Psalms 29

1အို နတ်ဒေဝါတို့၊ ဘုရှားရှင်အား ချီးမွမ်းဂုဏ်ပြကြလော့။ ကိုယ်တော် ဘုန်းအ‌သရေတော်နှင့် တန်ခိုးတော်ကို ချီးမွမ်းဂုဏ်ပြုကြလော့။ 2ဘုန်းအသရေတော်နှင့် ပြည့်စုံတော်မူသော ဘုရားရှင်၏နာမတော်ကို ချီးမွမ်းဂုဏ်ပြုကြလော့။ သန့်ရှင်းမြင့်မြတ်တော်မူသောအရှင် ကြွလာတော်မူသောအခါ ရှေ့တော်၌ ဦးညွှတ်၍ပျပ်ဝပ်ကြလော့ 3ဘုရားရှင်၏အသံတော်သည် ရေပေါ်၌ရှိတော်မူ၏။ ဘုန်းအသရေတော်နှင့် ပြည့်စုံတော်မူသော ဘုရားရှင်၏အသံတော်သည် မိုးခြိမ်းသံကဲ့သို့ ထွက်ပေါ်လာ၏။ အသံတော်သည် သမုဒ္ဒရာပေါ်တွင် ပဲ့တင်ထပ်‌လေ၏။ 4ဘုရားရှင်၏အသံတော်သည် တန်ခိုးတော်နှင့်ပြည့်စုံတော်မူ၏။ ဘုရားရှင်၏အသံတော်သည် ဘုန်းအာနုဘော်နှင့်ပြည့်စုံတော်မူ၏။ 5ဘုရားရှင်၏အသံတော်သည် သစ်ကတိုးပင်တို့ကို ကျိုးစေတော်မူ၏။ ဘုရားရှင်၏အသံတော်ကြောင့် လေဗနုန်တော သစ်ကတိုးပင်တို့ပင်လျှင် ကျိုးကျကြကုန်၏။ 6ကိုယ်တော်သည် လေဗနုန်တောင်တို့ကို နွားသူငယ်များကဲ့သို့ ခုန်ပေါက်စေတော်မူ၏။ ဟေရမုန်တောင်ကိုလည်း နွားသိုးပျိုကဲ့သို့ ခုန်စေတော်မူ၏။ 7ဘုရားရှင်၏အသံတော်သည် တောက်ပသောအလင်းရောင်ကို ထွက်ပေါ်စေတော်မူ။ 8ဘုရားရှင်၏အသံတော်သည် တော်ကန္တာရကို တုန်လှုပ်စေတော်မူ၏။ ဘုရားရှင်သည် ကာဒေရှတောကန္တာရကို တုန်လှုပ်စေတော်မူ၏။ 9ဘုရားရှင်၏ အသံတော်သည် ဝက်သစ်ချပင်တို့ကို တုန်လှုပ်စေတော်မူ၍ သစ်ပင်များမအရွက်ရှိသမျှတို့ကို ကြွေကျစေတော်မူ၏။ တစ်ချိန်တည်းမှာပင် "ဘုရားရှင်သည် ဘုန်းအသရေထွန်းတောက်တော်မူပါစေသတည်း" ဟု ကိုယ်တော်၏ဗိမာန်တော်တွင်ရှိကြသော လူအပေါင်းတို့က ကြွေးကြော်ကြ၏။ 10ဘုရားရှင်သည် လွှမ်မိုးသောရေပြင်၏အထက်တွင် စိုးစံတော်မူ၏။ ဘုရားရှင်သည် ရှင်ဘုရင်အဖြစ် အစဉ်အမြဲစိုးစံတော်မူ၏။ 11ဘုရားရှင်သည် မိမိ၏လူမျိုးတော်အား အစွမ်းသတ္တိကိုပေးတော်မူ၏။ ဘုရားရှင်သည် မိမိ၏လူမျိုးတော်အား ငြိမ်းချမ်းခြင်းကောင်းချီးမင်္ဂလာကို ပေးတော်မူ၏။

Obecnie wybrane:

Psalms 29: TPV-RV

Podkreślenie

Udostępnij

Porównaj

Kopiuj

Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Dowiedz się więcej o TPV-RV (Thamma Pitakadaw)