Galatia 3
3
Su ndramed na ge monen le ndoui ad Kristo, gle nongen ad Mose bugane.
1Mu ber Galatia, mu heb monen bui. Sie i gin hinen mu momen ge, io da gin bosilieni le ndro mu Jesu Kristo, su da gin dadhe i, begmarmu gin ilndri beldigei ber Golgata. 2Longu hendre ge io ha lengi i, mu absou me ndro io, gehere Meluan Helian gin meher le bergolmu ie? Ar delengamu le nongen ad Mose, de ar mu gin boro ndoui le nongen ber lang? 3Mu heb monen bui, aga ndangen, de mu derbe, mu gin irgai le ndoui ad Meluan goru, malabo mu irgai momen, mu hanguruen longu ber sengen ge. 4Mu hi derbe? Mu gin ibdi memrad ber lang, golnisden ad Ndorlaben dahed? Mu gin ibdi longu ogo masi gle molhege? 5I ge, i da gin daui Meluan Helian le bergolmu, i da gin hinen gelman ndoun gle ndoui ber lang le molengamu. I gin hinen i hi derbe? Le surien mburer ademu hian, de i gin hengen dagara le ndro mu ar mu gin boro ndoui aden ber lang, iou da gin boharni le ndro mu ie?
6Longu ogo i dege ad Abraham: I boro ndoui ad Jehova, Jehova gin hanguruen: Abraham gina monen le ndoui ad Jehova, 7danmu i malabo: Su da boro ndoui ad Jehova, su ndurn Abraham. 8Jehova i danen, i beg somui le asu Haiden lie, su boro ndoui aden ge. Su lie, na ge monen gleri, i vong le ndro Abraham goru, i bai le ndro i. Uo gin boro ndoui ordo hian ge, io beg hengen hian le ndro su Haiden masi lie. 9Su da boro ndoui ad Jehova, Ndorlaben i hengen su, dege i gin hengen le ndro Abraham i da gin boro ndoui ad Jehova. 10Su ge, su da hanguruen mburer asu hian ge, su hanguruen na ge momen gle mburer asu su da gin hinen i, su gina momen ge. Dege su gin hondre goru: Homo ma homo na ge momen i de hinen nongen ad Mose masigane bui dege i gin hondre le buk aden. I gina momen ge ar i de ghinen i masi sumburdi bui. 11Dandu longu hendre ge hom ndramed na ge monen le nongen ad Mose bugane. Homo ma homo i mamaren ge, ar i gboro ndoui ad Ndorlaben. 12Nongen ad Mose i dege ndoui ber belengan ad Ndorlaben bui. Jehova i hanguruen dege ogoro: Ar homo i ghinen nongen aden, i mamaren, i horuan gleri. 13Kristo gin semani du, nongen ad Mose de danen dieni du bui. I gin hengen mandrn e ndrai aden le surian, dege homo gin hondre dugian: Homo, su dadhe i le gei i gina momen sumburdi. 14Jehova i ha lengi su Haiden su horuan lie gle ndoui ad Jesu Kristo, dege i gin bai goru le ndro Abraham: I ha lengi, iou masi iou ibdi memrad ad Meluan Helian, dege i ha leng hengen me ndro du, ar dandu boro ndoui aden.
15Mu ndere hian, goloisden mu, io ha lengi, mu hanguruen heb longu ogo asu ndramed ber boan: Ar homo baghege na gmed i ha vong heb nongen gle memrad aden, nongen aden i monen ge, homo asu loun de danen belueni nongen aden bui, de danen bahilou gle nongen aden bugane. 16Jehova gin vong le ndro Abraham, i beg hengen le ndro Ndurn. I de vong bui le ndro su Ndurn, su mabosanged, i gin bai le ndro Ndurn, aga homo ge. Ndurn ad Abraham aga Kristo. 17Be io vong dege ogoro, io hanguruen longu ogo: Be Jehova i gin vong heb nongen dugian, nongen aden monen ge. Nongen ad Mose gin meher muren, year mahanged e dilingul nongen ad Mose gin meher le bohon aden, Ndorlaben i de gin bieni nongen aden ber goru gleri bui. 18Ar Jehova i gin vong molhe dugian, i de hengen dege i gin bai bugane, i hanguruen nongen aden ber muren, i da gin bosoui le ndro Mose. Dandu, i gin bosoui nongen ogo le ndro Abraham goru, i golnisden Abraham, i ha leng hengen le ndro i dege i gin bai. 19Nongen ad Mose i hi derbe? Jehova gin hengeni le ndro su ndramed su da gin meher muren. Nongen ad Mose gina la born ndro nongen, Jehova gin bai le ndro Abraham goru, i ha leng sobani su ndramed gleri mabenan ndur Abraham na gmeher, i beg hengen le ndro su gle nemen. I gin bosoui nongen ogo le bohon asu Angelo, i gin daui longu ogo ber lang le nemen ad homo, i da ghengen i le ndro su. 20I ge, i da beg hengeni le ndro su, i de hengeni le ndro homo bui, le ndro su mabosanged. Jehova, i ge, i homo ge. 21Derbe nongen ad Mose i bo iil le nongen ber dugian Jehova i gin bosoui le ndro Abraham ie? Bugane, be nongen ad Mose i danen hinen su ndramed mamaren, su ndramed na ge monen gle nongen ad Mose ndangen. 22Nongen Helian le ndro su ge, dansu boro ndoui ber lang gle memrad hian ber belengan ago le ndro su ge, dansu boro ndoui ad Jesu Kristo. 23Ndoui ogo gin meher muren, hanu nongen ad Mose i da ndro du, iou gin belengeni le rang, be Jehova beg boharni ndoui ber lang me ndro du. 24Nongen ad Mose i gin dulieni du le ndro Kristo, i gin henunuen du gle ndoui ber lang. Iou na ge monen be dandu boro ndoui ogo. 25Malabo dandu boro ndoui ber belengan, dandu Kristo, iou hilou le sal, homo de dulieni du le ndro Kristo bui. 26Mu masigane mu mbunana ad Jehova, ar danmu boro ndoui ad Jesu Kristo. 27Mu masigane su gin surhi mu gle ndran, gelman asu lao ad Jesu, mu gin ibdi bern ad Kristo. 28Ndorlaben i de hanguruen mandrsu lao aden bui. I de hanguruen bui: Aga hom Juda, de aga homo asu Grek. I de hanguruen bui: Aga lao dandedegei molhe, de aga hom labenen. I de hanguruen bui aga hom gamel, de aga hom bihin, bugane, mu masigane mu bersi ge le hanguruen ad Jesu Kristo. 29Ar mu ad Kristo, mu ndur Abraham, danmu ibdi memrad ber lang, dege Jehova gin bai goru.
Obecnie wybrane:
Galatia 3: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956
Galatia 3
3
Su ndramed na ge monen le ndoui ad Kristo, gle nongen ad Mose bugane.
1Mu ber Galatia, mu heb monen bui. Sie i gin hinen mu momen ge, io da gin bosilieni le ndro mu Jesu Kristo, su da gin dadhe i, begmarmu gin ilndri beldigei ber Golgata. 2Longu hendre ge io ha lengi i, mu absou me ndro io, gehere Meluan Helian gin meher le bergolmu ie? Ar delengamu le nongen ad Mose, de ar mu gin boro ndoui le nongen ber lang? 3Mu heb monen bui, aga ndangen, de mu derbe, mu gin irgai le ndoui ad Meluan goru, malabo mu irgai momen, mu hanguruen longu ber sengen ge. 4Mu hi derbe? Mu gin ibdi memrad ber lang, golnisden ad Ndorlaben dahed? Mu gin ibdi longu ogo masi gle molhege? 5I ge, i da gin daui Meluan Helian le bergolmu, i da gin hinen gelman ndoun gle ndoui ber lang le molengamu. I gin hinen i hi derbe? Le surien mburer ademu hian, de i gin hengen dagara le ndro mu ar mu gin boro ndoui aden ber lang, iou da gin boharni le ndro mu ie?
6Longu ogo i dege ad Abraham: I boro ndoui ad Jehova, Jehova gin hanguruen: Abraham gina monen le ndoui ad Jehova, 7danmu i malabo: Su da boro ndoui ad Jehova, su ndurn Abraham. 8Jehova i danen, i beg somui le asu Haiden lie, su boro ndoui aden ge. Su lie, na ge monen gleri, i vong le ndro Abraham goru, i bai le ndro i. Uo gin boro ndoui ordo hian ge, io beg hengen hian le ndro su Haiden masi lie. 9Su da boro ndoui ad Jehova, Ndorlaben i hengen su, dege i gin hengen le ndro Abraham i da gin boro ndoui ad Jehova. 10Su ge, su da hanguruen mburer asu hian ge, su hanguruen na ge momen gle mburer asu su da gin hinen i, su gina momen ge. Dege su gin hondre goru: Homo ma homo na ge momen i de hinen nongen ad Mose masigane bui dege i gin hondre le buk aden. I gina momen ge ar i de ghinen i masi sumburdi bui. 11Dandu longu hendre ge hom ndramed na ge monen le nongen ad Mose bugane. Homo ma homo i mamaren ge, ar i gboro ndoui ad Ndorlaben. 12Nongen ad Mose i dege ndoui ber belengan ad Ndorlaben bui. Jehova i hanguruen dege ogoro: Ar homo i ghinen nongen aden, i mamaren, i horuan gleri. 13Kristo gin semani du, nongen ad Mose de danen dieni du bui. I gin hengen mandrn e ndrai aden le surian, dege homo gin hondre dugian: Homo, su dadhe i le gei i gina momen sumburdi. 14Jehova i ha lengi su Haiden su horuan lie gle ndoui ad Jesu Kristo, dege i gin bai goru le ndro Abraham: I ha lengi, iou masi iou ibdi memrad ad Meluan Helian, dege i ha leng hengen me ndro du, ar dandu boro ndoui aden.
15Mu ndere hian, goloisden mu, io ha lengi, mu hanguruen heb longu ogo asu ndramed ber boan: Ar homo baghege na gmed i ha vong heb nongen gle memrad aden, nongen aden i monen ge, homo asu loun de danen belueni nongen aden bui, de danen bahilou gle nongen aden bugane. 16Jehova gin vong le ndro Abraham, i beg hengen le ndro Ndurn. I de vong bui le ndro su Ndurn, su mabosanged, i gin bai le ndro Ndurn, aga homo ge. Ndurn ad Abraham aga Kristo. 17Be io vong dege ogoro, io hanguruen longu ogo: Be Jehova i gin vong heb nongen dugian, nongen aden monen ge. Nongen ad Mose gin meher muren, year mahanged e dilingul nongen ad Mose gin meher le bohon aden, Ndorlaben i de gin bieni nongen aden ber goru gleri bui. 18Ar Jehova i gin vong molhe dugian, i de hengen dege i gin bai bugane, i hanguruen nongen aden ber muren, i da gin bosoui le ndro Mose. Dandu, i gin bosoui nongen ogo le ndro Abraham goru, i golnisden Abraham, i ha leng hengen le ndro i dege i gin bai. 19Nongen ad Mose i hi derbe? Jehova gin hengeni le ndro su ndramed su da gin meher muren. Nongen ad Mose gina la born ndro nongen, Jehova gin bai le ndro Abraham goru, i ha leng sobani su ndramed gleri mabenan ndur Abraham na gmeher, i beg hengen le ndro su gle nemen. I gin bosoui nongen ogo le bohon asu Angelo, i gin daui longu ogo ber lang le nemen ad homo, i da ghengen i le ndro su. 20I ge, i da beg hengeni le ndro su, i de hengeni le ndro homo bui, le ndro su mabosanged. Jehova, i ge, i homo ge. 21Derbe nongen ad Mose i bo iil le nongen ber dugian Jehova i gin bosoui le ndro Abraham ie? Bugane, be nongen ad Mose i danen hinen su ndramed mamaren, su ndramed na ge monen gle nongen ad Mose ndangen. 22Nongen Helian le ndro su ge, dansu boro ndoui ber lang gle memrad hian ber belengan ago le ndro su ge, dansu boro ndoui ad Jesu Kristo. 23Ndoui ogo gin meher muren, hanu nongen ad Mose i da ndro du, iou gin belengeni le rang, be Jehova beg boharni ndoui ber lang me ndro du. 24Nongen ad Mose i gin dulieni du le ndro Kristo, i gin henunuen du gle ndoui ber lang. Iou na ge monen be dandu boro ndoui ogo. 25Malabo dandu boro ndoui ber belengan, dandu Kristo, iou hilou le sal, homo de dulieni du le ndro Kristo bui. 26Mu masigane mu mbunana ad Jehova, ar danmu boro ndoui ad Jesu Kristo. 27Mu masigane su gin surhi mu gle ndran, gelman asu lao ad Jesu, mu gin ibdi bern ad Kristo. 28Ndorlaben i de hanguruen mandrsu lao aden bui. I de hanguruen bui: Aga hom Juda, de aga homo asu Grek. I de hanguruen bui: Aga lao dandedegei molhe, de aga hom labenen. I de hanguruen bui aga hom gamel, de aga hom bihin, bugane, mu masigane mu bersi ge le hanguruen ad Jesu Kristo. 29Ar mu ad Kristo, mu ndur Abraham, danmu ibdi memrad ber lang, dege Jehova gin bai goru.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956