प्रेरित 20
20
पावल माकेडोनिया प्रदेशमि रे युनान प्रदेशमि
1यो हुलदङ्गा रोकिया पछा पावलले प्रभु येशूका शिष्यालाइ जम्मा अर्यो रे तिननलाइ उत्साह दिइबर बिदा भया, रे माकेडोनिया प्रदेसमि गया। 2तइ प्रदेशमि गइबर तिननलाइ भौत उत्साह दिया पछा तिन ग्रीस प्रदेशमि गया, जइलाइ अखैया प्रदेस लगइ भणिन्छ। 3ताँ तिन तीन मैना सम्म बस्या। तिन सिरिया प्रदेशमि जहाज बठेइ जान्ज्या, तिनले केइ यहुदि अगुवानले तिनलाइ जहाजमि माद्या योजना बनाइराइछ भणन्या सुण्यो तबइकिलाइ पावलले माकेडोनिया प्रदेस होइबर सिरिया प्रदेशमि जान्या पक्का अर्यो। 4तब बेरिया सहरमि बस्सया पुरसको चेलो सोपात्रोस, थेसलोनिके सहर बठेइ अरिस्तार्खस रे सिकन्दस, डर्बि सहरका गायस, लुस्त्रा सहर बठेइ तिमोथी रे एसिया प्रदेशका तुखिकस रे त्रोफिमस तिनसित गया। 5तिनन अगाडी गया रे त्रोआस सहरमि पुग्या पछा हामलाइ पखिरइथ्या। 6तर हाम निस्तार काजबार पछा फिलिप्पी सहर बठेइ जहाजमि चडिबर पाँच दिन पछा तिननलाइ त्रोआस सहरमि भेट्या, रे हाम ताँ सात दिन बस्या।
युटिकस जिउनो अरिया
7आइतबारका दिन जब हाम प्रभुभोज खानाइ एकहठ्ठा भया, तब पावलले भोलिबार जान्या मन अर्या हुनाले, तिननसित अधरात सम्म कुरणीकानी अर्या। 8हाम एकहठ्ठा भया मल्लो तलाको कोठामी भौत बत्ति बल्लाथ्या। 9युटिकस नाउँ भया एक जाना जबान मान्स झ्यालमि बसिरइथ्यो। पावलले भौत बेर सम्म कुरणीकानी अरन्ज्या तइलाइ निन लागी रे त्यो सिइय्यो, निनमि त्यो तेसरा तला हइ झड्यो, रे उतन्जेइ केइ मान्सन तल्तिर आइबर तइलाइ उठायो तर त्यो मरिसक्या थ्यो। 10तब पावल तल्तिर तइका वाँ गया रे घोप्टिबर तइलाइ अङाल हाल्यो रे वलतिर पल्तिरका मान्सनलाइ भण्यो, “तमन जन आतिय, क्याकि यो जिउनोइ छ।” 11तब पावल मल्तिर उकल्या, रे सब मिलिबर प्रभुभोज खायो। तइ पछा बिहानइ उजालो नहुन्ज्या सम्म तिननसित भौत बेर कुरणीकानी अद्दाइ रया। तइ पछा पावल तिनन बठेइ बिदा भया। 12तिननले तइ जबान मान्सलाइ जिउनोइ लेइबर आया रे भौत खुशी भया।
त्रोआस सहर बठेइ मिलेटेस गाउँ सम्मको यात्रा
13त्रोआस सहर बठेइ पावल बाहेक हाम सब जहाजमि चडिबर अस्सोस गाउँमी गया। पावललाइ अस्सोस गाउँ सम्म हिटबर जान्या मन भया हुनाले उनले आफलाइ अस्सोस गाउँ सम्म मान्तर जहाजमि चड्या बन्दोबस्त अर्याथ्यो। 14हाम अस्सोस गाउँमी पुग्या पछा उन लगइ आइबर जहाजमि चड्या रे हाम सब मिलिबर मितिलेने गाउँमी गया। 15भोलिबार ताँ बठेइ यात्रा अद्दाइ खियस टापुका नजिकै होइबर सामोस गाउँमी पुग्या, रे अर्खा दिन मिलेटस सहरमि आया। 16पावलले एफिसस सहरमि नओल्या फैसला अर्यो, क्याकि पावल एसिया प्रदेशमि आजी भौत समय बिताउन चाहान्थेइन। उनले पेन्तिकोस काजबारका दिन यरुशलेम सहरमि पुग्द्दाइ हतार अद्दाथ्या।
एफिसस सहरमि भया मण्डलिका अगुवानसित बिदाइ
17जब हाम मिलेटस सहरमि ओल्या, तब पावलले एफिसस सहरमि भया मण्डलिका अगुवानलाइ रैबार पठायो। 18तिनन आया पछा पावलले भण्यो, “एसिया प्रदेशमि आया दिन बठेइ तमनसित अइल सम्म बसन्ज्या मइले तमरा बिचइनि कइ किसिमले दिन बिताया त्यो तमनलाइ था छ। 19पुरा नम्रतामि आँउस बगाउनोइ, यहुदि मान्सको जालजेलको बेलामि ठुलो संकट पड्या लगइ मइले प्रभुको सेवा अर्या। 20तमन संगति अद्द्या ठाउँमि रे घर-घरमि गइबर सब कुरणीको शिक्षा दिन्ज्या मइले तमरो भलाइ हुन्या केइ कुरणी मनमि बाकि राखेइन। 21यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”
22आब हेर, म पबित्र आत्माको आज्ञामी यरुशलेम सहरतिर जान्ना छु, ताँ मलाइ कि-कसो पडि आउन्या हो त्यो म केइ जाण्नइन। 23तर इति मान्तर जाण्नउ, कि हरेक सहरमि झेलको द:ख रे कष्ट ममि पडि आउन्या हो भण्न्या पबित्र आत्माले मलाइ भण्या छ। 24तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।
25आब हेर, म जाण्नउ कि तमनमि हइ जइ जइलाइ मइले हरेक ठाउँमि परमेश्वरको राज्यका बारेमि प्रचार अर्या, तमन मलाइ आजी कभइ धेक्द्या होनु। 26तबइकिलाइ आजका दिन म तमनलाइ गवाही दिनउ, कि यदि तमनमि हइ कोइ लगइ येशूमि बिश्वास नअरिबरइ मरन्छ भण्या यो मेरो गल्ती होइन। 27क्याकि मइले तमनलाइ सब कुरणी बताइ सक्या छु, जो तमनले जाण भणि परमेश्वर चाहानाहान। 28तमनले आफ्नो रे आफ्ना सब मान्सनको हेरचाह अर्या। पबित्र आत्माले तमनलाइ मान्सनको जिम्मा दिया हुनाले तमन, उनले आफनाइ रगतले किन्या परमेश्वरका मण्डलिको हेरचाह अर। 29क्याकि मलाइ था छ, कि म गया पछा तमरा बिचइनि झुटा शिक्षक आउन्याहुन। रे बिश्वासिनलाइ दु:ख दिन्या हुन, तब तिनन त्यो ब्वाँसा जसाइ हुन, जो भेडालाइ माद्दाहान। 30याँ सम्मकि तमरा आफ्ना बिश्वासीनका बिच बठेइ यिसा मान्सन आउन्या हुन, जइले प्रभुका शिष्यालाइ आफ्ना खराब बाटामि लैजान्या हुन। 31तबइकिलाइ यो सम्जिबर होशियार बस, कि तीन बर्ष सम्म मइले रातदिन आँउस बगाइबर हरेक मान्सनलाइ चेताउनी दिनोइरया।
32आब म तमनलाइ परमेश्वरमि रे उनरा अनुग्रहको बचनमी सुम्पिदिनउ, जइले तमनलाइ बिश्वासमि बलिया बनाउन सकन्छ, रे परमेश्वरले तमनलाइ त्यो उत्तराधिकार दिनाहान जइलाइ दिन्या बाचा उनले तिनन सब मान्सनसित अर्याछ जो उन बठेइ पबित्र पाड्या छ। 33मइले कसइ मान्सको सुन, चाँदी, कि लत्ताको लोभ अरेइन। 34तमनलाइ थाइछ, मइले काम अरबर मलाइ रे मेरा साथिनलाइ चाहिन्या जरुरी कुरणी पुरा अरिदिया। 35मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।
36इति भणबर पावलले घुडा टेक्यो रे तिनन सबसित प्रार्थना अर्यो। 37तिनन सब रोया, रे पावललाइ अङाल हालि भात्ति खाइबर बिदा अर्यो। 38तिननले तमन मलाइ आजी कभइ धेक्द्या होनु भणि पावलले भणेइ कुरणीमि बड्ताइ सोक अर्यो। रे तिननले पावललाइ जहाजमि पुर्यायो।
Obecnie wybrane:
प्रेरित 20: DTYNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
प्रेरित 20
20
पावल माकेडोनिया प्रदेशमि रे युनान प्रदेशमि
1यो हुलदङ्गा रोकिया पछा पावलले प्रभु येशूका शिष्यालाइ जम्मा अर्यो रे तिननलाइ उत्साह दिइबर बिदा भया, रे माकेडोनिया प्रदेसमि गया। 2तइ प्रदेशमि गइबर तिननलाइ भौत उत्साह दिया पछा तिन ग्रीस प्रदेशमि गया, जइलाइ अखैया प्रदेस लगइ भणिन्छ। 3ताँ तिन तीन मैना सम्म बस्या। तिन सिरिया प्रदेशमि जहाज बठेइ जान्ज्या, तिनले केइ यहुदि अगुवानले तिनलाइ जहाजमि माद्या योजना बनाइराइछ भणन्या सुण्यो तबइकिलाइ पावलले माकेडोनिया प्रदेस होइबर सिरिया प्रदेशमि जान्या पक्का अर्यो। 4तब बेरिया सहरमि बस्सया पुरसको चेलो सोपात्रोस, थेसलोनिके सहर बठेइ अरिस्तार्खस रे सिकन्दस, डर्बि सहरका गायस, लुस्त्रा सहर बठेइ तिमोथी रे एसिया प्रदेशका तुखिकस रे त्रोफिमस तिनसित गया। 5तिनन अगाडी गया रे त्रोआस सहरमि पुग्या पछा हामलाइ पखिरइथ्या। 6तर हाम निस्तार काजबार पछा फिलिप्पी सहर बठेइ जहाजमि चडिबर पाँच दिन पछा तिननलाइ त्रोआस सहरमि भेट्या, रे हाम ताँ सात दिन बस्या।
युटिकस जिउनो अरिया
7आइतबारका दिन जब हाम प्रभुभोज खानाइ एकहठ्ठा भया, तब पावलले भोलिबार जान्या मन अर्या हुनाले, तिननसित अधरात सम्म कुरणीकानी अर्या। 8हाम एकहठ्ठा भया मल्लो तलाको कोठामी भौत बत्ति बल्लाथ्या। 9युटिकस नाउँ भया एक जाना जबान मान्स झ्यालमि बसिरइथ्यो। पावलले भौत बेर सम्म कुरणीकानी अरन्ज्या तइलाइ निन लागी रे त्यो सिइय्यो, निनमि त्यो तेसरा तला हइ झड्यो, रे उतन्जेइ केइ मान्सन तल्तिर आइबर तइलाइ उठायो तर त्यो मरिसक्या थ्यो। 10तब पावल तल्तिर तइका वाँ गया रे घोप्टिबर तइलाइ अङाल हाल्यो रे वलतिर पल्तिरका मान्सनलाइ भण्यो, “तमन जन आतिय, क्याकि यो जिउनोइ छ।” 11तब पावल मल्तिर उकल्या, रे सब मिलिबर प्रभुभोज खायो। तइ पछा बिहानइ उजालो नहुन्ज्या सम्म तिननसित भौत बेर कुरणीकानी अद्दाइ रया। तइ पछा पावल तिनन बठेइ बिदा भया। 12तिननले तइ जबान मान्सलाइ जिउनोइ लेइबर आया रे भौत खुशी भया।
त्रोआस सहर बठेइ मिलेटेस गाउँ सम्मको यात्रा
13त्रोआस सहर बठेइ पावल बाहेक हाम सब जहाजमि चडिबर अस्सोस गाउँमी गया। पावललाइ अस्सोस गाउँ सम्म हिटबर जान्या मन भया हुनाले उनले आफलाइ अस्सोस गाउँ सम्म मान्तर जहाजमि चड्या बन्दोबस्त अर्याथ्यो। 14हाम अस्सोस गाउँमी पुग्या पछा उन लगइ आइबर जहाजमि चड्या रे हाम सब मिलिबर मितिलेने गाउँमी गया। 15भोलिबार ताँ बठेइ यात्रा अद्दाइ खियस टापुका नजिकै होइबर सामोस गाउँमी पुग्या, रे अर्खा दिन मिलेटस सहरमि आया। 16पावलले एफिसस सहरमि नओल्या फैसला अर्यो, क्याकि पावल एसिया प्रदेशमि आजी भौत समय बिताउन चाहान्थेइन। उनले पेन्तिकोस काजबारका दिन यरुशलेम सहरमि पुग्द्दाइ हतार अद्दाथ्या।
एफिसस सहरमि भया मण्डलिका अगुवानसित बिदाइ
17जब हाम मिलेटस सहरमि ओल्या, तब पावलले एफिसस सहरमि भया मण्डलिका अगुवानलाइ रैबार पठायो। 18तिनन आया पछा पावलले भण्यो, “एसिया प्रदेशमि आया दिन बठेइ तमनसित अइल सम्म बसन्ज्या मइले तमरा बिचइनि कइ किसिमले दिन बिताया त्यो तमनलाइ था छ। 19पुरा नम्रतामि आँउस बगाउनोइ, यहुदि मान्सको जालजेलको बेलामि ठुलो संकट पड्या लगइ मइले प्रभुको सेवा अर्या। 20तमन संगति अद्द्या ठाउँमि रे घर-घरमि गइबर सब कुरणीको शिक्षा दिन्ज्या मइले तमरो भलाइ हुन्या केइ कुरणी मनमि बाकि राखेइन। 21यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”
22आब हेर, म पबित्र आत्माको आज्ञामी यरुशलेम सहरतिर जान्ना छु, ताँ मलाइ कि-कसो पडि आउन्या हो त्यो म केइ जाण्नइन। 23तर इति मान्तर जाण्नउ, कि हरेक सहरमि झेलको द:ख रे कष्ट ममि पडि आउन्या हो भण्न्या पबित्र आत्माले मलाइ भण्या छ। 24तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।
25आब हेर, म जाण्नउ कि तमनमि हइ जइ जइलाइ मइले हरेक ठाउँमि परमेश्वरको राज्यका बारेमि प्रचार अर्या, तमन मलाइ आजी कभइ धेक्द्या होनु। 26तबइकिलाइ आजका दिन म तमनलाइ गवाही दिनउ, कि यदि तमनमि हइ कोइ लगइ येशूमि बिश्वास नअरिबरइ मरन्छ भण्या यो मेरो गल्ती होइन। 27क्याकि मइले तमनलाइ सब कुरणी बताइ सक्या छु, जो तमनले जाण भणि परमेश्वर चाहानाहान। 28तमनले आफ्नो रे आफ्ना सब मान्सनको हेरचाह अर्या। पबित्र आत्माले तमनलाइ मान्सनको जिम्मा दिया हुनाले तमन, उनले आफनाइ रगतले किन्या परमेश्वरका मण्डलिको हेरचाह अर। 29क्याकि मलाइ था छ, कि म गया पछा तमरा बिचइनि झुटा शिक्षक आउन्याहुन। रे बिश्वासिनलाइ दु:ख दिन्या हुन, तब तिनन त्यो ब्वाँसा जसाइ हुन, जो भेडालाइ माद्दाहान। 30याँ सम्मकि तमरा आफ्ना बिश्वासीनका बिच बठेइ यिसा मान्सन आउन्या हुन, जइले प्रभुका शिष्यालाइ आफ्ना खराब बाटामि लैजान्या हुन। 31तबइकिलाइ यो सम्जिबर होशियार बस, कि तीन बर्ष सम्म मइले रातदिन आँउस बगाइबर हरेक मान्सनलाइ चेताउनी दिनोइरया।
32आब म तमनलाइ परमेश्वरमि रे उनरा अनुग्रहको बचनमी सुम्पिदिनउ, जइले तमनलाइ बिश्वासमि बलिया बनाउन सकन्छ, रे परमेश्वरले तमनलाइ त्यो उत्तराधिकार दिनाहान जइलाइ दिन्या बाचा उनले तिनन सब मान्सनसित अर्याछ जो उन बठेइ पबित्र पाड्या छ। 33मइले कसइ मान्सको सुन, चाँदी, कि लत्ताको लोभ अरेइन। 34तमनलाइ थाइछ, मइले काम अरबर मलाइ रे मेरा साथिनलाइ चाहिन्या जरुरी कुरणी पुरा अरिदिया। 35मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।
36इति भणबर पावलले घुडा टेक्यो रे तिनन सबसित प्रार्थना अर्यो। 37तिनन सब रोया, रे पावललाइ अङाल हालि भात्ति खाइबर बिदा अर्यो। 38तिननले तमन मलाइ आजी कभइ धेक्द्या होनु भणि पावलले भणेइ कुरणीमि बड्ताइ सोक अर्यो। रे तिननले पावललाइ जहाजमि पुर्यायो।
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.