22 أيث-كورينث 13
13
أَرَّسُوْل بُوْلُس يعدْجم إِ يِنِّي إِي ذَاس يتْعَارَّاضن
1ثَانِيتَا ذ زِّيَارَا وِيس ثْڒَاثَا تَاسغ-د غَارْوم. مَامش يقَّار لْكِتَاب: <كُڒ تُّهْمَا اَخَاس شهْذن ذ دَّلِيل ثْنَاين ن ڒشْهُوْذ نِغ ثْڒَاثَا.> 2نش ذِي زِّيَارَا إِي تُوْغَا د ݣِّيغ غَارْوم وِيس ثْنَاين عڒْمغ-اَسن إِ يِنِّي يعصَّان ذ يِوْذَان نّغْنِي مَارَّا. ڒخُّو خْمِي خَاوم تْغَابِيغ اَذَاوم عڒْمغ عَاوذ، يعْنِي خْمِي د غَا اَوْضغ ؤُڒَا ذ يجّن زݣ يِنِّي يعصَّان مَا اَخَاس حِينّغ. 3مَايمِّي؟ لِأَنَّا ثْرزُّوْم دَّلِيل لْمَسِيح يسَّاوَاڒ زَّايِي. مَا يضْعف نتَّا ذِي ڒْوسْط نْوم؟ لَّا، ئِجْهذ جَارَاوم. 4وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.
5جَرّْبث يخف نْوم مَا اَقَا كنِّيو ذِي لْإِيمَان. رَاجْعث يخف نْوم. يَاش ثسّْنم قَا عِيْسَى لْمَسِيح اَقَاث ذَايْوم؟ يعْنِي مڒَا وَار ثسْقِيطم شَا. 6أُو نش تّيّْقغ إِلَّا كنِّيو اَذَانغ ثَافم نشِّين وَار نسْقِيط شَا. 7نْتتَّار-اَس إِ أَربِّـي بَاش وَار ثْعصِّيم شَا، مَاشِي بَاش اَذَانغ اَفن يِوْذَان وَار نسْقِيط شَا ذِي تُّهْمَا-يَا إِي خَاوم نْقدّم؛ لَّا، نشِّين نْرزُّو اَذ تݣّم مِين يدْجَان نِيشَان. مڒَا زْغِيڒ-اَسن إِ ڒبْعَاض قَا نسْقط زَعْمَا ذِي تُّهْمَا-يَا إِي خَاوم نْقدّم، إِيوَا مَعْلِيش. 8شُوْف، وَار نْزمَّر أَ نݣّ وَالُو ضد إِ لْحَقِيقَا؛ نْخدّم إِ لْحَقِيقَا. 9لِأَنَّا نْفَرّح مڒْمِي مَا نضْعف، كنِّيو تِيڒِيم ثْجهْذم. ذ مَانَايَا مِيخف نْرزُّو ذِي ثْࢲَادْجِيث نّغ اَذ تْصڒْحم نِيشَان. 10س مَانَايَا إِي تَارِيغ نش ثِمسْڒَايِين-أَ ذِي ثبْرَات-أَ نش غَابغ خَاوم. أَمُّو خْمِي إِي د غَا عقْبغ غَارْوم وَار خْسغ شَا اَذ يڒِيغ قسْحغ اَكِذْوم عْلَاحْسَاب سُّلْطَا نِّي إِي ذَايِي يُوْشَا سِيذِيثْنغ. يُوْشَا-ٱيِي-ت بَاش اَكنِّيو سْجهْذغ مَاشِي اَكنِّيو رْزغ.
لْخِتَام ن ثبْرَات-أَ
11صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم. 12-13تْسدْجَامث خ وَايَاوْيَا س يِجّن ن سْڒَام يصْفَا. تْسدْجَامن-د خَاوم مَارَّا ڒْمُوْمِنِين صَّلِحِين. 14أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.
Obecnie wybrane:
22 أيث-كورينث 13: ريف
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj