Romafɔ 12
12
Tsiatɔá Bʋtɔpʋsum Bulu
1Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ. 2Mlɩmáha ɔsʋlʋ anfɩsʋ atsiabi igyi mlɩsʋ. Mlɩha Bulu ɔtsɛ mlɩ agywɩɩn, ɩha mlɩ tsiatɔ ɩtsɛ. Fówun mlɛ́talɩ bɩá Bulu apɛ bʋ alɛ, ɩbʋ ɔdwɛ, ɩlɔfʋn.
3Bulu agyʋma amʋʋ alawa awɩtɔlɛ pʋha mɩ amʋsʋ ndɛ mlɩtɔ okugyiɔkʋ bla mbɛɛ, ɔhaa mákɩ mʋ ɩwɩ dafa alɩá ogyi. Ɔhagyiɔha ɔba ansɩ asɩ, ɔkɩá ɔmɔdʋn hogyi amʋʋ Bulu lapʋha mʋ amʋ. 4Nyankpʋsa-oyi ɩwɩ atɔ anɩ fɛ́ɛ́ anɩgyi. Ntobi amʋtɔ kugyikʋ bʋ mʋ́ gyʋma ánɩ́ itegyi nyankpʋsa-oyi amʋsʋ. 5Alɩ kɛn ɩbʋ mʋ́tɔá anɩtsɔ, tamɛ anɩa Kristonyɔ anɩlabwɛ ɔyʋlʋ ɔkʋlɛ nɩ. Mʋ́ sʋ anɩgyi ntobi ɔtsan-ɔtsan ánɩ́ anɩtsatsa abasʋ, anɩlɔbwɛ ɔyʋlʋ ɔkʋlɛ amʋ. 6Bulu atokiehɛ amʋʋ ɔlɛha anɩ amʋ ɩna ɔtsan-ɔtsan. Ilehian ánɩ́ anɩ fɛ́ɛ́ abɔ́pʋ mʋ atokiehɛ amʋ yɔ agyʋma atɔ amʋʋ ɔlɛha anɩ amʋ ɔnɔ. Mʋ́ sʋ nɩ ɔkʋ atokiehɛ gyi Bulu ɔnɔ asʋnblɩ a, ɔha amʋ ɔbwɛ mʋ́ alɩá mʋ hogyi losuna mʋ. 7Nɩ ɔkʋ klɛ gyi mʋ aba ahogyipʋ bʋa a, ɔbʋa amʋ́. Nɩ ɔkʋ klɛ gyi atɔ suna a, osuna mʋ́. 8Nɩ ɔkʋ klɛ gyi aha atɛtɔ-ɔnlɩn wa a, ɔwa aha atɛtɔ-ɔnlɩn. Nɩ ɔkʋ ɛ klɛ gyi atɔ kie a, ɔlɛ ɩwɩtɔ kie mʋ́. Nɩ ɔkʋ klɛ gyi aha ɔnɔ lɩɩ a, ɔwa nsi ɔbwɛ mʋ́. Nɩ ɔkʋ klɛ ɛ gyi aha nwɛ wun a, ɔbwɛ mʋ́ ɔdwɛtɔ.
9Mlɩdwɛ aha tsu mlɩ klʋntɔ. Mlɩkisi lalahɛ kugyikʋ. Mlɩkɩta yilebwɛtɔ kinkiinkin. 10Mlɩha mlɩ ansɩ ɩpɛ mlɩ aba Akristofɔ dwɛsʋ, amlɩbu aba wanklaan. 11Mlɩmáha mlɩ nsiwa bwɛ atɔ ɔnɔ ɩba asɩ. Mlɩha Ɔŋɛ Wankɩhɛ amʋ ɔwa mlɩ ɔwʋnlɩn, amlɩsum anɩ Wie. 12Mlɩ ɔkpakɩ amʋ sʋ mlɩnya ansigyi, amlɩlɩɩ kinkin mlɩ ipiantɔ. Mlɩbɔ mpaɩ brɛ fɛ́ɛ́tɔ. 13Mlɩbʋa mlɩ aba Bulu aha ánɩ́ bʋbʋ ɩkplantɔ. Mlɩyɩrɩ ɩwɩ hɔ afɔɔ.
14Mlɩyula aha ánɩ́ bʋdɩn mlɩsʋ. Mlɩyula amʋ́, mlɩmálwɩɩ amʋ́. 15Nɩ akʋ bʋdɛ ansigyi nya a, mlɩa amʋ́nyɔ mlɩnya ansigyi. Nɩ akʋ bʋdesu ɛ a, mlɩa amʋ́nyɔ mlɩsu. 16Mlɩ fɛ́ɛ́ mlɩtsia wanklaan. Mlɩmátsu ɩwɩ. Mlɩpʋ ɩwɩ manta aha ánɩ́ aha bʋtamabu amʋ́. Mlɩmákɩ mlɩ ɩwɩá mlɩdʋn akʋ.
17Nɩ ɔkʋ ɔpʋ lalahɛ gyi mlɩ a, mlɩmápʋ lalahɛ ka mʋ ɩkɔ. Mlɩbɔ mbɔdɩ amlɩbwɛ tɔá ɩbʋ alɛá aha fɛ́ɛ́ bótsula dɩnka mʋ́sʋ. 18Alɩágyialɩá igyi mlɩ mʋ́ a, iwilwii itsia mlɩa ɔhagyiɔha nsɩnɛ. 19Mɩ apio adwɛpʋ, mlɩmápʋ lalahɛ ka mlɩ aba ɩkɔ. Mlɩsi togyitɔ ha Bulu. Tsufɛ bɔwanlɩn wa Bulu asʋn amʋtɔ bɛɛ, “Bulu ɔbɛɛ, ‘Mɩ, mlɩ Wie tɛka ɩkɔ. Mɩ ɔbɛ́ka aha akɔ amʋ́ lakpan sʋ.> ” 20Bulu asʋn wanlɩnhɛ lɛtra blɩ ɔbɛɛ, “Nɩ akʋn dɛ fʋ olupʋ a, ha mʋ atɔ ogyi. Nɩ ɔmɛwʋlɩ dɛ mʋ a, ha mʋ ntsu onun. Nɩ fɔbwɛ mʋ́ alɩ a, ɩbɛ́ha pɛlɩ bɛ́kɩta mʋ ɔbɛ́tsɛ.”#12:20 Igyi fɛ fakpa ogya wʋlɩ mʋ ɔtantra. 21Mlɩmáha lalahɛ igyi mlɩsʋ, mboun mlɩbwɛ yile pʋgyi lalahɛsʋ.
Obecnie wybrane:
Romafɔ 12: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Romafɔ 12
12
Tsiatɔá Bʋtɔpʋsum Bulu
1Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ. 2Mlɩmáha ɔsʋlʋ anfɩsʋ atsiabi igyi mlɩsʋ. Mlɩha Bulu ɔtsɛ mlɩ agywɩɩn, ɩha mlɩ tsiatɔ ɩtsɛ. Fówun mlɛ́talɩ bɩá Bulu apɛ bʋ alɛ, ɩbʋ ɔdwɛ, ɩlɔfʋn.
3Bulu agyʋma amʋʋ alawa awɩtɔlɛ pʋha mɩ amʋsʋ ndɛ mlɩtɔ okugyiɔkʋ bla mbɛɛ, ɔhaa mákɩ mʋ ɩwɩ dafa alɩá ogyi. Ɔhagyiɔha ɔba ansɩ asɩ, ɔkɩá ɔmɔdʋn hogyi amʋʋ Bulu lapʋha mʋ amʋ. 4Nyankpʋsa-oyi ɩwɩ atɔ anɩ fɛ́ɛ́ anɩgyi. Ntobi amʋtɔ kugyikʋ bʋ mʋ́ gyʋma ánɩ́ itegyi nyankpʋsa-oyi amʋsʋ. 5Alɩ kɛn ɩbʋ mʋ́tɔá anɩtsɔ, tamɛ anɩa Kristonyɔ anɩlabwɛ ɔyʋlʋ ɔkʋlɛ nɩ. Mʋ́ sʋ anɩgyi ntobi ɔtsan-ɔtsan ánɩ́ anɩtsatsa abasʋ, anɩlɔbwɛ ɔyʋlʋ ɔkʋlɛ amʋ. 6Bulu atokiehɛ amʋʋ ɔlɛha anɩ amʋ ɩna ɔtsan-ɔtsan. Ilehian ánɩ́ anɩ fɛ́ɛ́ abɔ́pʋ mʋ atokiehɛ amʋ yɔ agyʋma atɔ amʋʋ ɔlɛha anɩ amʋ ɔnɔ. Mʋ́ sʋ nɩ ɔkʋ atokiehɛ gyi Bulu ɔnɔ asʋnblɩ a, ɔha amʋ ɔbwɛ mʋ́ alɩá mʋ hogyi losuna mʋ. 7Nɩ ɔkʋ klɛ gyi mʋ aba ahogyipʋ bʋa a, ɔbʋa amʋ́. Nɩ ɔkʋ klɛ gyi atɔ suna a, osuna mʋ́. 8Nɩ ɔkʋ klɛ gyi aha atɛtɔ-ɔnlɩn wa a, ɔwa aha atɛtɔ-ɔnlɩn. Nɩ ɔkʋ ɛ klɛ gyi atɔ kie a, ɔlɛ ɩwɩtɔ kie mʋ́. Nɩ ɔkʋ klɛ gyi aha ɔnɔ lɩɩ a, ɔwa nsi ɔbwɛ mʋ́. Nɩ ɔkʋ klɛ ɛ gyi aha nwɛ wun a, ɔbwɛ mʋ́ ɔdwɛtɔ.
9Mlɩdwɛ aha tsu mlɩ klʋntɔ. Mlɩkisi lalahɛ kugyikʋ. Mlɩkɩta yilebwɛtɔ kinkiinkin. 10Mlɩha mlɩ ansɩ ɩpɛ mlɩ aba Akristofɔ dwɛsʋ, amlɩbu aba wanklaan. 11Mlɩmáha mlɩ nsiwa bwɛ atɔ ɔnɔ ɩba asɩ. Mlɩha Ɔŋɛ Wankɩhɛ amʋ ɔwa mlɩ ɔwʋnlɩn, amlɩsum anɩ Wie. 12Mlɩ ɔkpakɩ amʋ sʋ mlɩnya ansigyi, amlɩlɩɩ kinkin mlɩ ipiantɔ. Mlɩbɔ mpaɩ brɛ fɛ́ɛ́tɔ. 13Mlɩbʋa mlɩ aba Bulu aha ánɩ́ bʋbʋ ɩkplantɔ. Mlɩyɩrɩ ɩwɩ hɔ afɔɔ.
14Mlɩyula aha ánɩ́ bʋdɩn mlɩsʋ. Mlɩyula amʋ́, mlɩmálwɩɩ amʋ́. 15Nɩ akʋ bʋdɛ ansigyi nya a, mlɩa amʋ́nyɔ mlɩnya ansigyi. Nɩ akʋ bʋdesu ɛ a, mlɩa amʋ́nyɔ mlɩsu. 16Mlɩ fɛ́ɛ́ mlɩtsia wanklaan. Mlɩmátsu ɩwɩ. Mlɩpʋ ɩwɩ manta aha ánɩ́ aha bʋtamabu amʋ́. Mlɩmákɩ mlɩ ɩwɩá mlɩdʋn akʋ.
17Nɩ ɔkʋ ɔpʋ lalahɛ gyi mlɩ a, mlɩmápʋ lalahɛ ka mʋ ɩkɔ. Mlɩbɔ mbɔdɩ amlɩbwɛ tɔá ɩbʋ alɛá aha fɛ́ɛ́ bótsula dɩnka mʋ́sʋ. 18Alɩágyialɩá igyi mlɩ mʋ́ a, iwilwii itsia mlɩa ɔhagyiɔha nsɩnɛ. 19Mɩ apio adwɛpʋ, mlɩmápʋ lalahɛ ka mlɩ aba ɩkɔ. Mlɩsi togyitɔ ha Bulu. Tsufɛ bɔwanlɩn wa Bulu asʋn amʋtɔ bɛɛ, “Bulu ɔbɛɛ, ‘Mɩ, mlɩ Wie tɛka ɩkɔ. Mɩ ɔbɛ́ka aha akɔ amʋ́ lakpan sʋ.> ” 20Bulu asʋn wanlɩnhɛ lɛtra blɩ ɔbɛɛ, “Nɩ akʋn dɛ fʋ olupʋ a, ha mʋ atɔ ogyi. Nɩ ɔmɛwʋlɩ dɛ mʋ a, ha mʋ ntsu onun. Nɩ fɔbwɛ mʋ́ alɩ a, ɩbɛ́ha pɛlɩ bɛ́kɩta mʋ ɔbɛ́tsɛ.”#12:20 Igyi fɛ fakpa ogya wʋlɩ mʋ ɔtantra. 21Mlɩmáha lalahɛ igyi mlɩsʋ, mboun mlɩbwɛ yile pʋgyi lalahɛsʋ.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation