3وَ كُلُّهُمْ أَكَلَوْا الْأَكِلْ الْوَاحِدْ الْاللّٰهْ أَنْطَاهْ لَيْهُمْ.#10:3 الْأَكِلْ الْاللّٰهْ أَنْطَاهْ لَيْهُمْ: الأكِل دا المَنَّة الاللّه أنْطاهم في الصحراء. التاريخ دا تلقوه في خُروج 16. 4وَ كُلُّهُمْ شِرْبَوْا نَفْس الشَّرَابْ الْاللّٰهْ أَنْطَاهُمْ. أَيْوَى اللّٰهْ أَنْطَاهُمْ أَلْمِي مِنْ الْحَجَرْ.#10:4 اللّٰهْ أَنْطَاهُمْ أَلْمِي مِنْ الْحَجَرْ: التاريخ دا تلقوه في خُروج 17. وَ الْحَجَرْ دَا، مَشَى مَعَاهُمْ وَ هُو الْمَسِيحْ. 5وَ لَاكِنْ نَعَرْفُوا كَدَرْ فِي الأَخِيرْ اللّٰهْ مَا رِضِي بِكَتِيرِينْ مِنْهُمْ. وَ أَشَانْ دَا، كَتِيرِينْ مِنْهُمْ مَاتَوْا فِي الصَّحَرَاء.
6وَ دَا كُلَّ كَيْ بِقِي أَشَانْ يَبْقَى لَيْنَا مَثَلْ. وَ خَلِّي مَا نَبْقَوْا مِثِلْهُمْ أَشَانْ هُمَّنْ حَبَّوْا الشَّرّ. 7وَاحِدِينْ مِنْهُمْ بِقَوْا عَابِدِينْ أَصْنَامْ وَ مَا وَاجِبْ تَبْقَوْا مِثِلْهُمْ. وَ مَكْتُوبْ فِي الْكِتَابْ: <الشَّعَبْ قَعَدَوْا أَشَانْ يَاكُلُوا وَ يَشَرْبَوْا وَ قَمَّوْا يَلْعَبَوْا.>#10:7 الكلام دا تلقوه في خُروج 32:6. 8وَاجِبْ مَا نَزْنَوْا مِثِلْ وَاحِدِينْ مِنْهُمْ زَنَوْا. وَ فِي يَوْم وَاحِدْ بَسْ، 23 000 نَاسْ مَاتَوْا. 9وَ مَا وَاجِبْ نِجَرُّبُوا الْمَسِيحْ مِثِلْهُمْ. وَاحِدِينْ مِنْهُمْ جَرَّبَوْه وَ الدَّبِيبْ جَوْا دَمَّرَوْهُمْ.#10:9 الدَّبِيبْ جَوْا دَمَّرَوْهُمْ: التاريخ دا تلقوه في عَدد 21:4-6. 10وَ مَا وَاجِبْ نَشْكُوا لِلّٰهْ. وَاحِدِينْ مِنْهُمْ شَكَوْا وَ خَلَاصْ، مَلَكْ الْمَوْت جَاءْ دَمَّرَاهُمْ. 11وَ دَا كُلَّ كَيْ جَاءْ فَوْقهُمْ أَشَانْ يَبْقَى لَيْنَا مَثَلْ وَ أَنْكَتَبْ أَشَانْ يِعَلِّمْنَا أَنِحْنَ الْعَايْشِينْ فِي الزَّمَنْ الْأَخِيرْ.
12وَ فِي شَانْ دَا، خَلِّي كُلِّ نَادُمْ الْيُقُولْ هُو ثَابِتْ فِي الْإِيمَانْ يِنْقَرِعْ أَشَانْ مَا يَمْرُقْ مِنْ الدَّرِبْ. 13مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.
14يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَنْقَرْعُوا مِنْ عِبَادَةْ الْأَصْنَامْ. 15أَنَا قَاعِدْ نِحَجِّي كَلَامْ عَدِيلْ لِلنَّاسْ الْعَاقْلِينْ. فَكُّرُوا فِي كَلَامِي وَ مَيُّزُوهْ. 16فَكُّرُوا فِي عَشَاءْ الْمَسِيحْ وَ فِي كَاسْ عَصِيرْ الْعِنَبْ النَّشَرْبَوْا مِنَّهْ وَ نَشْكُرُوا اللّٰهْ. وَ وَكِتْ نَشَرْبَوْا مِنَّهْ، أَنِحْنَ مَا مُشْتَرِكِينْ فِي دَمّ الْمَسِيحْ وَلَّا؟ وَ فَكُّرُوا فِي الْخُبْزَةْ النَّكْسُرُوهَا. وَكِتْ نَاكُلُوا مِنْهَا، أَنِحْنَ مَا مُشْتَرِكِينْ فِي جِسِمْ الْمَسِيحْ وَلَّا؟ 17أَيْوَى، أَشَانْ الْخُبْزَةْ دِي وَاحِدَةْ وَ أَنِحْنَ الْكَتِيرِينْ كُلَ بِقِينَا جِسِمْ وَاحِدْ بِأَكِلْنَا لِلْخُبْزَةْ الْوَاحِدَةْ دِي. 18فَكُّرُوا فِي عِبَادَةْ هَنَا بَنِي إِسْرَائِيلْ. النَّاسْ الْيَاكُلُوا مِنْ لَحَمْ الضَّحِيَّةْ الْقَدَّمَوْهَا فِي الْمَدْبَحْ مُشْتَرِكِينْ فِي الضَّحِيَّةْ دِي.
19وَ مَالَا أَنَا قُلْت لَيْكُو الْكَلَامْ دَا؟ هَلْ أَنَا قُلْت اللَّحَمْ الْيِقَدُّمُوهْ ضَحِيَّةْ لِلْأَصْنَامْ عِنْدَهْ قُدْرَةْ وَلَّا؟ هَلْ أَنَا قُلْت الصَّنَمْ عِنْدَهْ قُدْرَةْ وَلَّا؟ 20لَا، أَبَداً! لَاكِنْ نِدَوْر نُقُولْ لَيْكُو كَدَرْ الضَّحِيَّةْ دِي، قَدَّمَوْهَا لِلشَّوَاطِينْ مَا لِلّٰهْ. وَ أَنَا مَا نِدَوْر إِنْتُو تَبْقَوْا مُشْتَرِكِينْ مَعَ الشَّوَاطِينْ. 21مَا وَاجِبْ تَشَرْبَوْا مِنْ كَاسْ رَبِّنَا الْمَسِيحْ وَ بَتَّانْ مِنْ كَاسْ الشَّوَاطِينْ كُلَ. مَا وَاجِبْ تِشْتَرُكُوا فِي عَشَاءْ رَبِّنَا الْمَسِيحْ وَ بَتَّانْ فِي عَشَاءْ الشَّوَاطِينْ كُلَ. 22وَلَّا نِدَوْرُوا نِزَعُّلُوا رَبِّنَا؟ لَا! أَنِحْنَ قَادْرِينْ مِنَّهْ هُو وَلَّا؟ لَا!
هل كُلِّ شيّء حلال؟
23إِنْتُو تُقُولُوا: «كُلِّ شَيّءْ حَلَالْ.» وَ لَاكِنْ نُقُولْ مَا كُلِّ شَيّءْ عِنْدَهْ فَايْدَةْ. تُقُولُوا: «كُلِّ شَيّءْ حَلَالْ.» لَاكِنْ مَا كُلِّ شَيّءْ يِقَوِّي الْإِيمَانْ. 24خَلِّي أَيِّ وَاحِدْ يُخُطّ بَالَهْ فِي الشَّيّءْ الْيِجِيبْ فَايْدَةْ لِأَخُوهْ وَ مَا فِي الشَّيّءْ الْيِجِيبْ فَايْدَةْ لَيَّهْ هُو وِحَيْدَهْ بَسْ. 25اللَّحَمْ الْيِبِيعُوهْ فِي السُّوقْ دَا، آكُلُوهْ بَلَا شَكَكْ. 26أَشَانْ مَكْتُوبْ فِي الْكِتَابْ: <لِلّٰهْ الْأَرْض وَ كُلَّ شَيّءْ الْفَوْقهَا.>#10:26 الكلام دا تلقوه في زَبُور 24:1.
27كَنْ نَادُمْ مَا مُؤمِنْ يَعَزِمْكُو أَشَانْ تِعَشُّوا مَعَايَهْ وَ كَنْ عِنْدُكُو نِيَّةْ، أَمْشُوا وَ عَشُّوا مَعَايَهْ. آكُلُوا كُلِّ شَيّءْ الْيِقَدُّمُوهْ لَيْكُو بَلَا شَكَكْ. 28لَاكِنْ كَنْ نَادُمْ وَاحِدْ يُقُولْ لَيْكُو: «اللَّحَمْ دَا هَنَا الضَّحِيَّةْ الْقَدَّمَوْهَا لِلْأَصْنَامْ»، فِي الْبَكَانْ دَا بَسْ، مَا تَاكُلُوهْ. فَكُّرُوا فِي النَّادُمْ الْأَوْرَاكُو بَيَّهْ وَ فِي الشَّكَكْ الْهُو عِنْدَهْ فِي شَانْ اللَّحَمْ دَا. 29أَنَا مَا نُقُولْ إِنْتُو عِنْدُكُو شَكَكْ لَاكِنْ النَّادُمْ الْأَوْرَاكُو، هُو بَسْ عِنْدَهْ شَكَكْ. أَنَا مَا نِحَدِّدْ الْحُرِّيَّةْ الْعِنْدِي فِي شَانْ شَكَكْ هَنَا نَادُمْ آخَرْ. 30أَنَا شَكَرْت اللّٰهْ فِي شَانْ الْأَكِلْ النَّاكُلَهْ وَ خَلَاصْ، مَا نِدَوْر نَاسْ يُقُولُوا كَلَامْ فَسِلْ فَوْقِي أَشَانْ الْأَكِلْ الشَّكَرْت اللّٰهْ فِي شَانَهْ.
31وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ. 32مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ. 33سَوُّوا مِثْلِي أَنَا. أَنَا نِدَوْر دَايْماً نِسَوِّي الشَّيّءْ الْكُلَّ النَّاسْ يَرْضَوْا بَيَّهْ. وَ مَا نِفَتِّشْ الشَّيّءْ الْيِجِيبْ لَيِّ أَنَا بَسْ فَايْدَةْ لَاكِنْ نِفَتِّشْ الشَّيّءْ الْيِجِيبْ فَايْدَةْ لِكُلَّ النَّاسْ أَشَانْ نِدَوْر هُمَّنْ يَنْجَوْا.
Obecnie wybrane:
1 كُرُنْتُس 10: ع.د.ت19
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
La Bible en arabe tchadien © Alliance biblique du Tchad, 2019
1 كُرُنْتُس 10
10
أمْثال من زمن مُوسَى
1يَا أَخْوَانِي، نِدَوْر إِنْتُو تَعَرْفُوا مَعَنَى الشَّيّءْ الْبِقِي فِي زَمَنْ مُوسَى. فِي الْوَكِتْ دَاكْ، كُلَّ جُدُودْنَا كَانَوْا تِحِتْ السَّحَابَايْ وَ كُلُّهُمْ شَقَّوْا الْبَحَرْ.#10:1 شَقَّوْا الْبَحَرْ: بني إسرائيل شقّوا البحر الأحْمر وكت مرقوا من العُبوديّة في مَصِر. التاريخ دا تلقوه في خُروج 14:21-31. 2وَ كُلُّهُمْ بِقَوْا شَعَبْ مُوسَى بِغَطِّسِينْ فِي السَّحَابَايْ وَ الْبَحَرْ. 3وَ كُلُّهُمْ أَكَلَوْا الْأَكِلْ الْوَاحِدْ الْاللّٰهْ أَنْطَاهْ لَيْهُمْ.#10:3 الْأَكِلْ الْاللّٰهْ أَنْطَاهْ لَيْهُمْ: الأكِل دا المَنَّة الاللّه أنْطاهم في الصحراء. التاريخ دا تلقوه في خُروج 16. 4وَ كُلُّهُمْ شِرْبَوْا نَفْس الشَّرَابْ الْاللّٰهْ أَنْطَاهُمْ. أَيْوَى اللّٰهْ أَنْطَاهُمْ أَلْمِي مِنْ الْحَجَرْ.#10:4 اللّٰهْ أَنْطَاهُمْ أَلْمِي مِنْ الْحَجَرْ: التاريخ دا تلقوه في خُروج 17. وَ الْحَجَرْ دَا، مَشَى مَعَاهُمْ وَ هُو الْمَسِيحْ. 5وَ لَاكِنْ نَعَرْفُوا كَدَرْ فِي الأَخِيرْ اللّٰهْ مَا رِضِي بِكَتِيرِينْ مِنْهُمْ. وَ أَشَانْ دَا، كَتِيرِينْ مِنْهُمْ مَاتَوْا فِي الصَّحَرَاء.
6وَ دَا كُلَّ كَيْ بِقِي أَشَانْ يَبْقَى لَيْنَا مَثَلْ. وَ خَلِّي مَا نَبْقَوْا مِثِلْهُمْ أَشَانْ هُمَّنْ حَبَّوْا الشَّرّ. 7وَاحِدِينْ مِنْهُمْ بِقَوْا عَابِدِينْ أَصْنَامْ وَ مَا وَاجِبْ تَبْقَوْا مِثِلْهُمْ. وَ مَكْتُوبْ فِي الْكِتَابْ: <الشَّعَبْ قَعَدَوْا أَشَانْ يَاكُلُوا وَ يَشَرْبَوْا وَ قَمَّوْا يَلْعَبَوْا.>#10:7 الكلام دا تلقوه في خُروج 32:6. 8وَاجِبْ مَا نَزْنَوْا مِثِلْ وَاحِدِينْ مِنْهُمْ زَنَوْا. وَ فِي يَوْم وَاحِدْ بَسْ، 23 000 نَاسْ مَاتَوْا. 9وَ مَا وَاجِبْ نِجَرُّبُوا الْمَسِيحْ مِثِلْهُمْ. وَاحِدِينْ مِنْهُمْ جَرَّبَوْه وَ الدَّبِيبْ جَوْا دَمَّرَوْهُمْ.#10:9 الدَّبِيبْ جَوْا دَمَّرَوْهُمْ: التاريخ دا تلقوه في عَدد 21:4-6. 10وَ مَا وَاجِبْ نَشْكُوا لِلّٰهْ. وَاحِدِينْ مِنْهُمْ شَكَوْا وَ خَلَاصْ، مَلَكْ الْمَوْت جَاءْ دَمَّرَاهُمْ. 11وَ دَا كُلَّ كَيْ جَاءْ فَوْقهُمْ أَشَانْ يَبْقَى لَيْنَا مَثَلْ وَ أَنْكَتَبْ أَشَانْ يِعَلِّمْنَا أَنِحْنَ الْعَايْشِينْ فِي الزَّمَنْ الْأَخِيرْ.
12وَ فِي شَانْ دَا، خَلِّي كُلِّ نَادُمْ الْيُقُولْ هُو ثَابِتْ فِي الْإِيمَانْ يِنْقَرِعْ أَشَانْ مَا يَمْرُقْ مِنْ الدَّرِبْ. 13مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.
14يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَنْقَرْعُوا مِنْ عِبَادَةْ الْأَصْنَامْ. 15أَنَا قَاعِدْ نِحَجِّي كَلَامْ عَدِيلْ لِلنَّاسْ الْعَاقْلِينْ. فَكُّرُوا فِي كَلَامِي وَ مَيُّزُوهْ. 16فَكُّرُوا فِي عَشَاءْ الْمَسِيحْ وَ فِي كَاسْ عَصِيرْ الْعِنَبْ النَّشَرْبَوْا مِنَّهْ وَ نَشْكُرُوا اللّٰهْ. وَ وَكِتْ نَشَرْبَوْا مِنَّهْ، أَنِحْنَ مَا مُشْتَرِكِينْ فِي دَمّ الْمَسِيحْ وَلَّا؟ وَ فَكُّرُوا فِي الْخُبْزَةْ النَّكْسُرُوهَا. وَكِتْ نَاكُلُوا مِنْهَا، أَنِحْنَ مَا مُشْتَرِكِينْ فِي جِسِمْ الْمَسِيحْ وَلَّا؟ 17أَيْوَى، أَشَانْ الْخُبْزَةْ دِي وَاحِدَةْ وَ أَنِحْنَ الْكَتِيرِينْ كُلَ بِقِينَا جِسِمْ وَاحِدْ بِأَكِلْنَا لِلْخُبْزَةْ الْوَاحِدَةْ دِي. 18فَكُّرُوا فِي عِبَادَةْ هَنَا بَنِي إِسْرَائِيلْ. النَّاسْ الْيَاكُلُوا مِنْ لَحَمْ الضَّحِيَّةْ الْقَدَّمَوْهَا فِي الْمَدْبَحْ مُشْتَرِكِينْ فِي الضَّحِيَّةْ دِي.
19وَ مَالَا أَنَا قُلْت لَيْكُو الْكَلَامْ دَا؟ هَلْ أَنَا قُلْت اللَّحَمْ الْيِقَدُّمُوهْ ضَحِيَّةْ لِلْأَصْنَامْ عِنْدَهْ قُدْرَةْ وَلَّا؟ هَلْ أَنَا قُلْت الصَّنَمْ عِنْدَهْ قُدْرَةْ وَلَّا؟ 20لَا، أَبَداً! لَاكِنْ نِدَوْر نُقُولْ لَيْكُو كَدَرْ الضَّحِيَّةْ دِي، قَدَّمَوْهَا لِلشَّوَاطِينْ مَا لِلّٰهْ. وَ أَنَا مَا نِدَوْر إِنْتُو تَبْقَوْا مُشْتَرِكِينْ مَعَ الشَّوَاطِينْ. 21مَا وَاجِبْ تَشَرْبَوْا مِنْ كَاسْ رَبِّنَا الْمَسِيحْ وَ بَتَّانْ مِنْ كَاسْ الشَّوَاطِينْ كُلَ. مَا وَاجِبْ تِشْتَرُكُوا فِي عَشَاءْ رَبِّنَا الْمَسِيحْ وَ بَتَّانْ فِي عَشَاءْ الشَّوَاطِينْ كُلَ. 22وَلَّا نِدَوْرُوا نِزَعُّلُوا رَبِّنَا؟ لَا! أَنِحْنَ قَادْرِينْ مِنَّهْ هُو وَلَّا؟ لَا!
هل كُلِّ شيّء حلال؟
23إِنْتُو تُقُولُوا: «كُلِّ شَيّءْ حَلَالْ.» وَ لَاكِنْ نُقُولْ مَا كُلِّ شَيّءْ عِنْدَهْ فَايْدَةْ. تُقُولُوا: «كُلِّ شَيّءْ حَلَالْ.» لَاكِنْ مَا كُلِّ شَيّءْ يِقَوِّي الْإِيمَانْ. 24خَلِّي أَيِّ وَاحِدْ يُخُطّ بَالَهْ فِي الشَّيّءْ الْيِجِيبْ فَايْدَةْ لِأَخُوهْ وَ مَا فِي الشَّيّءْ الْيِجِيبْ فَايْدَةْ لَيَّهْ هُو وِحَيْدَهْ بَسْ. 25اللَّحَمْ الْيِبِيعُوهْ فِي السُّوقْ دَا، آكُلُوهْ بَلَا شَكَكْ. 26أَشَانْ مَكْتُوبْ فِي الْكِتَابْ: <لِلّٰهْ الْأَرْض وَ كُلَّ شَيّءْ الْفَوْقهَا.>#10:26 الكلام دا تلقوه في زَبُور 24:1.
27كَنْ نَادُمْ مَا مُؤمِنْ يَعَزِمْكُو أَشَانْ تِعَشُّوا مَعَايَهْ وَ كَنْ عِنْدُكُو نِيَّةْ، أَمْشُوا وَ عَشُّوا مَعَايَهْ. آكُلُوا كُلِّ شَيّءْ الْيِقَدُّمُوهْ لَيْكُو بَلَا شَكَكْ. 28لَاكِنْ كَنْ نَادُمْ وَاحِدْ يُقُولْ لَيْكُو: «اللَّحَمْ دَا هَنَا الضَّحِيَّةْ الْقَدَّمَوْهَا لِلْأَصْنَامْ»، فِي الْبَكَانْ دَا بَسْ، مَا تَاكُلُوهْ. فَكُّرُوا فِي النَّادُمْ الْأَوْرَاكُو بَيَّهْ وَ فِي الشَّكَكْ الْهُو عِنْدَهْ فِي شَانْ اللَّحَمْ دَا. 29أَنَا مَا نُقُولْ إِنْتُو عِنْدُكُو شَكَكْ لَاكِنْ النَّادُمْ الْأَوْرَاكُو، هُو بَسْ عِنْدَهْ شَكَكْ. أَنَا مَا نِحَدِّدْ الْحُرِّيَّةْ الْعِنْدِي فِي شَانْ شَكَكْ هَنَا نَادُمْ آخَرْ. 30أَنَا شَكَرْت اللّٰهْ فِي شَانْ الْأَكِلْ النَّاكُلَهْ وَ خَلَاصْ، مَا نِدَوْر نَاسْ يُقُولُوا كَلَامْ فَسِلْ فَوْقِي أَشَانْ الْأَكِلْ الشَّكَرْت اللّٰهْ فِي شَانَهْ.
31وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ. 32مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ. 33سَوُّوا مِثْلِي أَنَا. أَنَا نِدَوْر دَايْماً نِسَوِّي الشَّيّءْ الْكُلَّ النَّاسْ يَرْضَوْا بَيَّهْ. وَ مَا نِفَتِّشْ الشَّيّءْ الْيِجِيبْ لَيِّ أَنَا بَسْ فَايْدَةْ لَاكِنْ نِفَتِّشْ الشَّيّءْ الْيِجِيبْ فَايْدَةْ لِكُلَّ النَّاسْ أَشَانْ نِدَوْر هُمَّنْ يَنْجَوْا.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
La Bible en arabe tchadien © Alliance biblique du Tchad, 2019