SALMO 61
61
Tata Dios amachawanchisapa.
1A, Tata Dios,
sukaman llakishpayni kaparikuptini
uyariway.
Roygaptini uyariwashpa yanapaway.
2Kay allpapi kuchun mañanpi kashpaynipish
manana yachashpa imatami rurasha nishpa kanta roygayki.
Roygaptini manllayba rumi sawanpishina churawashpayki
chikniwak runakunamanta salvaway.
3A, Tata Dios,
kanmi amachawanki.
Amachawashpayki allima pirkashina
chay chikniwak runakunamanta arkawanki.
4Tukuy tiempu wasikipi kawsanayani
wallpa wawankunata rikran sikipi amachakshina kuydawanaykipa.
5A, Tata Dios,
kanmi tukuy promesakushkaynita uyarishkanki.
Chayrayku yanapawashkanki.
Kanka tukuy kuyashushpa kawsak runakunata yanapankisapa.
6A, Tata Dios,
kamachikuk kaptini yanapaway
sukaman unayta kawsanaynipa.
7Yanapaway allita kamachikunaynipa.
Kuyawashpayki ama shaykushpa kuydaway.
8Chashna yanapawaptiki
tukuy tiempu kanllata alabashpayni kawsasha.
Tukuy diya promesakushkaynita rurasha.
Obecnie wybrane:
SALMO 61: qvs
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1992, 2008, Wycliffe Bible Translators, Inc. All rights reserved.