ตัวแทน 23
23
เปาโล จ็อก ตัก มัด ซะพา
1ทาเน ญาม อัห โตะ ตัก ฮ็อง พซุม แลว เปาโล ก็ ที ดอม มัด ปึง ซะพา นัน นำ ก็ ลด ไล อัห คือเน “ควน นไจ เฮย เอิญ ไอ มี กุญ แอง ลุห แอง พิด ซีวะ ดาย เตา ตี เอิญ กึด ใน ใจ ออ เน เอิญ ก็ แอง เลาะ แอง ซือ เคิบ งกีจ็อง ตลอด เอิญ แอง ฮุน นำ ไล อน มด เจ็น อิง จำ มานะ เน” เปาโล อัง
2ทาเน อานาเนีย ตัก เป็น มอ เอาซาง จ็อง นัน นำ เม็จ เปาโล จ็อก คือนะ นำ ก็ ไล ครำ ตัก ญ็อง อุ ติๆ ซะ เปาโล นัน มพัห งกาบ เปาโล 3เปาโล ก็ ซวัล อานาเนีย ฮุนเน “มัห เซ็ม เปียะ กึ มัห จ็อก มี ยาง แอง มี ยาง วัล มัห คุด ตัดซิน เอิญ ตาม กด เอาซาง แต มัห ก็ ลุห อัง กด เอาซาง วัล ตี มัห ไล อัห มพัห เอิญ นัน มัห ก็ ลุห อัง กด เอาซาง แลว งวะ เอาซาง ก็ ลบ มพัห มัห วัล” เปาโล อัง มัดทิว 23:27-28
4ปึง อัห ตัก ญ็อง อุ นัน ก็ ไล เปาโล คือเน “ฮีเอิห มัห จ็อก อังวะ จังนะ เต็ห นัก ฮาน มัห โป ดูทูก มอ เอาซาง จ็อง เต็ห” อัห อัง 5เปาโล ก็ ซวัล อัห คือเน “เออ ซีมา เตาะ ดาย ปึง ควน นไจ เฮย เอิญ ไอ มี เม็จจึด นำ เป็น มอ เอาซาง จ็อง ดาย กัน เอิญ เม็จจึด เอิญ ก็ ไอ มี ฮาน โป นำ เตาะ แญง เอาซาง ก็ มบราง แอ โป พูนำ เมือง ดุห” เปาโล อัง อิซราเอล ญาย 22:28
6ทาเน เปาโล ก็ เม็จจึด ครำ ตัก ฮ็อง พซุม นัน มี เปียะ ปึง ปึง ฟาริซี ก็ มี ปึง ซะดูซี ก็ มี มด นำ ก็ ลด ไล อัห แร็งๆ คือเน “ควน นไจ เฮย ดอม กา เอิญ เน ก็ เป็น ครำ ฟาริซี ดาย เอา เอิญ ก็ เป็น ฟาริซี เมือนนอย ตี อัห ตัดซิน เอิญ เน ก็ เป็น ตัก เอิญ แก็นใจ เจือ เค็ย ครำ แอ เปิล แลว แอ ก็ ลบ รีด เล็ห วัล” เปาโล อัง ตัวแทน 26:5, ฟีลิบปี 3:5
7แลว เปาโล จ็อก ฮุนนะ แลว ปึง ฟาริซี เคิบ ปึง ซะดูซี ก็ ลด เทียง นอย ลด เป็น เล็ห เปียะ ปึง เคิง ฮ็อง พซุม นัน 8ปึง ซะดูซี นัน อัห เค็ย เทวาดา ก็ ไอ มี ซีมาล ก็ ไอ มี เตาะ อัห เค็ย ไอ มี ซีวะ ซัก มี ยาง เตาะ เลือง ครำ เปิล ลบ วัล รีด เล็ห อัห ก็ เค็ย ไอ มี เตาะ แต ปึง ฟาริซี อัห เจือ เค็ย มี มด อัห ก็ ลด เทียง นอย เปียะ ปึง นัน 9อัห เทียง นอย ญ็อก คับ ซะ คับ แญ็น มด แลว ก็ มี ปึง อาจาน ครำ ยิว แกด ล็อง ตัก เป็น ปึง ฟาริซี นัน อัห ก็ ซีนุก ร็อห เทียง อัห คือเน “ไอ มี เม็จ ล็อง เน แอง พิด ซีวะ จับ เทวาดา โตะ จ็อก เคิบ นำ ฮุ จับ ซะ ไล นำ ฮุ” อัห อัง 10อัห ก็ เฮง เทียง นอย ติกๆ นายพัน ก็ นเจิก ปึง นัน เญ็บ เปาโล ซาก เด็ง เป็นตอนๆ นำ ก็ ลด ไล ปึง ทฮาน ลู เอิด เปาโล ซับ ควังใน คาย วาล#มัดทิว 22:23, มาระโก 12:18, ลูกา 20:27
11ทาเน ตัก แจ็ล นัน งกีจ็อง ก็ โตะ ญ็อง อุ นดิ เปาโล งกีจ็อง ก็ ไล เปาโล คือเน “อำ นเจิก เตาะ ดาย มัห กุญ ไล เลือง เอิญ ตัก เมือง เยรูซาเล็ม เน แลว มัห ก็ ต็อง เริล ไล ครำ เมือง โรม วัล” งกีจ็อง อัง
ครำ ยิว คิน นัง ออ ซีรอก มเบิล เปาโล
12เจ็นนัน ก็ ปัห ซะ ปึง ครำ ยิว ก็ ไอ มี ปอใจ เตาะ อัห ก็ เลอะ มพอล นอย คิน นัง ออ อัห อง ไอ มี ป็อง ซีวะ ไอ มี ออก ซีวะ จำปอ อัห กุญ มเบิล แอ็ม เปาโล 13ปึง ตี คิน นัง ออ เน มี อุ ซม ซีซิบ ปาย 14ปึง ครำ ยิว ซีซิบ ล็อง เน ก็ โตะ ไล ปึง มอ เอาซาง แกะ เคิบ ปึง พูนำ ครำ ยิว อัห ก็ ไล ปึง พูนำ นัน คือเน “ปึง อิห เน ซีรอก มเบิล แอ็ม เปาโล อิห ก็ คิน นัง ออ แตๆ นะ อิห อง ไอ มี ป็อง ซีวะ จำปอ อิห กุญ มเบิล แอ็ม เปาโล 15เจ็นเน แอ ต็อง แอง คือเน ดาย แป เคิบ ปึง ซะพา เน ต็อง แอง นังซือ ซับ ซง อน ตัก นายพัน วาล แป ต็อง ครอ ระ นายพัน ซับ เปาโล อน ตัก แป แป จุ แนง แอง ระ นำ เคาใจ ฮุน แป ซีรอก ซอบซวน เปาโล เลาะๆ วาล แต นังเลาะ แป ไอ มี กิว ซอบซวน นำ เตาะ กัน อัห ซับ เปาโล ตัก แป เซ็บ อิห ก็ เกิ๊ด มเบิล แอ็ม นำ ตัก รวง วาล ไอ ตัน เล็ห นำ ตัก แป” ปึง 40 ล็อง นัน อัง
16พอดี ควัน นจะ เปาโล ลอด เม็จ แญง ปึง นัน นำ ก็ เริล ไล เปาโล ตัก คาย 17ทาเน เปาโล ก็ งกรอ นายรอย มี ล็อง โตะ และ ออ นำ ก็ ไล นายรอย เอิด ควัน นจะ นัน ซับ ตัก นายพัน วัล “มัห ซับ ล็อง เน ตัก นายพัน ดาย นำ มี เลือง ซีรอก ไล อน ตัก นายพัน” เปาโล อัง 18นายรอย ก็ เอิด ล็อง นัน เริล และ นายพัน นำ ก็ ไล นายพัน คือเน “เปาโล ตัก อุ ลุก นัน นำ งกรอ เอิญ โตะ และ ออ นำ ไล เอิญ ซับ ควัน บาว ล็อง เน ตัก มัห ล็อง เน มี เลือง ซีวะ ฮุ นำ ซีรอก ไล อน ตัก มัห ดาย” นายรอย อัง 19นายพัน ก็ ทาก ที ล็อง นัน เริล จ็อก เคิบ ออ เปียะ ล็อง ฮัก นำ ซ็วน ล็อง นัน ฮุนเน “มัห มี เลือง ซีวะ ไล อน ตัก เอิญ บ็อห” นายพัน อัง 20ควัน นจะ เปาโล ก็ ไล นายพัน คือเน “งิ กรัก เน ปึง ครำ ยิว อัห อง มเบิล แอ็ม เปาโล ดาย อัห อง ครอ ระ มัห ซับ เปาโล อน ตัก ปึง ซะพา อัห อง แอง มอก อัห ไท ซอบซวน นำ เลาะๆ วัล แต อัห จุ แนง แอง ดาย 21ครอ อำ มัห ปัง แญง อัห ดาย อัห ซุย เกิ๊ด มเบิล เปาโล ตัก รวง ปึง อัห เน มี ซม ซีซิบ ปาย อัห ซันญา อง ไอ มี ป็อง ซีวะ จำปอ อัห กุญ มเบิล แอ็ม เปาโล มานะ เน อัห เตียม พอม มด แลว อัห เพา ปัง มัห อุ นะ” ควัน บาว นัน ไล นายพัน จังนะ 22นายพัน เม็จ คือนะ แลว นำ ก็ เติบๆ ไล ควัน บาว ล็อง นัน คือเน “อำ ระ อีเอ เม็จ มัห โตะ ไล เลือง เน ตัก เอิญ ดาย” นายพัน อัง
อัห ซง เปาโล ตัก พูวา เฟลิก
23-24เจ็นนัน นายพัน ก็ งกรอ นายรอย โตะ และ ออ เปียะ ล็อง นำ ไล ปาม เอิด ทฮาน ซับ ซง เปาโล ตัก เมือง ซีซารียา ตัก แจ็ล นัน ลด นำ ไล ปาม เอิด พน ทฮาน ซอง รอย ล็อง เอิด ทฮาน มา เจ็ดซิบ ล็อง ทฮาน ฮอก ซอง รอย ล็อง แลว ก็ เตียม มา อน ตัก เปาโล ต็อก วัล ระ อัห พอม นอย มด “แจ็ล บึด ซาม ทุม แป ซับ ซง เปาโล อน ตัก พูวา เฟลิก เลาะๆ ดาย” นายพัน อัง
25แลว นายพัน ไล ปาม แลว นายพัน ก็ ลด เคียน จดมาย อน ตัก พูวา เฟลิก 26นำ เคียน ไล พูวา เฟลิก คือเน
“พูวา เฮย เอิญ คลาวดีอัด ลีเซียด ดาย
27เอิญ มี เลือง ไล อน ตัก มัห คือเน ปึง ยิว อัห เญ็บ ระ ล็อง เน อัห บัก และ มเบิล แอ็ม นำ แลว แต เอิญ ก็ ไล ปึง ทฮาน เริล จวย นำ เอิญ เม็จ นำ เค็ย ออ เป็น ครำ โรม เอิญ ก็ ลด จวย นำ 28ทาเน เอิญ ซีรอก เม็จจึด ครำ ยิว พอง นำ เลือง ซีวะ เอิญ ก็ ลด ซับ นำ ตัก ซะพา ครำ ยิว 29เอิญ ซอบซวน นำ แลว เอิญ ก็ เม็จ อัห พอง นำ เลือง ฮีด ครำ ยิว ฮัก ไอ มี เม็จ นำ แอง พิด ซีวะ ไอ มี เลาะ เติล นำ ไอ มี เลาะ มเบิล นำ ซัง 30เจ็นนัน เอิญ ก็ เม็จ คาว เค็ย อัห ซีรอก เกิ๊ด มเบิล นำ ตัก รวง วัล เอิญ ก็ ลด ซง นำ อน ตัก มัห เน ลด แต ครำ ตี พอง นำ นัน เอิญ ก็ ไล อัห เริล และ มัห ฮัก กัน อัห มี เลือง ซีวะ เคิบ นำ อัห ก็ ไล อน ตัก มัห ฮัก” นายพัน เคียน จดมาย ไล พูวา จังนะ
31ปึง ทฮาน ก็ แอง ตาม แญง นายพัน นัน ไล อน ตัก แจ็ล นัน อัห ก็ ลด เอิด เปาโล เคิบ จดมาย นัน เริล เลิม โตะ เคิด เมือง อันทีปาติด 32ปัห ซะ ตัก งกร็อห ปึง ทฮาน มา ก็ ซับซง เปาโล ฮัก ปึง ทฮาน ซอ อัห ก็ วัล ออ ตัก คาย เมือง เยรูซาเล็ม 33ปึง ทฮาน มา นัน ก็ ซับ ซง เปาโล โตะ เคิด เมือง ซีซารียา โตะ ตัก พูวา แลว อัห ก็ ลด อน จดมาย นัน ตัก พูวา อัห ลด มอบ เปาโล อน ตัก นำ 34แลว พูวา อาน จดมาย นัน แลว นำ ก็ ซ็วน เปาโล เค็ย นำ โตะ เจ็น จังวัด ซีวะ ญาม นำ เม็จจึด เปาโล โตะ เจ็น จังวัด ซีลีเซีย แลว 35นำ ก็ ลด ไล เปาโล คือเน “กัน อัห โตะ พอง มัห ตัก เน เอิญ ก็ ปัง คะดี มัห ดาย” นำ อัง แลว นำ จ็อก เคิบ เปาโล แลว นำ ก็ ไล อัห คุม เปาโล ระ ตัก เจิง#ค 35 เจิง เฮโรด เป็น ซำนักงาน จ็อง อัห แองกาน ราซกาน ดก มบลึ ตัก นัน เฮโรด วาล
Obecnie wybrane:
ตัวแทน 23: Prai
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Global Partners
ตัวแทน 23
23
เปาโล จ็อก ตัก มัด ซะพา
1ทาเน ญาม อัห โตะ ตัก ฮ็อง พซุม แลว เปาโล ก็ ที ดอม มัด ปึง ซะพา นัน นำ ก็ ลด ไล อัห คือเน “ควน นไจ เฮย เอิญ ไอ มี กุญ แอง ลุห แอง พิด ซีวะ ดาย เตา ตี เอิญ กึด ใน ใจ ออ เน เอิญ ก็ แอง เลาะ แอง ซือ เคิบ งกีจ็อง ตลอด เอิญ แอง ฮุน นำ ไล อน มด เจ็น อิง จำ มานะ เน” เปาโล อัง
2ทาเน อานาเนีย ตัก เป็น มอ เอาซาง จ็อง นัน นำ เม็จ เปาโล จ็อก คือนะ นำ ก็ ไล ครำ ตัก ญ็อง อุ ติๆ ซะ เปาโล นัน มพัห งกาบ เปาโล 3เปาโล ก็ ซวัล อานาเนีย ฮุนเน “มัห เซ็ม เปียะ กึ มัห จ็อก มี ยาง แอง มี ยาง วัล มัห คุด ตัดซิน เอิญ ตาม กด เอาซาง แต มัห ก็ ลุห อัง กด เอาซาง วัล ตี มัห ไล อัห มพัห เอิญ นัน มัห ก็ ลุห อัง กด เอาซาง แลว งวะ เอาซาง ก็ ลบ มพัห มัห วัล” เปาโล อัง มัดทิว 23:27-28
4ปึง อัห ตัก ญ็อง อุ นัน ก็ ไล เปาโล คือเน “ฮีเอิห มัห จ็อก อังวะ จังนะ เต็ห นัก ฮาน มัห โป ดูทูก มอ เอาซาง จ็อง เต็ห” อัห อัง 5เปาโล ก็ ซวัล อัห คือเน “เออ ซีมา เตาะ ดาย ปึง ควน นไจ เฮย เอิญ ไอ มี เม็จจึด นำ เป็น มอ เอาซาง จ็อง ดาย กัน เอิญ เม็จจึด เอิญ ก็ ไอ มี ฮาน โป นำ เตาะ แญง เอาซาง ก็ มบราง แอ โป พูนำ เมือง ดุห” เปาโล อัง อิซราเอล ญาย 22:28
6ทาเน เปาโล ก็ เม็จจึด ครำ ตัก ฮ็อง พซุม นัน มี เปียะ ปึง ปึง ฟาริซี ก็ มี ปึง ซะดูซี ก็ มี มด นำ ก็ ลด ไล อัห แร็งๆ คือเน “ควน นไจ เฮย ดอม กา เอิญ เน ก็ เป็น ครำ ฟาริซี ดาย เอา เอิญ ก็ เป็น ฟาริซี เมือนนอย ตี อัห ตัดซิน เอิญ เน ก็ เป็น ตัก เอิญ แก็นใจ เจือ เค็ย ครำ แอ เปิล แลว แอ ก็ ลบ รีด เล็ห วัล” เปาโล อัง ตัวแทน 26:5, ฟีลิบปี 3:5
7แลว เปาโล จ็อก ฮุนนะ แลว ปึง ฟาริซี เคิบ ปึง ซะดูซี ก็ ลด เทียง นอย ลด เป็น เล็ห เปียะ ปึง เคิง ฮ็อง พซุม นัน 8ปึง ซะดูซี นัน อัห เค็ย เทวาดา ก็ ไอ มี ซีมาล ก็ ไอ มี เตาะ อัห เค็ย ไอ มี ซีวะ ซัก มี ยาง เตาะ เลือง ครำ เปิล ลบ วัล รีด เล็ห อัห ก็ เค็ย ไอ มี เตาะ แต ปึง ฟาริซี อัห เจือ เค็ย มี มด อัห ก็ ลด เทียง นอย เปียะ ปึง นัน 9อัห เทียง นอย ญ็อก คับ ซะ คับ แญ็น มด แลว ก็ มี ปึง อาจาน ครำ ยิว แกด ล็อง ตัก เป็น ปึง ฟาริซี นัน อัห ก็ ซีนุก ร็อห เทียง อัห คือเน “ไอ มี เม็จ ล็อง เน แอง พิด ซีวะ จับ เทวาดา โตะ จ็อก เคิบ นำ ฮุ จับ ซะ ไล นำ ฮุ” อัห อัง 10อัห ก็ เฮง เทียง นอย ติกๆ นายพัน ก็ นเจิก ปึง นัน เญ็บ เปาโล ซาก เด็ง เป็นตอนๆ นำ ก็ ลด ไล ปึง ทฮาน ลู เอิด เปาโล ซับ ควังใน คาย วาล#มัดทิว 22:23, มาระโก 12:18, ลูกา 20:27
11ทาเน ตัก แจ็ล นัน งกีจ็อง ก็ โตะ ญ็อง อุ นดิ เปาโล งกีจ็อง ก็ ไล เปาโล คือเน “อำ นเจิก เตาะ ดาย มัห กุญ ไล เลือง เอิญ ตัก เมือง เยรูซาเล็ม เน แลว มัห ก็ ต็อง เริล ไล ครำ เมือง โรม วัล” งกีจ็อง อัง
ครำ ยิว คิน นัง ออ ซีรอก มเบิล เปาโล
12เจ็นนัน ก็ ปัห ซะ ปึง ครำ ยิว ก็ ไอ มี ปอใจ เตาะ อัห ก็ เลอะ มพอล นอย คิน นัง ออ อัห อง ไอ มี ป็อง ซีวะ ไอ มี ออก ซีวะ จำปอ อัห กุญ มเบิล แอ็ม เปาโล 13ปึง ตี คิน นัง ออ เน มี อุ ซม ซีซิบ ปาย 14ปึง ครำ ยิว ซีซิบ ล็อง เน ก็ โตะ ไล ปึง มอ เอาซาง แกะ เคิบ ปึง พูนำ ครำ ยิว อัห ก็ ไล ปึง พูนำ นัน คือเน “ปึง อิห เน ซีรอก มเบิล แอ็ม เปาโล อิห ก็ คิน นัง ออ แตๆ นะ อิห อง ไอ มี ป็อง ซีวะ จำปอ อิห กุญ มเบิล แอ็ม เปาโล 15เจ็นเน แอ ต็อง แอง คือเน ดาย แป เคิบ ปึง ซะพา เน ต็อง แอง นังซือ ซับ ซง อน ตัก นายพัน วาล แป ต็อง ครอ ระ นายพัน ซับ เปาโล อน ตัก แป แป จุ แนง แอง ระ นำ เคาใจ ฮุน แป ซีรอก ซอบซวน เปาโล เลาะๆ วาล แต นังเลาะ แป ไอ มี กิว ซอบซวน นำ เตาะ กัน อัห ซับ เปาโล ตัก แป เซ็บ อิห ก็ เกิ๊ด มเบิล แอ็ม นำ ตัก รวง วาล ไอ ตัน เล็ห นำ ตัก แป” ปึง 40 ล็อง นัน อัง
16พอดี ควัน นจะ เปาโล ลอด เม็จ แญง ปึง นัน นำ ก็ เริล ไล เปาโล ตัก คาย 17ทาเน เปาโล ก็ งกรอ นายรอย มี ล็อง โตะ และ ออ นำ ก็ ไล นายรอย เอิด ควัน นจะ นัน ซับ ตัก นายพัน วัล “มัห ซับ ล็อง เน ตัก นายพัน ดาย นำ มี เลือง ซีรอก ไล อน ตัก นายพัน” เปาโล อัง 18นายรอย ก็ เอิด ล็อง นัน เริล และ นายพัน นำ ก็ ไล นายพัน คือเน “เปาโล ตัก อุ ลุก นัน นำ งกรอ เอิญ โตะ และ ออ นำ ไล เอิญ ซับ ควัน บาว ล็อง เน ตัก มัห ล็อง เน มี เลือง ซีวะ ฮุ นำ ซีรอก ไล อน ตัก มัห ดาย” นายรอย อัง 19นายพัน ก็ ทาก ที ล็อง นัน เริล จ็อก เคิบ ออ เปียะ ล็อง ฮัก นำ ซ็วน ล็อง นัน ฮุนเน “มัห มี เลือง ซีวะ ไล อน ตัก เอิญ บ็อห” นายพัน อัง 20ควัน นจะ เปาโล ก็ ไล นายพัน คือเน “งิ กรัก เน ปึง ครำ ยิว อัห อง มเบิล แอ็ม เปาโล ดาย อัห อง ครอ ระ มัห ซับ เปาโล อน ตัก ปึง ซะพา อัห อง แอง มอก อัห ไท ซอบซวน นำ เลาะๆ วัล แต อัห จุ แนง แอง ดาย 21ครอ อำ มัห ปัง แญง อัห ดาย อัห ซุย เกิ๊ด มเบิล เปาโล ตัก รวง ปึง อัห เน มี ซม ซีซิบ ปาย อัห ซันญา อง ไอ มี ป็อง ซีวะ จำปอ อัห กุญ มเบิล แอ็ม เปาโล มานะ เน อัห เตียม พอม มด แลว อัห เพา ปัง มัห อุ นะ” ควัน บาว นัน ไล นายพัน จังนะ 22นายพัน เม็จ คือนะ แลว นำ ก็ เติบๆ ไล ควัน บาว ล็อง นัน คือเน “อำ ระ อีเอ เม็จ มัห โตะ ไล เลือง เน ตัก เอิญ ดาย” นายพัน อัง
อัห ซง เปาโล ตัก พูวา เฟลิก
23-24เจ็นนัน นายพัน ก็ งกรอ นายรอย โตะ และ ออ เปียะ ล็อง นำ ไล ปาม เอิด ทฮาน ซับ ซง เปาโล ตัก เมือง ซีซารียา ตัก แจ็ล นัน ลด นำ ไล ปาม เอิด พน ทฮาน ซอง รอย ล็อง เอิด ทฮาน มา เจ็ดซิบ ล็อง ทฮาน ฮอก ซอง รอย ล็อง แลว ก็ เตียม มา อน ตัก เปาโล ต็อก วัล ระ อัห พอม นอย มด “แจ็ล บึด ซาม ทุม แป ซับ ซง เปาโล อน ตัก พูวา เฟลิก เลาะๆ ดาย” นายพัน อัง
25แลว นายพัน ไล ปาม แลว นายพัน ก็ ลด เคียน จดมาย อน ตัก พูวา เฟลิก 26นำ เคียน ไล พูวา เฟลิก คือเน
“พูวา เฮย เอิญ คลาวดีอัด ลีเซียด ดาย
27เอิญ มี เลือง ไล อน ตัก มัห คือเน ปึง ยิว อัห เญ็บ ระ ล็อง เน อัห บัก และ มเบิล แอ็ม นำ แลว แต เอิญ ก็ ไล ปึง ทฮาน เริล จวย นำ เอิญ เม็จ นำ เค็ย ออ เป็น ครำ โรม เอิญ ก็ ลด จวย นำ 28ทาเน เอิญ ซีรอก เม็จจึด ครำ ยิว พอง นำ เลือง ซีวะ เอิญ ก็ ลด ซับ นำ ตัก ซะพา ครำ ยิว 29เอิญ ซอบซวน นำ แลว เอิญ ก็ เม็จ อัห พอง นำ เลือง ฮีด ครำ ยิว ฮัก ไอ มี เม็จ นำ แอง พิด ซีวะ ไอ มี เลาะ เติล นำ ไอ มี เลาะ มเบิล นำ ซัง 30เจ็นนัน เอิญ ก็ เม็จ คาว เค็ย อัห ซีรอก เกิ๊ด มเบิล นำ ตัก รวง วัล เอิญ ก็ ลด ซง นำ อน ตัก มัห เน ลด แต ครำ ตี พอง นำ นัน เอิญ ก็ ไล อัห เริล และ มัห ฮัก กัน อัห มี เลือง ซีวะ เคิบ นำ อัห ก็ ไล อน ตัก มัห ฮัก” นายพัน เคียน จดมาย ไล พูวา จังนะ
31ปึง ทฮาน ก็ แอง ตาม แญง นายพัน นัน ไล อน ตัก แจ็ล นัน อัห ก็ ลด เอิด เปาโล เคิบ จดมาย นัน เริล เลิม โตะ เคิด เมือง อันทีปาติด 32ปัห ซะ ตัก งกร็อห ปึง ทฮาน มา ก็ ซับซง เปาโล ฮัก ปึง ทฮาน ซอ อัห ก็ วัล ออ ตัก คาย เมือง เยรูซาเล็ม 33ปึง ทฮาน มา นัน ก็ ซับ ซง เปาโล โตะ เคิด เมือง ซีซารียา โตะ ตัก พูวา แลว อัห ก็ ลด อน จดมาย นัน ตัก พูวา อัห ลด มอบ เปาโล อน ตัก นำ 34แลว พูวา อาน จดมาย นัน แลว นำ ก็ ซ็วน เปาโล เค็ย นำ โตะ เจ็น จังวัด ซีวะ ญาม นำ เม็จจึด เปาโล โตะ เจ็น จังวัด ซีลีเซีย แลว 35นำ ก็ ลด ไล เปาโล คือเน “กัน อัห โตะ พอง มัห ตัก เน เอิญ ก็ ปัง คะดี มัห ดาย” นำ อัง แลว นำ จ็อก เคิบ เปาโล แลว นำ ก็ ไล อัห คุม เปาโล ระ ตัก เจิง#ค 35 เจิง เฮโรด เป็น ซำนักงาน จ็อง อัห แองกาน ราซกาน ดก มบลึ ตัก นัน เฮโรด วาล
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Global Partners