Matius 1
1
Siwulu kamaiꞌaoꞌano Yesus Kristus
1:1-17
Luk 3:23-38
1Pedamo aini siwulu kamaiꞌaoꞌano Yesus Kristus sampuꞌano Daud, sampuꞌano Abraham.
2Abraham nokoanaꞌao Ishak,
Ishak nokoanaꞌao Yakub.
Yakub nokoanaꞌao Yehuda bhe bhahitieꞌino.
3Yehuda nokoanaꞌao Peres bhe Zerah, neano inando Tamar.
Peres nokoanaꞌao Hesron,
Hesron nokoanaꞌao Ram.
4Ram nokoanaꞌao Aminadab,
Aminadab nokoanaꞌao Nahason,
Nahason nokoanaꞌao Salmon.
5Salmon nokoanaꞌao Boas, neano inano Rahab.
Boas nokoanaꞌao Obed, neano inano Rut.
Obed nokoanaꞌao Isai.
6Isai nokoanaꞌao Daud, membalino omputo.
Daud nokoanaꞌao Salomo, anano bhe bhihinandano Uria.
7Salomo nokoanaꞌao Rehabeam,
Rehabeam nokoanaꞌao Abia,
Abia nokoanaꞌao Asa.
8Asa nokoanaꞌao Yosafat,
Yosafat nokoanaꞌao Yoram,
Yoram nokoanaꞌao Usia.
9Usia nokoanaꞌao Yotam,
Yotam nokoanaꞌao Ahas,
Ahas nokoanaꞌao Hiskia.
10Hiskia nokoanaꞌao Manase,
Manase nokoanaꞌao Amon,
Amon nokoanaꞌao Yosia.
11Yosia nokoanaꞌao Yekonia bhe bhahitieꞌino, ne dhamanino katiꞌohoꞌando we witeno Babel.
12Nopalusi dhamanino katiꞌohoꞌando we Babel, Yekonia nokoanaꞌao Sealtiel,
Sealtiel nokoanaꞌao Zerubabel.
13Zerubabel nokoanaꞌao Abihud,
Abihud nokoanaꞌao Elyakim,
Elyakim nokoanaꞌao Asor.
14Asor nokoanaꞌao Zadok,
Zadok nokoanaꞌao Akim,
Akim nokoanaꞌao Eliud.
15Eliud nokoanaꞌao Eleasar,
Eleasar nokoanaꞌao Matan,
Matan nokoanaꞌao Yakub.
16Yakub nokoanaꞌao Yusuf, moꞌaneno Maria.
Maria koanaꞌaonomo Yesus nekonando Kristus.
17Dadiꞌanomo kosasawindo siwulu anaꞌa peda aini: ompulu fato sampuꞌa nomaiꞌao ne Abraham ampa ne Daud, ompulu fato sampuꞌa nomaiꞌao ne Daud ampa katiꞌohoꞌando we Babel, ompulu fato sampuꞌa nomaiꞌao ne katiꞌohoꞌando we Babel ampa ne Kristus.
Kalenteꞌano Yesus Kristus
1:18-25
Luk 2:1-7
18Kalenteꞌano Yesus Kristus pedamo aini. Maria, inano Yesus, nopopohae bhe Yusuf. Miinaꞌo dagumaaꞌa, gahaꞌa nofowoowamo hampano Rohino Lahataꞌala. 19Yusuf, pohaeno Maria maitu, seemie melaano lalo. Anoa nokiido namekaambano Maria ne wisendo mie bhahi, dadiꞌanomo nokopatudhu nabhotuemo popohaendo, tamaka pae naefemata-mataa. 20Gahaꞌa tangasano notimba-timbangi patudhuno maitu, malaꞌekatino Ompu nofotiwohamo wutono weo nifi. Ambano malaꞌekati maitu, “Yusuf, sampuꞌano Daud, koe moteꞌia mala Maria so mieno lambumu, kapaꞌamo anaꞌi newoowano itu nomaiꞌao ne Rohino Lahataꞌala. 21Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.” 22Aini nokadhadhia mbali nokoꞌulaꞌao bhoasaono Ompu nefosampeno anabii peda aini, 23“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” #Yes 7:14 (Maꞌanano Imanuel, Lahataꞌala nopobhai kaitaomu). 24Hato nowanu, Yusuf noangkafimo pahintano malaꞌekatino Ompu naꞌa. Nowowoꞌomo Maria mbali mieno lambuno. 25Ampamo kaowu, Yusuf miina napomoodofianea ampa nofolente anano maitu. Anaꞌi aitu nokonae Yesus.
Obecnie wybrane:
Matius 1: mnbSD
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.