Yoana Obhukangati
Obhukangati
Ekitabho kinu kyangʼoorwa na Yoana. Yoana yaaringa oumwi gati ya abheehigira ekumi na bhabhiri bha Yeesu bharya. Yaangʼoora ekitabho kinu, naho abheere abheekirirya bhonsego, Abhayahudi na bhanú bhataringi Abhayahudi, bhakamwikirirya Yeesu, kwa okubha bhaarora ebhimanyiiriryo bhinú yaaringa arakora. Ataangʼoora amangʼana ga obhuhoru bhwa Yeesu obhwenego, nawe, aragana kora na amangʼana ga ebhimanyiiriryo ebhyaru bhinú Yeesu yaakora, na ameehigiryo ganú yeehigirya. Amangʼana gayo gonsego garoorokya ega, Yeesu ataaringa omuntu ego, nawe, yaaringa Waryubha.
Kubhwambiro bhwa ekitabho kinu Yoana arakomererya ega, Yeesu ngʼo Engʼana ya Waryubha. Kweki aragamba ega, oruku rwaye n-kimwenso kinú kiratuurya abhantu okurwa mubhusarya bhwabho, na kweki ega, Yeesu ngʼo Masiha unú abharooti bha Eriragano rya Akare bhaaroota. Mukiseku kya 13-17 arahairira obhuhanje bhwa Yeesu kubheehigira bhaaye na amangʼana ganú yaabhakeerya, naho abhateremye omutima mugoroobha hanú yaagwatwa. Ekitabho kiramariisirirya kwa okugana kya ego Yeesu yaabhuturirwa ekiina na okubhambwa kumusarabha, na kya ego yaahyuka okurwa mubhaku, na okwibhukira abheehigira bhaaye mara kaaru.
Obecnie wybrane:
Yoana Obhukangati: Kabwa
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.