Тархал 24
24
1БЕТӀЕРГЬАНАСУЛ амру лъазабизеян абун, БилгӀам кивениги инчӀо гьанжесала, щайгурелъул гьесда бичӀчӀун букӀана БЕТӀЕРГЬАНАСЕ гӀизраилазул халкъалда баракат лъезе бокьун букӀин. Гьединлъидал гьев вачӀинахъего салул авлахъалдехун валагьана, 2ва гьесда бихьана къавмалккун тартибалда гьениб рещтӀараб ГӀизраилил халкъ. Гьебмехалъ БилгӀамиде Аллагьасул РухӀ рещтӀана, 3ва гьес абуна:
«КӀалъалев вуго Беорил вас БилгӀам, кӀалъалев вуго якъинго бихьулеб бер жиндир бугев,
4Аллагьасул калам якъинго рагӀулев,
Бичасдасан илгьамал лъугьунев;
ГӀодов кӀалагъоркье кканиги, рагьарал берал ругев:
5– Огь, гьайбатлъи дур чадиразул, Якъубил наслу,
дур къайи-свериялъул, ГӀизраилил халкъ!
6Гьел тӀиритӀун руго чамасдакил рохь гӀадин,
гӀурул рагӀалда ах гӀадин,
БЕТӀЕРГЬАНАС рижарал алоэялъул махӀгьуинал гъутӀби#24:6 Алоэялъул гъутӀби – гьуинаб махӀалъул хирияб пицӀ бахъулел ва Индокитаялда рижулел гъутӀби. гӀадин,
лъарахъ рижарал кедралъул гъутӀби кинигин.
7ГӀертӀиниса гӀадин гьарзаго чвахизе буго гьезие лъим,
гьез хьараб хьоналъе гӀорцӀизегӀан букӀина регьел.
Агаг пачаясдасаги тӀадегӀанав вукӀина гьезул пача;
цогидал улкабаздасаги тӀокӀаб букӀина гьезул улка!
8Мисриялдаса рачана гьел Аллагьас;
гӀалхул бугъил гӀадаб къуват-гучги гьезулъ!
Гьез щущахъ риххизарила тушманал халкъал,
гъурила гьезул рукьбал,
ва чӀораз рорлъила.
9ГъалбацӀ гӀадин бегун буго ГӀизраилил халкъ
Эбелаб гъалбацӀ гӀадин, – лъил таваккал гӀолеб гьеб борчӀизабизе?
Дуе лъикӀаб гьарулев чиясе баракат щвела ва
дуе нагӀана кьолесе нагӀана букӀина!#24:9 Байб. 12:5»
10Гьебмехалъ Балакил квешго ццин бахъана БилгӀамида ва, рукъун заралгун, гьес абуна:
«Дица мун ахӀун вукӀана дир тушбабазе нагӀана кьезе, дуцайин абуни гьезие лъабцӀул тӀатӀалаго баракаталъул дугӀа гьабуна! 11ГӀела гьанже, яре дида цевеса! ТӀад вусса дурго рокъове! Дида ракӀалда букӀана мун кӀодо гьавизе ва дуе бечедал сайгъаталги кьезе, амма БЕТӀЕРГЬАНАС мун гьездаса махӀрум гьавуна».
БилгӀамил ахирисеб дугӀа
12БилгӀамица Балакида абуна:
«Дица абун букӀинчӀищ дуца ритӀун рачӀарал чапарзабазда: 13„ГӀарцулги меседалъулги занкӀун цӀураб жиндир кӀалгӀа Балакица дие кьуниги, дихъа бажаруларо БЕТӀЕРГЬАНАСУЛ амруялдаса таризе ва, диего бокьунин абун, лъикӀаб яги квешаб жо гьабизе; дица бицине ккола гӀицӀго БЕТӀЕРГЬАНАСУЛ калам“, – ин. 14Гьайгьай, дун тӀадвуссина дирго халкъалъухъе, амма рес кье дие дуда бицине гьаб халкъалъ щиб дур халкъалъе гьабизе бугебали», – ян.
15Цинги гьес бицана букӀинесеб:
«КӀалъалев вуго Беорил вас БилгӀам, кӀалъалев вуго якъинго бихьулеб бер жиндир бугев,
16КӀалъалев вуго Беорил вас БилгӀам,
Аллагьасул калам якъинго рагӀулев,
жиндир лъайги Бичасдасан бугев;
ГӀодов кӀалагъоркье кканиги, рагьарал берал ругев:
17Дида бихьула жеги лъугьа-бахъинчӀеб,
балагьула жеги рикӀкӀада бугелъухъ.
Гьале, Якъубидасан баккун, цӀва гвангъулеб;
ГӀизраилидасан кверщелчилъиялъул гӀанса борхулеб –
гьелъ бекила МогӀавалъул нодо,
рекила Шетил киналго наслабазул бутӀрул.
18Кверде босизе буго Эдом,
ГӀизраилил тушман Сеирги кверщаликье ккезе буго,
амма ГӀизраилил халкъалъулъ къуват загьирлъизе буго.
19Якъубил наслуялъ кверщелчилъи гьабила,
шагьаралда хвасарлъаралщиналги гъурила».
20БилгӀамида амалекиял рихьана ва гьезул рахъалъ бицана:
«Халкъазда гьоркьоб цебехъанлъун букӀана Амалекил халкъ,
амма хадубккун гьеб даималъего тӀагӀина ракьалдаса».
21Кениял#24:21 Кениял – Муса аварагасул вакьадасул наслаби. рихьана гьесда ва гьезул рахъалъги бицана:
«Щулияб буго дур рукъ ва кьурда буго дур рукӀун;
22амма чӀунтила Кайин#24:22 Кайин – кениял.,
Ассириялъ нуж асирлъуде рачун араб мехалда».
23Гьес жеги абуна:
«Аллагьасул кверзукьа щал рорчӀулел?
24Киттималдаса#24:24 Киттим – Кипр. гуми рачӀина
ва гьез кквела Ассириялъулги Евералъулги ракьал,
амма гьелги даималъего тӀагӀина».
25Цинги БилгӀам жиндирго рокъове тӀад вуссана, Балакги жиндирго нухда ана.
Obecnie wybrane:
Тархал 24: АварАК
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© Институт перевода Библии, 2005-2023
Тархал 24
24
1БЕТӀЕРГЬАНАСУЛ амру лъазабизеян абун, БилгӀам кивениги инчӀо гьанжесала, щайгурелъул гьесда бичӀчӀун букӀана БЕТӀЕРГЬАНАСЕ гӀизраилазул халкъалда баракат лъезе бокьун букӀин. Гьединлъидал гьев вачӀинахъего салул авлахъалдехун валагьана, 2ва гьесда бихьана къавмалккун тартибалда гьениб рещтӀараб ГӀизраилил халкъ. Гьебмехалъ БилгӀамиде Аллагьасул РухӀ рещтӀана, 3ва гьес абуна:
«КӀалъалев вуго Беорил вас БилгӀам, кӀалъалев вуго якъинго бихьулеб бер жиндир бугев,
4Аллагьасул калам якъинго рагӀулев,
Бичасдасан илгьамал лъугьунев;
ГӀодов кӀалагъоркье кканиги, рагьарал берал ругев:
5– Огь, гьайбатлъи дур чадиразул, Якъубил наслу,
дур къайи-свериялъул, ГӀизраилил халкъ!
6Гьел тӀиритӀун руго чамасдакил рохь гӀадин,
гӀурул рагӀалда ах гӀадин,
БЕТӀЕРГЬАНАС рижарал алоэялъул махӀгьуинал гъутӀби#24:6 Алоэялъул гъутӀби – гьуинаб махӀалъул хирияб пицӀ бахъулел ва Индокитаялда рижулел гъутӀби. гӀадин,
лъарахъ рижарал кедралъул гъутӀби кинигин.
7ГӀертӀиниса гӀадин гьарзаго чвахизе буго гьезие лъим,
гьез хьараб хьоналъе гӀорцӀизегӀан букӀина регьел.
Агаг пачаясдасаги тӀадегӀанав вукӀина гьезул пача;
цогидал улкабаздасаги тӀокӀаб букӀина гьезул улка!
8Мисриялдаса рачана гьел Аллагьас;
гӀалхул бугъил гӀадаб къуват-гучги гьезулъ!
Гьез щущахъ риххизарила тушманал халкъал,
гъурила гьезул рукьбал,
ва чӀораз рорлъила.
9ГъалбацӀ гӀадин бегун буго ГӀизраилил халкъ
Эбелаб гъалбацӀ гӀадин, – лъил таваккал гӀолеб гьеб борчӀизабизе?
Дуе лъикӀаб гьарулев чиясе баракат щвела ва
дуе нагӀана кьолесе нагӀана букӀина!#24:9 Байб. 12:5»
10Гьебмехалъ Балакил квешго ццин бахъана БилгӀамида ва, рукъун заралгун, гьес абуна:
«Дица мун ахӀун вукӀана дир тушбабазе нагӀана кьезе, дуцайин абуни гьезие лъабцӀул тӀатӀалаго баракаталъул дугӀа гьабуна! 11ГӀела гьанже, яре дида цевеса! ТӀад вусса дурго рокъове! Дида ракӀалда букӀана мун кӀодо гьавизе ва дуе бечедал сайгъаталги кьезе, амма БЕТӀЕРГЬАНАС мун гьездаса махӀрум гьавуна».
БилгӀамил ахирисеб дугӀа
12БилгӀамица Балакида абуна:
«Дица абун букӀинчӀищ дуца ритӀун рачӀарал чапарзабазда: 13„ГӀарцулги меседалъулги занкӀун цӀураб жиндир кӀалгӀа Балакица дие кьуниги, дихъа бажаруларо БЕТӀЕРГЬАНАСУЛ амруялдаса таризе ва, диего бокьунин абун, лъикӀаб яги квешаб жо гьабизе; дица бицине ккола гӀицӀго БЕТӀЕРГЬАНАСУЛ калам“, – ин. 14Гьайгьай, дун тӀадвуссина дирго халкъалъухъе, амма рес кье дие дуда бицине гьаб халкъалъ щиб дур халкъалъе гьабизе бугебали», – ян.
15Цинги гьес бицана букӀинесеб:
«КӀалъалев вуго Беорил вас БилгӀам, кӀалъалев вуго якъинго бихьулеб бер жиндир бугев,
16КӀалъалев вуго Беорил вас БилгӀам,
Аллагьасул калам якъинго рагӀулев,
жиндир лъайги Бичасдасан бугев;
ГӀодов кӀалагъоркье кканиги, рагьарал берал ругев:
17Дида бихьула жеги лъугьа-бахъинчӀеб,
балагьула жеги рикӀкӀада бугелъухъ.
Гьале, Якъубидасан баккун, цӀва гвангъулеб;
ГӀизраилидасан кверщелчилъиялъул гӀанса борхулеб –
гьелъ бекила МогӀавалъул нодо,
рекила Шетил киналго наслабазул бутӀрул.
18Кверде босизе буго Эдом,
ГӀизраилил тушман Сеирги кверщаликье ккезе буго,
амма ГӀизраилил халкъалъулъ къуват загьирлъизе буго.
19Якъубил наслуялъ кверщелчилъи гьабила,
шагьаралда хвасарлъаралщиналги гъурила».
20БилгӀамида амалекиял рихьана ва гьезул рахъалъ бицана:
«Халкъазда гьоркьоб цебехъанлъун букӀана Амалекил халкъ,
амма хадубккун гьеб даималъего тӀагӀина ракьалдаса».
21Кениял#24:21 Кениял – Муса аварагасул вакьадасул наслаби. рихьана гьесда ва гьезул рахъалъги бицана:
«Щулияб буго дур рукъ ва кьурда буго дур рукӀун;
22амма чӀунтила Кайин#24:22 Кайин – кениял.,
Ассириялъ нуж асирлъуде рачун араб мехалда».
23Гьес жеги абуна:
«Аллагьасул кверзукьа щал рорчӀулел?
24Киттималдаса#24:24 Киттим – Кипр. гуми рачӀина
ва гьез кквела Ассириялъулги Евералъулги ракьал,
амма гьелги даималъего тӀагӀина».
25Цинги БилгӀам жиндирго рокъове тӀад вуссана, Балакги жиндирго нухда ана.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© Институт перевода Библии, 2005-2023