Israelfɔ Ɩlʋ 137
137
Sionsʋ Kaɩn
1Babilon ntsu ɔnɔ anɩletsia su,
brɛá anɩlɛkaɩn Sionsʋ.
2Anɩlesi anɩ nsankuo sian
ɩnʋ nyisʋ,
3tsufɛ ɩnʋ anɩ ndoun akɩtapʋ Babilonfɔ bodunka ɩlʋ tsu anɩ wa nɩ.
Anɩ ɩwɩɔsɩn awapʋ anfɩ bɛblɩ bɛɛ,
“Mlɩwa Sion ɩlʋ kʋlɛ pʋwa anɩ ansigyi!”
4Nkalɩ abɔ́wa Nana Bulu ɩlʋ ɔdɩ?
5Oo Yerusalem, nɩ nɛtan fʋsʋ a,
Bulu ɔha mɩ gyɔpɩ ɩtan ɔsankuodasʋ!
6Nɩ mmɛkaɩn Yerusalemsʋ,
ntɛ nekina mʋ dwɛ dʋn tɔá ɩhɩɛ bʋ mɩ ansigyi a,
mɩ ɔdandʋ ibiabia, ɩmátalɩ tra wa ɩlʋ.
7Nana Bulu, mátan tɔá Edomfɔ bɔbwɛ
ɛkɛá Yerusalem lɛdɩdasʋ.
Bɔkplʋn bɛɛ, “Mlɩbwie mʋ́ da! Mlɩbwie mʋ́ da!
Mlɩbwie mʋ́ yɛkɩta mʋ́ ntswɩasɩ fɛ́ɛ́ da!”
8Oo Babilonfɔ, Bulu obéyinta mlɩ.
Bulu oyula ɔha amʋʋ alapʋ
tɔá mlɩlapʋ gyi anɩ ka mlɩ ɩkɔ amʋ!
9Ansɩ igyi aha ánɩ́ bɛ́kɩta mlɩ abi bɔbwɛ,
fɩn da abʋtasʋ.
Obecnie wybrane:
Israelfɔ Ɩlʋ 137: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation