Ŋúnuyɔ 43
43
-Muɔ sɔ̀ngirɔ taʔa dè Kulocɛliɛ nɛ̄
1Kulocɛliɛ yo, ma mi wuʔu juu gè ma jo mi yē kanaasingbiʔiliwe#43.1 Eburu sɛbɛliɛlɛ pálì nī, Ŋúnuyɔ 42 nɛ́ 43 yi siin yiī pínɛyɛ ŋúnugo nigbe.,
ma tànʔa kɛn m'mɛ́ siɛnnɛ bálì nɛ̄ bèle, bàli pe wè puɔlɔ muɔ nɛ̄ wèʔ.
Ma mi píle ma suɔ káfinɛvinɛnɛ pe kiyɛ nī yè nɛ́ bàli pe kacuʔɔgɔlɔ kpínʔini gèle.
2Nɛ́ ki cɛ́n muɔ yē mi Kulocɛliɛ, nɛ́ ní mi làridiʔɛ bɛ̀ gunliriye tíɛlɛ. Gáa sí nɛ̄ muɔ 'cíi mi nɛ̄ ?
Gáa sí nɛ̄ mi 'yɛli bèri tári funbiɛnrɛ nī dè mi leguulo peli wuʔɔgɔ kɛnmɛ nɛ̄ bè ?
3‑Muɔ kpìɛnmɛ nɛ́ muɔ kányiʔɛ yaʔa gè ti‑ mi yiʔɛ kíni,
tiri mi kɔ́ri de waa muɔ nyagurugo wàlidɛngɛgɛ mɛ́ gè nɛ́ muɔ kòridiʔɛ mɛ́ gè !
4Bà m'bé sìʔɛrɛ bè kpɔni muɔ gbùʔɔrɔdiʔɛ yafanʔa nɛ̄ gè
kire gáà gī muɔ wuʔu gè, Kulocɛliɛ, muɔ ŋáà wī mi fundaangbuɔrɔ dè.
Kulocɛliɛ yo, mi Kulocɛliɛ, m'bé mi gɔri líɛ wè bèri muɔ gbùʔɔrɔ́.
5A mi fungo ki‑ kò funbiɛnrɛ nɛ̄ dè gáa ki bé nyuɔ mi nɛ̄ ?
A mi fungo ki- kò funnyaʔamirɛ nɛ̄ dè gáa ki bé nyuɔ mi nɛ̄ ?
Mi fungo yo, ma muɔ sɔ̀ngirɔ taʔa dè Kulocɛliɛ nɛ̄ !
Nɛ́ ki cɛ́n m'bé wi gbùʔɔrɔ cígini, wire ŋáà wī mi suɔfɔli wè nɛ́ mi Kulocɛliɛ wè#43.5 Wéli baa 42.6,12..
Obecnie wybrane:
Ŋúnuyɔ 43: sev
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.