Psalms 63

1အို ဘုရားရှင်၊ ကိုယ်တော်သည် အကျွန်ုပ်၏ဘုရားဖြစ်တော်မူ၏။ အကျွန်ုပ်သည် ကိုယ်တော်ကို ကြိုးစား၍ရှာပါ၏။ ရေမရှိ၊ ခြောက်သွေ့ကွဲအက်သောမြေ၌ အကျွန်ုပ်၏စိတ်ဝိညာဉ်သည် ကိုယ်တော်အား တောင့်တပါ၏။ အကျွန်ုပ်၏သွေးသားသည် ကိုယ်တော်အား တမ်းတပါ၏။ 2သို့ဖြစ်၍ အကျွန်ုပ်သည် ကိုယ်တော်၏အစွမ်းသတ္တိနှင့် ကိုယ်တော်၏ဘုန်းအသရေတို့ကို တွေ့မြင်ရရန် ကိုယ်တော်အား သန့်ရှင်းမြင့်မြတ်ရာဌာနတော်၌ ဖူးမြော်ခဲ့ပါ၏။ 3ကိုယ်တော်၏ မေတ္တာကရုဏာတော်သည် အသက်ထက်သာ၍ ကောင်းမြတ်သောကြောင့် အကျွန်ုပ်၏နှုတ်ခမ်းသည် ကိုယ်တော်ကိုချီးမွမ်းပါမည်။ 4သို့ဖြစ်၍ အကျွန်ုပ်အသက်ရှင်နေသရွေ့ ကိုယ်တော်အား ချီးမွမ်းပါမည်။ ကိုယ်တော်၏နာမတော်အားဖြင့် အကျွန်ုပ်၏လက်ကိုမြှောက်ပါမည်။ 5အကျွန်ုပ်၏စိတ်ဝိညာဉ်သည် ချိုမြိန်သောအစားအစာကို မြိန်ရှက်စွာစားရသကဲ့သို့ အားရကျေနပ်လျက်ရှိပါ၏။ ရွှင်လန်းဝမ်းမြောက်စွာ ကြွေးကြော်သောနှုတ်ခမ်းဖြင့် အကျွန်ုပ်၏နှုတ်သည် ကိုယ်တော်ကိုချီးမွမ်းပါမည်။ 6အကျွန်ုပ်သည် မိမိ၏အိပ်ရာပေါ်တွင် ကိုယ်တော်အား သတိရသောအခါ ညအချိန်တို့၌ ကိုယ်တော်အကြောင်းကို ဆင်ခြင်အောက်မေ့ပါ၏။ 7ကိုယ်တော်သည် အကျွန်ုပ်ကို ကူညီမစသောအရှင်ဖြစ်သောကြောင့် အကျွန်ုပ်သည် ကိုယ်တော်၏အတောင်တော် အရိပ်အောက်၌ ရွှင်လန်းဝမ်းမြောက်စွာ သီဆိုချီးမွမ်းပါမည်။ 8အကျွန်ုပ်သည် ကိုယ်တော်အား ဖက်တွယ်ထားပါ၏။ ကိုယ်တော်လက်ယာလက်တော်သည် အကျွန်ုပ်ကို ထောက်မတော်မူ၏။ 9အကျွန်ုပ်၏အသက်ကို ပျက်စီးဆုံးရှုံးစေရန် ကြံစည်ကြသောသူတို့သည် မြေကြီး၏နက်သောအရပ်သို့ ရောက်သွားကြလိမ့်မည်။ 10သူတိုသည် ဓားသွားအောက်သို့ကျရောက်၍ တောခွေးတို့၏အစာဖြစ်ကြရလိမ့်မည်။ 11သို့သော် ရှင်ဘုရင်သည် ဘုရားရှင်ထံ၌ ဝမ်းမြောက်လိမ့်မည်။ ကိုယ်တော်ကိုတိုင်တည်၍ ကျိန်ဆိုကြသူအပေါင်းတို့သည် ချီးမွမ်းကြလိမ့်မည်။ လိမ်လည်ပြောဆိုကြသူတို့၏နှုတ်မူကား အပိတ်ခံရလိမ့်မည်။

Obecnie wybrane:

Psalms 63: TPV-RV

Podkreślenie

Udostępnij

Porównaj

Kopiuj

Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Dowiedz się więcej o TPV-RV (Thamma Pitakadaw)