ಮತ್ತಾಯನು಼ 1
1
ಯೇಸು ಕ್ರಿಸ್ತುನ ವಮ್ಸನ ಚರಿತ್ರ
(ಲೂಕ 3:23–38)
1ಯೇಸು ಕ್ರಿಸ್ತುನ ವಮ್ಸನ ಚರಿತ್ರ ಯಾನಂದಲೆ, ಯೇಸು ಕ್ರಿಸ್ತು ದಾವೀದನ ವಮ್ಸಲು಼ ಹುಟ್ಟಿದವರು಼. ದಾವೀದನು಼ ಅಬ್ರಹಾಮನ ವಮ್ಸಲು಼ ಹುಟ್ಟಿದವಂನು಼.
2ಅಬ್ರಹಾಮನ ಮಙನು಼ ಇಸಾಕನು಼;
ಇಸಾಕನ ಮಙನು಼ ಯಾಕೋಬನು಼.
ಯಾಕೋಬನ ಗಂಡು಼ಮಕ್ಕ ಯೂದನು, ಅವಂನ ಸಹೋದ್ರನು.
3ಯೂದನ ಗಂಡು಼ಮಕ್ಕ ಪೆರೆಸನು, ಜೆರಹನು. (ಅವರಿಬ್ಬರ್ನ ಅವ್ವೆ ತಾಮಾರಳು಼.)
ಪೆರೆಸನ ಮಙನು಼ ಎಸ್ರೋಮನು಼.
ಎಸ್ರೋಮನ ಮಙನು಼ ಅರಾಮನು಼.
4ಅರಾಮನ ಮಙನು಼ ಅಮ್ಮಿನಾದಾಬನು಼.
ಅಮ್ಮಿನಾದಾಬನ ಮಙನು಼ ನಹಸೋನನು಼.
ನಹಸೋನನ ಮಙನು಼ ಸಲ್ಮೋನನು಼.
5ಸಲ್ಮೋನನ ಮಙನು಼ ಬೋವಜನು಼ (ಬೋವಜನ ಅವ್ವೆ ರಹಾಬಳು಼).
ಬೋವಜನ ಮಙನು಼ ಓಬೇದನು಼ (ಓಬೇದನ ಅವ್ವೆ ರೂತಳು಼).
ಓಬೇದನ ಮಙನು಼ ಇಸಯನು಼.
6ಇಸಯನ ಮಙನು಼ ರಾಜನಾದ ದಾವೀದನು಼.#2 ರಾಜ 24:14,15; 2 ಚರಿ 36:10; ಯೆರೆ 27:20
ದಾವೀದನ ಮಙನು಼ ಸೊಲೊಮೋನನು಼. (ಮುಂಚೆ ಸೊಲೊಮೋನನ ಅವ್ವೆ ಊರೀಯನ ಇಂಡ್ರಾಗಿದ್ದ).
7ಸೊಲೊಮೋನನ ಮಙನು಼ ರೆಹಬ್ಬಾಮನು಼.
ರೆಹಬ್ಬಾಮನ ಮಙನು಼ ಅಬೀಯನು಼.
ಅಬೀಯನ ಮಙನು಼ ಆಸನು಼.
8ಆಸನ ಮಙನು಼ ಯೆಹೋಸಾಪಾಟನು಼.
ಯೆಹೋಸಾಪಾಟನ ಮಙನು಼ ಯೆಹೋರಾಮನು಼.
ಯೆಹೋರಾಮನ ಮಙನು಼ ಉಜ್ಜೀಯನು಼.
9ಉಜ್ಜೀಯನ ಮಙನು಼ ಯೋತಾಮನು಼.
ಯೋತಾಮನ ಮಙನು಼ ಆಹಾಜನು಼.
ಆಹಾಜನ ಮಙನು಼ ಹಿಜ್ಕೀಯನು಼.
10ಹಿಜ್ಕೀಯನ ಮಙನು಼ ಮನಸ್ಸೆ.
ಮನಸ್ಸೆನ ಮಙನು಼ ಆಮೋನನು಼.
ಆಮೋನನ ಮಙನು಼ ಯೋಸೀಯನು಼.
11ಯೋಸೀಯನ ಗಂಡು಼ಮಕ್ಕ ಯೆಕೊನ್ಯನು, ಅವಂನ ಸಹೋದ್ರರ್ನು. ಆ ಸಮೆಲು಼ ಬಾಬೆಲು಼ ದೇಸಗಾರರು಼ ಇಸ್ರಾಯೇಲು಼ಜನನೆ ತಂಗ ದೇಸಗು಼ ಜೇಲು಼ಹಪರಾದಿಹಾಗಿ ಇಡ್ತೊಡು಼ ವಾದರು಼.
12ಅವರೆಲ್ಲಾರ್ನು ಬಾಬೆಲು಼ ದೇಸಗು಼ ಬಂದಮೇಲೆ: ಯೆಕೊನ್ಯನ ಮಙನು಼ ಸೆಯಲ್ತಿಯೇಲನು಼.
ಸೆಯಲ್ತಿಯೇಲನ ಮಙನು಼ ಜೆರುಬ್ಬಾಬೆಲನು಼.
13ಜೆರುಬ್ಬಾಬೆಲನ ಮಙನು಼ ಅಬಿಹೂದನು಼.
ಅಬಿಹೂದನ ಮಙನು಼ ಎಲಿಯಕೀಮನು಼.
ಎಲಿಯಕೀಮನ ಮಙನು಼ ಅಜೋರನು಼.
14ಅಜೋರನ ಮಙನು಼ ಸದೋಕನು಼.
ಸದೋಕನ ಮಙನು಼ ಅಕೀಮನು಼.
ಅಕೀಮನ ಮಙನು಼ ಎಲಿಹೂದನು಼.
15ಎಲಿಹೂದನ ಮಙನು಼ ಎಲಿಯಾಜರನು಼.
ಎಲಿಯಾಜರನ ಮಙನು಼ ಮತ್ತಾನನು಼.
ಮತ್ತಾನನ ಮಙನು಼ ಯಾಕೋಬನು಼.
16ಯಾಕೋಬನ ಮಙನು಼ ಯೋಸೇಪನು಼. ಯೋಸೇಪನು಼ ಮರಿಯಳ್ನ ಗಂಡನಾಗಿದ್ದಾನು಼. ಮರಿಯಳಿಂದ “ಕ್ರಿಸ್ತು” ಅಂದು಼ ಕರಿವ ಯೇಸು ಹುಟ್ಟಿದಾರು಼.
17ಇಂತೆ, ಅಬ್ರಹಾಮನಿಂದ ದಾವೀದನು಼ಗಂಟ ಹದಿನಾಕು಼ ತಲೆಮಾರಾಗಿನು, ದಾವೀದನಿಂದ ಬಾಬೆಲು಼ ದೇಸಗು಼ ಜೇಲು಼ಹಪರಾದಿಹಾಗಿ ವಾದ ಸಮೆಗಂಟ ಹದಿನಾಕು಼ ತಲೆಮಾರಾಗಿನು, ಬಾಬೆಲು಼ ದೇಸಗು಼ ಜೇಲು಼ಹಪರಾದಿಹಾಗಿ ವಾದ ಸಮೆಯಿಂದ ಕ್ರಿಸ್ತುಗಂಟ ಹದಿನಾಕು಼ ತಲೆಮಾರಾಗಿನು ಇತ್ತು಼.
ಯೇಸು ಕ್ರಿಸ್ತು ಹುಟ್ಟೊದು
(ಲೂಕ 1:26–38; 2:1–7)
18ಯೇಸು ಕ್ರಿಸ್ತು ಹುಟ್ಟಿದದು಼ ಯಂತೆಹಂದಲೆ, ಯೇಸುನ ಅವ್ವೆ ಮರಿಯಳ್ಗುನು, ಯೋಸೇಪನ್ಗುನು ಮೊದೆ ಒಪ್ಪಂದ ಹಾಗಿತ್ತು಼. ಅಂದಲೆ, ಅವರಿಬ್ಬರ್ನು ಮೊದೆಹಾಗಿ ಸರಿರಸಮ್ಮಂದಮಾಡದ ಮುಂಚೆವೆ ಮರಿಯಳು಼ ಪರಿಸುದ್ದ ಆತ್ಮನ ಸಕ್ತಿಯಿಂದ ವಟ್ಟೆಲು಼ಹಾಗಿದ್ದ.#ಲೂಕ 1:27 19ಯೋಸೇಪನು಼, ಯೆಹೂದ್ಯ ನ್ಯಾಮ ಹೇ಼ಳೊಮಾದ್ರೆವೆ ನಡಿವ ವಳ್ಳೆ ಮೈಸನಾಗಿದ್ದಾನು಼. ಮರಿಯಳ್ನೆ ಯಲ್ಲಾರ್ನಮುಂದಕು಼ ನಾಚಿಗೆಪಡ್ಸೊಲೆ ಅವಂನ್ಗು಼ ಮನ್ಸು಼ ಇತ್ತಿಲ್ಲೆ. ಅದ್ಗಾಗಿ, ಅವಂನು಼ ಯಾರ್ಗುನು ಗೊತ್ತಾಗದೆ, ಅವನೆ ಬುಟ್ಟು಼ಬುಡಲೆ ಯೋಚನೆಮಾಡಿದನು಼.
20ಅವಂನು಼ ಇಂತೆವೆ ಯೋಚನೆಮಾಡ್ಯೊಡಿರಗ, ಕರ್ತನ ದೂತನು಼ ಅವಂನ ಕನ್ಸು಼ಲು಼ ಕಾಣ್ಸಿ, “ಓ ದಾವೀದನ ಮಙನಾದ#1:20 ವಮ್ಸದವಂನಾದ ಯೋಸೇಪನೇ! ಮರಿಯಳ್ನ ವಟ್ಟೆಲು಼ ಉಂಟಾಗಿರ ಕೂಸು ಪರಿಸುದ್ದ ಆತ್ಮನ ಸಕ್ತಿಯಿಂದವೆ ಹಾತು಼. ಅದ್ಗಾಗಿ, ನೀನು಼ ಅವನೆ ನಿನ್ನ ಇಂಡ್ರಾಗಿ ನಿನ್ನಕೂಡ ಸೇರ್ಸ್ಯೊಮಲೆ ಅಂಜಬ್ಯಾಡ. 21ಅವ ವಬ್ಬ ಮಙನೆ ಹೆತ್ತಿದ. ನೀನು಼ ಅವರ್ಗು಼ ‘ಯೇಸು’#1:21 ಯೇಸು ಅಂದಲೆ, ಕರ್ತನು಼ ರಚ್ಚೆಮಾಡೊದು಼ ಅಂದು಼ ಅರ್ತ. ಅಂದು಼ ಯಸರು಼ ಹಾಕಕು಼. ಯಾನು಼ಗಂದಲೆ, ಅವರು಼ ತಂಗ ಜನನ ಪಾಪನೆಲ್ಲಾ ತೆಗ್ತು಼, ಅವರೆಲ್ಲಾರ್ನೆನು ಆ ಪಾಪಯಿಂದ ಕಾಪಡಿದರು಼” ಅಂದು಼ ಹೇ಼ಳಿದಾನು಼.#ಲೂಕ 1:31
22ಕರ್ತನು಼ ದೈವಸುದ್ದಿನವಂನಿಂದ ಹೇ಼ಳಿಯಿದ್ದ ಮಾತು಼ ಪೂರ್ತಿಯಾಗೊದ್ಗಾಗಿ ಇವೆಯಲ್ಲಾ ನಡ್ದತು಼. 23ಆ ದೈವಸುದ್ದಿನವಂನು಼ ಹೇ಼ಳಿದದು಼ ಯಾನಂದಲೆ, “ಇದೋ! ವಬ್ಬ ಪುಣ್ತಿಹೆಣ್ಣು಼ ವಟ್ಟೆಲು಼ಹಾಗಿ ವಬ್ಬ ಮಙನೆ ಹೆತ್ತಿದ. ಅವರ್ಗು಼ ‘ಇಮ್ಮಾನುವೇಲು಼’ ಅಂದು಼ ಯಸರು಼ ಹಾಕಿದರು಼” ಅಂದು಼ ಹೇ಼ಳಿದಾನು಼. (“ಇಮ್ಮಾನುವೇಲು಼” ಅಂಬದ್ಗು಼ “ದೈವ ನಂಗಕೂಡ ಇದ್ದೆರೆ” ಅಂದು಼ ಅರ್ತ).#ಯೆಸಾ 7:14
24ಯೋಸೇಪನು಼ ನಿದ್ದೆಯಿಂದ ಎದ್ದು಼, ಕರ್ತನ ದೂತನು಼ ಹೇ಼ಳಿದಮಾದ್ರೆವೆ ಮರಿಯಳ್ನೆ ತನ್ನ ಇಂಡ್ರಾಗಿ ಸೇರ್ಸ್ಯೊಡಾನು಼. 25ಅಂದಲೆ, ಮರಿಯಳು಼ ಈ ಮೊದ್ಲು಼ನ ಮಙನೆ ಎರೊಗಂಟ ಯೋಸೇಪನು಼ ಅವಕೂಡ ಸರಿರಸಮ್ಮಂದಮಾಡದೆಯಿದ್ದಾನು಼. ಮಙನು಼ ಹುಟ್ಟಿದಮೇಲೆ, ಅವಂನು಼ ಅವರ್ಗು಼ “ಯೇಸು” ಅಂದು಼ ಯಸರು಼ ಹಾಕಿದನು಼.#ಲೂಕ 2:21
Obecnie wybrane:
ಮತ್ತಾಯನು಼ 1: JKKAN
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© Wycliffe Bible Translators, Inc. All rights reserved.