Israelfɔ Ɩlʋ 129
129
Pɛlɩ Ɩkɩta Sion Alupʋ Fɛ́ɛ́
Yerusalem-yɔ ɩlʋ.
1Israelfɔ mlɩblɩ mlɩaa,
“Tsu mɩ nyebitɔ ɔpá mɩ alupʋ bʋdɩn mɩsʋ.”
2“Tsu mɩ nyebitɔ ɔpá mɩ alupʋ bʋdɩn mɩsʋ,
tamɛ bʋmɔkʋtalɩ gyi mɩsʋ kɩ.
3Balɛlɛ apintinplin dɩnka mɩ ɔma,
fɛ ndɔtɔ bawɔ flɛ.”
4Yile ɔbwɛpʋ Nana Bulu gyi,
alatɩntɩn lalahɛ abwɛpʋ nfɛ lɛ mɩ ɩwɩ.
5Pɛlɩ ɩkɩta Sion alupʋ fɛ́ɛ́,
abʋdɩda lala.
6Bʋbwɛ fɛ ɩbʋtasʋ ɩfa,
ɩtamadan asa itowu,
7mʋ́ abi tamabʋla ɔbɩlɔ,
ntɛ moni mʋ́ ɔklɩpʋ ɩbɩtɔ.
8Mʋ́ asɩ atsʋnpʋ ɛ bʋmábla agyʋma ayɔpʋ amʋ bɛɛ,
“Nana Bulu oyula mlɩ.
Ayula mlɩ Nana Bulu ɩdatɔ!”
Obecnie wybrane:
Israelfɔ Ɩlʋ 129: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation