इफिसियों 6
6
माँ-बब जां बच्चै
1-3पवित्र शास्त्रा मझ लिखोरू आ; कि “अपड़ै मयि-बबेरा आदर कर, तेख्णी तिंडु सभ किछ भलु भूंणु जां धरती पन तिंडा राज्य लंबा भूंणा।” ऐ पेहिली आज्ञा आ, जै परमेश्वरै एकि वायदै सिंउ दितोरी आ। ऐठणीरै तेईनी हे बच्चो तुवे जै प्रभु पन विश्वास कातै, तुवाड़ै तेईनी ऐ सही आ, कि तुवे अपड़ै मयि-बबेरी आज्ञा मना। 4तुहां मझ जेत्थरै बि माँ-बब अत्तै, अपड़ै छोकरुवंनी गुस्सा मेईं दिवा, पण तेन्हांनि प्रभुरी शिक्षा जां तमीज शिख्रा जां तेन्हैरा पालन-पोषण करा।
मालिक जां दास
5दास मैहणुवां सिंउ मिंडी विनती आ कि जै मैहणु इस संसारा पन तुवाड़ै मालिक अत्तै, तेन्हैरा आदर जां सम्मान करा। सिर्फ दिखावा मेईं करा। तुहां मझियां सभनियांं डरतै जां कंपतै जिहीं मसीहरी, तिहीं ऐ स्वामिरी बि आज्ञा मनणी चेहिंथी। 6तुहां हर टैंम अपड़ै-अपड़ै मालिका केरी आज्ञा मनणी चेहिंथी, सिर्फ तेख्णी ऐ ना जेख्णी सैक्यै तुहां तकांतै भुईया। पण मसीहरै सेवका सैयि बंणा, जै अपड़ै पूरै मंन सिंउ सैहै कातै, जै परमेश्वर चांहथा कि सैक्यै करिया। 7तुवे पूरै जोश सिंउ एकि सेवका सैयि कंम करा, जिहीं मनि लिया तुवे मैहणुवां केरी ना पण प्रभुरी सेवा कातै अत्तै। 8केईनी कि तुवे जांणतै कि जै कोई जेतिया अच्छा कंम करैला, चाहै केणुक्या दास भुईया या दास ना भुईया, तेसनी तैस कंमैरा प्रभु किना तेतिया-ऐ ईनाम मेईंणा। 9ऐहियें-चारै हे मालिको तुवे बि अपड़ै दास मैहणुवां जरका मेईं, पण तैन्हांं सिंउ अच्छा व्यवहार करा। केईनी कि तुहां पता कि तुहां दोईयो केरा मालिक स्वर्गा मझ आ जां सैक्या कोसेरा बि पक्षपात ना काता।
आत्मिक युद्ध कांनेरै तेईनी हथियार
10तुवे सभ प्रभुरी सामर्थ ला आत्मिक तौर पन मजबूत बंणा। 11-13असै मैहणुवां केरै खिलाफ लड़ाई नत्तै लड़तै। पण असै शैतानेरै प्रधाना जां अधिकारिया केरै खिलाफ जां अन्धकारेरिया शक्तिया सिंउ जां आत्मिक संसारेरी सामर्थिरै खिलाफ लड़तै अत्तै। ऐठणीरै तेईनी सभ आत्मिक हथियार बंन्ही ल्या, जै परमेश्वर दींता। ताकि जेख्णी फिरी सैकेई बुरी धियाड़ी ऐईंणी ता तुवे शैतानेरी चालिया किना बचि सकिया; जां जेख्णी ऐ लड़ाई खत्म भौ गांहणी, ता तेख्णी बि तुवे मजबूती सिंउ खड़ै रेय्ही सकिया।
14ऐठणीरै तेईनी परमेश्वरेरी सच्चाई अपड़ै ढका पनि बैल्टी सैयि बंन्ही ल्या जां अपड़ि धार्मिकताय अच्छै व्यवहारेरै कवचा सैयि ला ल्या। 15जां परमेश्वरेरी शांतिरी खुशखबरी शुणाणेरै तेईनी तुवाड़ी ईच्छा ठीक तेतैई ऐ भूंणी चेहिंथी, जिहीं अक सिपाहि लड़ाई लड़नेरै तेईनी अपड़ै बूट ला करि तियार भूंता; 16ऐन्हां सभनियांं केरै अलावा, मसीह पन मजबूत विश्वास रखि करि तैस ढालि सैयि लै-करि तियार बेशा ताकि तुवे तैन्हांं दुष्ट शैतानेरा सभनियांं जअता तीरा हियौलि सकिया। 17उद्धार मतलब परमेश्वरेरै बचाणै बाई सामर्थ, जै कि टोपा सैयि आ, तैस ला ल्या। पवित्र आत्मायरी तलवार जै परमेश्वरैरा वचन आ तैस लै ल्या। 18जां हर टैंम जां हर तराहि सिंउ असु तिहियें प्रार्थना जां विनती कांनी चेहिंथी, जिहीं पवित्र आत्मा असुनि लुहाता। ऐठणीरै तेईनी जागतै रिय्हा जां सभनियांं परमेश्वरैरा मैहणुवां केरै तेईनी हमेशा विनती कातै रिय्हा।
19जां मिंडै तेईनी बि परमेश्वरा सिंउ प्रार्थना करि-करि बोला, कि सै मूंनी बिचानेरै तेईनी सही शब्द दिया, ताकि आंउ बगैर डरै खुशखबरिरै बारै मझ जै सभनियांं मैहणुवां केरै तेईनी आ, तेठणिरी गुप्त गलै समझि सकूँ। 20ऐठणीरै तेईनी आंउ जंजीरियै ला बन्हौरै राजदूता सैयि सेवा काता। प्रार्थना करा कि जिहीं-चारै मूं बोलणु चेहिंथु तिहियें-चारै आंउ हिम्मत सिंउ खुशखबरिरा प्रचार करि सकूँ।
अन्तिम नमस्कार
21तुखिकुस जै प्रभु यीशु मझ असैड़ा प्यारा साथी विश्वासी जां ईमानदार सेवक आ। तैस तुहां मैहणुवंनी ऐ सभ शुणां दींणु, ताकि तुहां बि पता लगी गहिया, कि आंउ केतिया जां कितु काता। 22सैक्या मीं तुहां किनि ऐठणीरै तेईनी भेईजा, कि तुहां असेड़ै हालातैरा पता लगी गहिया जां सैक्या तुहांनि हिम्मत दिया। 23आंउ असेड़ै पिता परमेश्वर सिंउ प्रार्थना काता, कि सैक्या तुहां भाई-भींणियानि शांति दिया जां सैक्या ऐहीं करिया, कि तुवे योकिया सिंउ प्रेम करिया जां यीशु मसीह पन लगातार विश्वास कातै रिय्हा। 24जां आंउ ऐ बि प्रार्थना काता, कि परमेश्वर तैन्हांं सभनियां गला पन अपड़ा अनुग्रह लुहाईया जै असेड़ै प्रभु यीशु मसीह सिंउ प्रेम कातै। सैक्या प्रेम जै कदि खत्म ना भूंता।
Obecnie wybrane:
इफिसियों 6: CDJNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
इफिसियों 6
6
माँ-बब जां बच्चै
1-3पवित्र शास्त्रा मझ लिखोरू आ; कि “अपड़ै मयि-बबेरा आदर कर, तेख्णी तिंडु सभ किछ भलु भूंणु जां धरती पन तिंडा राज्य लंबा भूंणा।” ऐ पेहिली आज्ञा आ, जै परमेश्वरै एकि वायदै सिंउ दितोरी आ। ऐठणीरै तेईनी हे बच्चो तुवे जै प्रभु पन विश्वास कातै, तुवाड़ै तेईनी ऐ सही आ, कि तुवे अपड़ै मयि-बबेरी आज्ञा मना। 4तुहां मझ जेत्थरै बि माँ-बब अत्तै, अपड़ै छोकरुवंनी गुस्सा मेईं दिवा, पण तेन्हांनि प्रभुरी शिक्षा जां तमीज शिख्रा जां तेन्हैरा पालन-पोषण करा।
मालिक जां दास
5दास मैहणुवां सिंउ मिंडी विनती आ कि जै मैहणु इस संसारा पन तुवाड़ै मालिक अत्तै, तेन्हैरा आदर जां सम्मान करा। सिर्फ दिखावा मेईं करा। तुहां मझियां सभनियांं डरतै जां कंपतै जिहीं मसीहरी, तिहीं ऐ स्वामिरी बि आज्ञा मनणी चेहिंथी। 6तुहां हर टैंम अपड़ै-अपड़ै मालिका केरी आज्ञा मनणी चेहिंथी, सिर्फ तेख्णी ऐ ना जेख्णी सैक्यै तुहां तकांतै भुईया। पण मसीहरै सेवका सैयि बंणा, जै अपड़ै पूरै मंन सिंउ सैहै कातै, जै परमेश्वर चांहथा कि सैक्यै करिया। 7तुवे पूरै जोश सिंउ एकि सेवका सैयि कंम करा, जिहीं मनि लिया तुवे मैहणुवां केरी ना पण प्रभुरी सेवा कातै अत्तै। 8केईनी कि तुवे जांणतै कि जै कोई जेतिया अच्छा कंम करैला, चाहै केणुक्या दास भुईया या दास ना भुईया, तेसनी तैस कंमैरा प्रभु किना तेतिया-ऐ ईनाम मेईंणा। 9ऐहियें-चारै हे मालिको तुवे बि अपड़ै दास मैहणुवां जरका मेईं, पण तैन्हांं सिंउ अच्छा व्यवहार करा। केईनी कि तुहां पता कि तुहां दोईयो केरा मालिक स्वर्गा मझ आ जां सैक्या कोसेरा बि पक्षपात ना काता।
आत्मिक युद्ध कांनेरै तेईनी हथियार
10तुवे सभ प्रभुरी सामर्थ ला आत्मिक तौर पन मजबूत बंणा। 11-13असै मैहणुवां केरै खिलाफ लड़ाई नत्तै लड़तै। पण असै शैतानेरै प्रधाना जां अधिकारिया केरै खिलाफ जां अन्धकारेरिया शक्तिया सिंउ जां आत्मिक संसारेरी सामर्थिरै खिलाफ लड़तै अत्तै। ऐठणीरै तेईनी सभ आत्मिक हथियार बंन्ही ल्या, जै परमेश्वर दींता। ताकि जेख्णी फिरी सैकेई बुरी धियाड़ी ऐईंणी ता तुवे शैतानेरी चालिया किना बचि सकिया; जां जेख्णी ऐ लड़ाई खत्म भौ गांहणी, ता तेख्णी बि तुवे मजबूती सिंउ खड़ै रेय्ही सकिया।
14ऐठणीरै तेईनी परमेश्वरेरी सच्चाई अपड़ै ढका पनि बैल्टी सैयि बंन्ही ल्या जां अपड़ि धार्मिकताय अच्छै व्यवहारेरै कवचा सैयि ला ल्या। 15जां परमेश्वरेरी शांतिरी खुशखबरी शुणाणेरै तेईनी तुवाड़ी ईच्छा ठीक तेतैई ऐ भूंणी चेहिंथी, जिहीं अक सिपाहि लड़ाई लड़नेरै तेईनी अपड़ै बूट ला करि तियार भूंता; 16ऐन्हां सभनियांं केरै अलावा, मसीह पन मजबूत विश्वास रखि करि तैस ढालि सैयि लै-करि तियार बेशा ताकि तुवे तैन्हांं दुष्ट शैतानेरा सभनियांं जअता तीरा हियौलि सकिया। 17उद्धार मतलब परमेश्वरेरै बचाणै बाई सामर्थ, जै कि टोपा सैयि आ, तैस ला ल्या। पवित्र आत्मायरी तलवार जै परमेश्वरैरा वचन आ तैस लै ल्या। 18जां हर टैंम जां हर तराहि सिंउ असु तिहियें प्रार्थना जां विनती कांनी चेहिंथी, जिहीं पवित्र आत्मा असुनि लुहाता। ऐठणीरै तेईनी जागतै रिय्हा जां सभनियांं परमेश्वरैरा मैहणुवां केरै तेईनी हमेशा विनती कातै रिय्हा।
19जां मिंडै तेईनी बि परमेश्वरा सिंउ प्रार्थना करि-करि बोला, कि सै मूंनी बिचानेरै तेईनी सही शब्द दिया, ताकि आंउ बगैर डरै खुशखबरिरै बारै मझ जै सभनियांं मैहणुवां केरै तेईनी आ, तेठणिरी गुप्त गलै समझि सकूँ। 20ऐठणीरै तेईनी आंउ जंजीरियै ला बन्हौरै राजदूता सैयि सेवा काता। प्रार्थना करा कि जिहीं-चारै मूं बोलणु चेहिंथु तिहियें-चारै आंउ हिम्मत सिंउ खुशखबरिरा प्रचार करि सकूँ।
अन्तिम नमस्कार
21तुखिकुस जै प्रभु यीशु मझ असैड़ा प्यारा साथी विश्वासी जां ईमानदार सेवक आ। तैस तुहां मैहणुवंनी ऐ सभ शुणां दींणु, ताकि तुहां बि पता लगी गहिया, कि आंउ केतिया जां कितु काता। 22सैक्या मीं तुहां किनि ऐठणीरै तेईनी भेईजा, कि तुहां असेड़ै हालातैरा पता लगी गहिया जां सैक्या तुहांनि हिम्मत दिया। 23आंउ असेड़ै पिता परमेश्वर सिंउ प्रार्थना काता, कि सैक्या तुहां भाई-भींणियानि शांति दिया जां सैक्या ऐहीं करिया, कि तुवे योकिया सिंउ प्रेम करिया जां यीशु मसीह पन लगातार विश्वास कातै रिय्हा। 24जां आंउ ऐ बि प्रार्थना काता, कि परमेश्वर तैन्हांं सभनियां गला पन अपड़ा अनुग्रह लुहाईया जै असेड़ै प्रभु यीशु मसीह सिंउ प्रेम कातै। सैक्या प्रेम जै कदि खत्म ना भूंता।
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.