Kapyegèle 11
11
Pyɛri n joo n tɛ̀ɛn Zyerusalɛmi tágafɔbèle na
1 Pìitunbèle ní senyɛnbèle be pye lè Zyude ni, a poro gi lóʔo syɛɛnfeleyaa n wɔ́ɔ̀ Kolocɔlɔɔ syɛ́ɛnri lóʔo níì di cò. 2Lǎli ni Pyɛri kári lè Zyerusalɛmi ma, a kɛ́nɛkpeʔelebèle sa ni fúlo wi na 3níì jo: «Nyàʔá na mɔ sáà jée sìngɛnɛbèle kpaʔa ni n lìi ní be ní?»
4Lǎli bee ni a Pyɛri séli kérigèle bee na ni ge nyuu be ma taʔalagèlē taʔalagèlē níì jo: 5«Mii maa pye ni Kolocɔlɔɔ nyɛ́ɛri kěgi ni be yiri lè Zyɔpe. A mii kɔ́ɔ̀ yarigaa nyaa yanyaʔa ni, yárigi bee maa pye àmɛɛ fànikpɔʔɔ nyɛ lè, ki maa yìri nyɛ̀ʔɛni na ni tíri ni maa, á be gi cò ki nyɔ́ɔyi sicɛrɛ na n tìrige mii ma. 6A mii mii nyapiigèle còolo gi na ni wéle, a mii tɔlɔyɔ sicɛrɛ-jɛrɛ yaweeri nyaa di lè tári na, ní yacobeeyi ní, ní dee ní di fulolo lè, n fàra féjɛɛnri na. 7A mii wɔ́ɔ̀ yákpolo lóʔo a li gi joo mii ma níì jo: ‹Pyɛri, yìri mi tàa kpóo maa káa.› 8A mii jo: ‹Eʔe, Kàfɔw, yárigee gi nyɛ lè yanɔnʔɔgɔ wàlá yafuungo, gi kàa ga kɔ́ɔ̀ jée mii nyɔ́ɔgi ni nyáana í.› 9A mii níì yákpoli lóʔo nyɛ̀ʔɛni na tɔziin wógi na a li jo: ‹Yárigee Kolocɔlɔɔ sámaga lè a gi nyɔɔ, ki ga yɛlɛ mɔ í da gi wéle yanɔnʔɔgɔ í.› 10A gee bee kpéʔele n taa tɔlɔyɔ taanri. Koro kàdoʔo ma a gi níì yìri ní yáriri bee myɛ ní n lúgu nyɛ̀ʔɛni na. 11Wéle, lǎli bee wonijanna ni a nànbēle taanri pan n baa yére kpáagi taana, gee ni mii pye lè, pe maa yìri Sezarikaʔa ma, wàa wi da be tun mii ma. 12A Pìicǎnni jo mii í da syée ní be ní, mii a kɔ́ ra niyɛɛ gábala í. A senyɛnbèle naa kɔrɔni wɔ́ɔ̀ pínɛ n kári ní mii ní, a wolo sáà jée nǎnw bee kpaʔa ni. 13A wi gi joo n tɛ̀ɛn wolo na àmɛɛ woro da nyɛ̀ʔɛni tunduɔn nyaa lè woyéreo ní woro kpáagi ni, á wi woro pye: ‹Tun Zyɔpe ma pe sa Siimɔn yeri, wee be yiri lè Pyɛri. 14Wi a ba syɛɛnraa joo mɔ ma, dee báriga ni mɔ a syɔɔ lè ní mɔ kpáagi wòolo myɛ ní.›
15Lǎli ni mii baa syɛ́ɛnri séli ni nyuu lè, a Pìicǎnni tìgi be ma àmɛɛ li da wɔ́ɔ̀ tìgi wolo ma lè booma ni. 16#Kap 1:5 A mii fala n Kàfɔw syɛɛnjóoro sɔ̀ngi n taa dee wi da joo lè níì jo: ‹Zyan maa tɔ̀nɔ ni syɛ́ɛnbèle batize lǒgi ni, kàjáa Kolocɔlɔɔ a ba ra yele batize ní Pìicǎnni ní.› 17Wolo bele wo tága lè Kàfɔw Zyezu Kirisi na, á Kolocɔlɔɔ yakaangi kaan wolo ma, kapye wi n wɔ́ɔ̀ wolo wógi félege kaan bele bee ma, mii si wi nyɛ wìí, mii í Kolocɔlɔɔ yérige?»
18Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»
Antyɔsyi Egiliziw kéele
19 #
Kap 8:1-4
Wɔʔɔli li da too lè tágafɔbèle na Etyɛni kpóoli kàdoʔo ma, bele pe da cariga lè wɔʔɔli bee kéele na, a be kári fwɔɔ n sáà nan Fenisii, ní Syipiri, ní Antyɔsyi na. Pe si da ni Kolocɔlɔɔ syɛ́ɛnri nyuu syɔɔn faala ma í, kapye Zyefubèle yagwɔɔlɔ ma ban í. 20Nǎnbèle pèle si maa pye be ni Syipiri ye, ní Sirɛni ye wòolo, a bele bee ga nan Antyɔsyi na, a be wɔ́ɔ sa ni Kàfɔw Zyezu Syɛɛnjóocǎnri nyuu Girɛkibèle ma. 21Kàfɔw si maa ni be dɛ̀ɛmɛ́ ní wi séew ní, a syɛ̀ɛnnɛ saʔa tága níì kàri n taʔa Kàfɔw na.
22A syɛ́ɛnri bee ga nan Zyerusalɛmi Egiliziw na, a be Barinabasi tórigo yaà Antyɔsyi ma. 23Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní. 24Níì cán wi maa tɔ̀nɔ n pye syɛɛncaɔn, a wi fúngi nyìn Pìicǎnni na, á wi tágali wɔ́ɔ̀ kpɔ́ʔɔ. A syɛ́ɛnbèle pèle saʔa níì fàra Kàfɔw wòolo na.
25Koro kàdoʔo ma a Barinabasi kári Tarisi ma sa Sɔli caa. 26Lǎli ni wi sáà wi nyaa lè, a wi wi kɔ́ri n kári Antyɔsyi ma, a be sa ni peyɛɛ gbóʔoro ní Egiliziw ní, ní i syɛ̀ɛnnɛ saʔa tama n yɛɛlɛ nibin kwɔ́ɔ yaà. Antyɔsyi ni gi séli a be i pìitamabèle yiri Kiretyɛnbèle.
27Cányi bee ni a kanyaajoobèle pèle yìri Zyerusalɛmi ma n kári Antyɔsyi ma. 28#Kap 21:10 Pe maa ni bele bee wàa yiri Agabusi, a wee bee yìri n yére níì gi joo n tɛ̀ɛn Pìicǎnni báriga ni níì jo, kateekpɔʔɔ a kɔ́ ba too dulunyanw myɛ na. A gi wɔ́ɔ baa foro Kulodi lǎli ni. 29A pìitamabèle bɛ̀ɛ gi na bi yarigaa tórigo Zyude tári senyɛnnɛgɛ ma bi gi dɛ̀ɛmɛ, syɔɔn o syɔɔn bi yɛlɛ ní wi taaganmi ní. 30A be koro kpéʔele, níì gi le Barinabasi ní Sɔli kɔ́yi ni níì jo pe sa gi kaan yɛɛ̀kinibèle ma.
Obecnie wybrane:
Kapyegèle 11: CB10
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Kolocɔlɔɔ Syɛ́ɛnri © Bible Society of Côte d'Ivoire, 2008.
Kapyegèle 11
11
Pyɛri n joo n tɛ̀ɛn Zyerusalɛmi tágafɔbèle na
1 Pìitunbèle ní senyɛnbèle be pye lè Zyude ni, a poro gi lóʔo syɛɛnfeleyaa n wɔ́ɔ̀ Kolocɔlɔɔ syɛ́ɛnri lóʔo níì di cò. 2Lǎli ni Pyɛri kári lè Zyerusalɛmi ma, a kɛ́nɛkpeʔelebèle sa ni fúlo wi na 3níì jo: «Nyàʔá na mɔ sáà jée sìngɛnɛbèle kpaʔa ni n lìi ní be ní?»
4Lǎli bee ni a Pyɛri séli kérigèle bee na ni ge nyuu be ma taʔalagèlē taʔalagèlē níì jo: 5«Mii maa pye ni Kolocɔlɔɔ nyɛ́ɛri kěgi ni be yiri lè Zyɔpe. A mii kɔ́ɔ̀ yarigaa nyaa yanyaʔa ni, yárigi bee maa pye àmɛɛ fànikpɔʔɔ nyɛ lè, ki maa yìri nyɛ̀ʔɛni na ni tíri ni maa, á be gi cò ki nyɔ́ɔyi sicɛrɛ na n tìrige mii ma. 6A mii mii nyapiigèle còolo gi na ni wéle, a mii tɔlɔyɔ sicɛrɛ-jɛrɛ yaweeri nyaa di lè tári na, ní yacobeeyi ní, ní dee ní di fulolo lè, n fàra féjɛɛnri na. 7A mii wɔ́ɔ̀ yákpolo lóʔo a li gi joo mii ma níì jo: ‹Pyɛri, yìri mi tàa kpóo maa káa.› 8A mii jo: ‹Eʔe, Kàfɔw, yárigee gi nyɛ lè yanɔnʔɔgɔ wàlá yafuungo, gi kàa ga kɔ́ɔ̀ jée mii nyɔ́ɔgi ni nyáana í.› 9A mii níì yákpoli lóʔo nyɛ̀ʔɛni na tɔziin wógi na a li jo: ‹Yárigee Kolocɔlɔɔ sámaga lè a gi nyɔɔ, ki ga yɛlɛ mɔ í da gi wéle yanɔnʔɔgɔ í.› 10A gee bee kpéʔele n taa tɔlɔyɔ taanri. Koro kàdoʔo ma a gi níì yìri ní yáriri bee myɛ ní n lúgu nyɛ̀ʔɛni na. 11Wéle, lǎli bee wonijanna ni a nànbēle taanri pan n baa yére kpáagi taana, gee ni mii pye lè, pe maa yìri Sezarikaʔa ma, wàa wi da be tun mii ma. 12A Pìicǎnni jo mii í da syée ní be ní, mii a kɔ́ ra niyɛɛ gábala í. A senyɛnbèle naa kɔrɔni wɔ́ɔ̀ pínɛ n kári ní mii ní, a wolo sáà jée nǎnw bee kpaʔa ni. 13A wi gi joo n tɛ̀ɛn wolo na àmɛɛ woro da nyɛ̀ʔɛni tunduɔn nyaa lè woyéreo ní woro kpáagi ni, á wi woro pye: ‹Tun Zyɔpe ma pe sa Siimɔn yeri, wee be yiri lè Pyɛri. 14Wi a ba syɛɛnraa joo mɔ ma, dee báriga ni mɔ a syɔɔ lè ní mɔ kpáagi wòolo myɛ ní.›
15Lǎli ni mii baa syɛ́ɛnri séli ni nyuu lè, a Pìicǎnni tìgi be ma àmɛɛ li da wɔ́ɔ̀ tìgi wolo ma lè booma ni. 16#Kap 1:5 A mii fala n Kàfɔw syɛɛnjóoro sɔ̀ngi n taa dee wi da joo lè níì jo: ‹Zyan maa tɔ̀nɔ ni syɛ́ɛnbèle batize lǒgi ni, kàjáa Kolocɔlɔɔ a ba ra yele batize ní Pìicǎnni ní.› 17Wolo bele wo tága lè Kàfɔw Zyezu Kirisi na, á Kolocɔlɔɔ yakaangi kaan wolo ma, kapye wi n wɔ́ɔ̀ wolo wógi félege kaan bele bee ma, mii si wi nyɛ wìí, mii í Kolocɔlɔɔ yérige?»
18Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»
Antyɔsyi Egiliziw kéele
19 #
Kap 8:1-4
Wɔʔɔli li da too lè tágafɔbèle na Etyɛni kpóoli kàdoʔo ma, bele pe da cariga lè wɔʔɔli bee kéele na, a be kári fwɔɔ n sáà nan Fenisii, ní Syipiri, ní Antyɔsyi na. Pe si da ni Kolocɔlɔɔ syɛ́ɛnri nyuu syɔɔn faala ma í, kapye Zyefubèle yagwɔɔlɔ ma ban í. 20Nǎnbèle pèle si maa pye be ni Syipiri ye, ní Sirɛni ye wòolo, a bele bee ga nan Antyɔsyi na, a be wɔ́ɔ sa ni Kàfɔw Zyezu Syɛɛnjóocǎnri nyuu Girɛkibèle ma. 21Kàfɔw si maa ni be dɛ̀ɛmɛ́ ní wi séew ní, a syɛ̀ɛnnɛ saʔa tága níì kàri n taʔa Kàfɔw na.
22A syɛ́ɛnri bee ga nan Zyerusalɛmi Egiliziw na, a be Barinabasi tórigo yaà Antyɔsyi ma. 23Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní. 24Níì cán wi maa tɔ̀nɔ n pye syɛɛncaɔn, a wi fúngi nyìn Pìicǎnni na, á wi tágali wɔ́ɔ̀ kpɔ́ʔɔ. A syɛ́ɛnbèle pèle saʔa níì fàra Kàfɔw wòolo na.
25Koro kàdoʔo ma a Barinabasi kári Tarisi ma sa Sɔli caa. 26Lǎli ni wi sáà wi nyaa lè, a wi wi kɔ́ri n kári Antyɔsyi ma, a be sa ni peyɛɛ gbóʔoro ní Egiliziw ní, ní i syɛ̀ɛnnɛ saʔa tama n yɛɛlɛ nibin kwɔ́ɔ yaà. Antyɔsyi ni gi séli a be i pìitamabèle yiri Kiretyɛnbèle.
27Cányi bee ni a kanyaajoobèle pèle yìri Zyerusalɛmi ma n kári Antyɔsyi ma. 28#Kap 21:10 Pe maa ni bele bee wàa yiri Agabusi, a wee bee yìri n yére níì gi joo n tɛ̀ɛn Pìicǎnni báriga ni níì jo, kateekpɔʔɔ a kɔ́ ba too dulunyanw myɛ na. A gi wɔ́ɔ baa foro Kulodi lǎli ni. 29A pìitamabèle bɛ̀ɛ gi na bi yarigaa tórigo Zyude tári senyɛnnɛgɛ ma bi gi dɛ̀ɛmɛ, syɔɔn o syɔɔn bi yɛlɛ ní wi taaganmi ní. 30A be koro kpéʔele, níì gi le Barinabasi ní Sɔli kɔ́yi ni níì jo pe sa gi kaan yɛɛ̀kinibèle ma.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Kolocɔlɔɔ Syɛ́ɛnri © Bible Society of Côte d'Ivoire, 2008.