Fwile 2
2
Moizi yaale
(Kw 7:20–22; Ébr 11:23)
1Lévi kululami do le si Lévi kululale do nya. 2Le ’ko bɔn si yé é né yaa gɔné nya. É a ye léé, é a nɔnɔmi, yé é a yɔɔ moné yaa wuo. 3É ’ka bɔa a yɔɔle lɛ é dɛrɛ lo yé é vlekyɛɛ si yé é gyaleyɔɔ valé yilibrɔn wo a ma; é né pa a gi, yé é a dɔra gyannu méléna yuu gɔɔn ma. 4Né buru dɔ ana baa sɛ, we lé é dan kɛlɛ lɛ a lɛ, a yele we gi.
5Faraɔn lu go zuru lɛ yuu bai, yé a pamunu vo dɔwona yuu gɔ la. É kyɛɛné ye gyannu méléna yé é wuole nwunvɔ a sina. 6É a lɛ so yé é né ye; négɔnéné lé ke wuvɔna, yee lé. A nyanai zén a ta yé é léé: Ébrunu lé né do lé. 7Yé né buru lé Faraɔn lu lɛ léé: É sɔ i lɛ léé, ’an go népazan nagini Ébru lomu va, nyɔ dɔle né ’ko ’léé we gii? 8Faraɔn lu léé: ’I go. Yé blɛnné go né bu laa lɛ. 9Faraɔn lu lé né bu lɛ léé: ’I né ’ko si, ’i nyɔ dɔ a ’léé an lɛ; maa dan i gooli pa lɛ. Lezan né si yé é vo nyɔ dɔna a ’léé. 10É tin aan wo é go a nya Faraɔn lu va yé é kɛlɛ a be nya. É tɔ pa a ma Moizi; é léé: Maa a si ’yi va, azama.
Moizi vɔ fli gi yé é go Madian tɛrɛ la
(Kw 7:23–29; Ébr 11:24–27)
11Moizi kɛlɛ segele bléyian va, é go é bwenu va yé é wolé nyanama tɔntɔn ye. É Éjipiti mi do ye é bwe Ébru mi do blana. 12É zi faa nagini yé é ’ka mi do kpen ye lɛ lo yé é Éjipiti mi gyɛ yé é a yɔɔ nyéné wuo. 13’Bɛ é tu kini é bɔra é ziin; yé bé ye, Ébru mi fié a guli danna. É lé wegyɛzan lɛ léé: Mɛmalé i a i bɔluzan blanaa? 14Yé mi ’ko a zi pa léé: De ɛ bii dɔ ko nwiinzan valé kolé weblezan nyaa? É dɔ i gi léé, i dan maa gyɛ lɛ, i Éjipiti mi gyɛ fɛan zo, a zoo? Kana zén Moizi gi yé é léé: Weboen lé, wo we ’ko dɔɔ. 15We lé é kɛlɛ, Faraɔn a ’ma, yé é a kwa kulina léé, ’é Moizi gyɛ. Naa, Moizi vlan buru baa Faraɔn lee, yé é go Madian tɛrɛ la, yé é dɔ ’yiguru do ta.
16Madian balebanzan lunu a sɔrafié. Wo da ’yi tɔ lɛ yé wa zén winu lé ’yiminifɛ gi wo ti lé trubɛnu lé ’yi minile we ma. 17’Blatabinzannu da yé wo wo bin. Yé Moizi nwa yé é dɔ lomu zuo yé é ’yi nɔ wolé trubɛnu lɛ. 18Wo nɔla ’wo ti Réuɛl va aan wo, é léé: Mɛmalé ka da é kele kyɔɔ? 19Wo léé: Éjipiti mi do ko si ’blatabinzannu lee, yé ’bɛ ta loru é ’yi tɔ ko lɛ yé é ’yiminile nɔ trubɛ lɛ. 20Yé Réuɛl lé é lunu lɛ léé: É a kyɛɛn? Mɛmalé ka gɔné ’ko vo ana mii? ’Ka a laa, ’é da fɛ ble. 21É dɔ Moizi gi léé, ’é nyanaan gɔné ’ko va, yé é nyana a va. Yé ’bɛ é lu Séfora nɔ a lɛ a na nya. 22É né yaa gɔné nya, yé é tɔ pa a ma Gɛɛsom; é léé: Maa nyana bɛn tɛrɛ la, azama.
23’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va. 24Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi. 25Kazambale yuɛ vɔ Izraɛl lé nénu ta, yé a nyanai zén wo ta.
Obecnie wybrane:
Fwile 2: GOURU
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Alliance Biblique de Cote d'Ivoire 1979
Fwile 2
2
Moizi yaale
(Kw 7:20–22; Ébr 11:23)
1Lévi kululami do le si Lévi kululale do nya. 2Le ’ko bɔn si yé é né yaa gɔné nya. É a ye léé, é a nɔnɔmi, yé é a yɔɔ moné yaa wuo. 3É ’ka bɔa a yɔɔle lɛ é dɛrɛ lo yé é vlekyɛɛ si yé é gyaleyɔɔ valé yilibrɔn wo a ma; é né pa a gi, yé é a dɔra gyannu méléna yuu gɔɔn ma. 4Né buru dɔ ana baa sɛ, we lé é dan kɛlɛ lɛ a lɛ, a yele we gi.
5Faraɔn lu go zuru lɛ yuu bai, yé a pamunu vo dɔwona yuu gɔ la. É kyɛɛné ye gyannu méléna yé é wuole nwunvɔ a sina. 6É a lɛ so yé é né ye; négɔnéné lé ke wuvɔna, yee lé. A nyanai zén a ta yé é léé: Ébrunu lé né do lé. 7Yé né buru lé Faraɔn lu lɛ léé: É sɔ i lɛ léé, ’an go népazan nagini Ébru lomu va, nyɔ dɔle né ’ko ’léé we gii? 8Faraɔn lu léé: ’I go. Yé blɛnné go né bu laa lɛ. 9Faraɔn lu lé né bu lɛ léé: ’I né ’ko si, ’i nyɔ dɔ a ’léé an lɛ; maa dan i gooli pa lɛ. Lezan né si yé é vo nyɔ dɔna a ’léé. 10É tin aan wo é go a nya Faraɔn lu va yé é kɛlɛ a be nya. É tɔ pa a ma Moizi; é léé: Maa a si ’yi va, azama.
Moizi vɔ fli gi yé é go Madian tɛrɛ la
(Kw 7:23–29; Ébr 11:24–27)
11Moizi kɛlɛ segele bléyian va, é go é bwenu va yé é wolé nyanama tɔntɔn ye. É Éjipiti mi do ye é bwe Ébru mi do blana. 12É zi faa nagini yé é ’ka mi do kpen ye lɛ lo yé é Éjipiti mi gyɛ yé é a yɔɔ nyéné wuo. 13’Bɛ é tu kini é bɔra é ziin; yé bé ye, Ébru mi fié a guli danna. É lé wegyɛzan lɛ léé: Mɛmalé i a i bɔluzan blanaa? 14Yé mi ’ko a zi pa léé: De ɛ bii dɔ ko nwiinzan valé kolé weblezan nyaa? É dɔ i gi léé, i dan maa gyɛ lɛ, i Éjipiti mi gyɛ fɛan zo, a zoo? Kana zén Moizi gi yé é léé: Weboen lé, wo we ’ko dɔɔ. 15We lé é kɛlɛ, Faraɔn a ’ma, yé é a kwa kulina léé, ’é Moizi gyɛ. Naa, Moizi vlan buru baa Faraɔn lee, yé é go Madian tɛrɛ la, yé é dɔ ’yiguru do ta.
16Madian balebanzan lunu a sɔrafié. Wo da ’yi tɔ lɛ yé wa zén winu lé ’yiminifɛ gi wo ti lé trubɛnu lé ’yi minile we ma. 17’Blatabinzannu da yé wo wo bin. Yé Moizi nwa yé é dɔ lomu zuo yé é ’yi nɔ wolé trubɛnu lɛ. 18Wo nɔla ’wo ti Réuɛl va aan wo, é léé: Mɛmalé ka da é kele kyɔɔ? 19Wo léé: Éjipiti mi do ko si ’blatabinzannu lee, yé ’bɛ ta loru é ’yi tɔ ko lɛ yé é ’yiminile nɔ trubɛ lɛ. 20Yé Réuɛl lé é lunu lɛ léé: É a kyɛɛn? Mɛmalé ka gɔné ’ko vo ana mii? ’Ka a laa, ’é da fɛ ble. 21É dɔ Moizi gi léé, ’é nyanaan gɔné ’ko va, yé é nyana a va. Yé ’bɛ é lu Séfora nɔ a lɛ a na nya. 22É né yaa gɔné nya, yé é tɔ pa a ma Gɛɛsom; é léé: Maa nyana bɛn tɛrɛ la, azama.
23’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va. 24Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi. 25Kazambale yuɛ vɔ Izraɛl lé nénu ta, yé a nyanai zén wo ta.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Alliance Biblique de Cote d'Ivoire 1979