Galatians Angka Galatians alakenh aynteyel
Angka Galatians alakenh aynteyel
Paul-el pip thwenek apmer Galatia-warl, rernem renh angka impen iterl-aretyek, tyaty-areny ingkerrenhek apmer Galatia ikwer-ampenyel, apmer Pisidian Antioch, apmer Iconium, Lystra, Derbe. Jew-weny-rnem-tangkwel anenh arrwekel apmer ikwer-ampenyel. Jew-rnem arlpimpirrek apmer ikwer-itwek ingkern-anem.
Paul-el angka mwerr-angker ilerl-apenh-penh, Ingkart-areny-rnem akngerram-akngerrirrek. Jew ingwer-rnem apetyek. Rernem renh-rnem Jew-kenh-angkwarr apenterl-ayntetyek. Ingkart-kenh-angkwarr ament arrpemarl. Alakenh rernem angka ilpertiletyek arrkernelhenh.
Paul-el pip thwenek Galatia-areny-rnem-warl, rernem angka impen iterl-aretyek, Jesus renh tnaketyek. Ingkerrenh arratyirretyek Jesus-angkwarrant, rarl katy ilwek anwekantherr arwerl iylpeyl-atherrel. Jesus-angkwarrant apententy, anwantherrap itethirreman, anwantherr Ingkart-angkwarr arraty aneman. Jew-kenh-angkwarr arrangkwarl, nthakenh arratyirrey-angkenh Ingkart-angkwarr. Paul-el pip thwenek ikwer-rnem-warl, rernem iterretyek, angkepirretyek. Alakenh angka nhanyem aynteyel. Angka mwerr-angker ingkerrenhek aynteyel.
Galatians Romans angka anyent-anteyarl aynteyel anayntiley-angker.
Obecnie wybrane:
Galatians Angka Galatians alakenh aynteyel: aly
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2020, Wycliffe Bible Translators, Inc. All rights reserved.