Israelfɔ Ɩlʋ 142
142
Bulu, Fʋgyi Mɩ Ɔtanʋkpa Akɩankpapʋ Ɔsʋlʋ Anfɩsʋ
Dawid atosuna ɩlʋá ɔlɔwa brɛá ɔbʋ ibwi-ɔbɔtɔ.
1Ntosu kpoli Nana Bulu,
pʋ mɩ ɔmɛ kokoli mʋ.
2Ntɛbla mʋ mɩ ɩkplan,
pʋ mɩ asʋn wunhɛ tswɩ mʋ ansɩtɔ.
3Nɩ ɩkpɔn mɩ ɔkla a,
fʋyin ɔtɩnɛá nɔ́tsʋn.
Bafɩnɩ ayibi
mɩ ɔkpa tsʋnhɛ kugyikʋsʋ.
4Nɩ nɛdamli kɩ mɩ gyɔpɩsʋ a,
mma ɔha bɩhɛ ɔkʋkʋ.
Ɔtanʋkpa kʋkʋ ɩtrama mɩ ɩnʋ.
Ɔhaa tamatsu kʋkʋ lɛ mɩ asʋntɔ.
5Oo Nana Bulu, fʋ ndesu kpoli.
Ndɛblɩ mbɛɛ, “Fʋgyi mɩ ɔtanʋkpa
pʋ́ mɩ ogyikpa, akɩankpapʋ ɔsʋlʋ anfɩsʋ.”
6Kokoli, yaa asʋ afʋnu mɩ isu,
tsufɛ bahɩɛ ba mɩ asɩ.
Hɔ mɩ lɛ mɩsʋ adɩnkapʋ ɩbɩtɔ,
tsufɛ bʋhɩɛ bʋbʋ ɔnlɩn dʋn mɩ.
7Lɛ mɩ obu anfɩ nda anfɩtɔ,
mɛnɩ nɛ́da fʋ ɩpan.
Aha yile bóbomli mɩ,
tsufɛ fɛ́ha ɩbɔ́wa alɛ ha mɩ.
Obecnie wybrane:
Israelfɔ Ɩlʋ 142: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation