Gyumagyihɛ 6
6
Ɔnɔ Alɩɩpʋ Abasienɔ Lɛ
1Brɛá akasɩpʋ amʋ bɛba bʋdɛklɛɩ a, ɩtrɛ lɛda Yudafɔ Griki ablɩpʋ amʋʋ bʋtɛblɩ Hebri ɔblɩ amʋ nsɩnɛ. Griki ablɩpʋ amʋ bɛɛ, ekekegyiɛkɛ, nɩ bʋdɛ atɔ ye a, bʋtamaha Grikifɔ asʋrapʋ. 2Mʋ́ sʋ sumbi ayɔpʋ duanyɔ amʋ bɛtɩ ahogyipʋ amʋ fɛ́ɛ́ fia, bla amʋ́ bɛɛ, “Ɩma alɛá abési Bulu asʋn ɔkanda betsia ye atɔtɔ. 3Ɩnɩ sʋ apio, mlɩkɩ mlɩtɔ amlɩlɛ aha abasienɔá obú bʋ amʋ́sʋ, Ɔŋɛ Wankɩhɛ mʋ́a nyansa ɩtsɔ amʋ́tɔ. Fówun apʋ amʋ́ lɩɩ atɔtɔye ɔnɔ, 4mɛnɩ anɩ ɛ abɛ́lɛ ansɩ kɩ mpaɩbɔ pʋ́ Bulu asʋn amʋ ɔkanda.”
5Ansɩ legyi ahogyipʋ amʋ fɛ́ɛ́ asʋn anfɩ ɩwɩ. Mʋ́ sʋ bɛlɛ oyin ɔkʋá mʋ hogyi ɔnɔ ɩbʋ ɔnlɩn, Ɔŋɛ Wankɩhɛ ɛ ɩtsɔ mʋtɔ, bʋtɛtɩ mʋ Stefano mʋa Filipo, Prokoro, Nikanor, Timon, Parmena pʋ́ Nikolao, ogyi Grikiyin ɔkʋá otsu Antiokia asa alawie Yudafɔ osumtɔ. 6Bɔpʋ aha anfɩ bosuna sumbi ayɔpʋ amʋ, sumbi ayɔpʋ amʋ ɛ bɔpʋ ɩbɩ dɩnka amʋ́sʋ, bɔ mpaɩ ha amʋ́.
7Ɩnɩ sʋ Bulu asʋn amʋ lɛklɛɩ, akasɩpʋ amʋ bomoni Yerusalem. Bulu igyi ahapʋ amʋ o tsɔtsɔɔtsɔ bɔhɔ Yesu asʋn amʋ.
Stefano Kɩta
8Bulu lɔwa awɩtɔlɛ ha Stefano tumi kpɔnkpɔɔnkpɔntɩ. Mʋ́ sʋ ɔlɔbwɛ ofula pʋ́ osuna akpɔnkpɔntɩ ɔmá amʋtɔ. 9Tamɛ akʋ bɔkʋsʋ lɩɩ mʋsʋ. Aha anfɩ botsu ofiakpa kʋá bʋtɛtɩ mʋ́ “Nkpábiá Bahɔ Ɩwɩsʋtsia.” Amʋ́ akʋ bʋgyi Yudafɔá botsu Kirene pʋ́ Aleksandria awulusʋ. Akʋ ɛ botsu Kilikia pʋ́ Asia ɔmátɔ. 10Tamɛ Ɔŋɛ Wankɩhɛ lɛha Stefano nyansa ɔlɔpʋtɔɩ. Mʋ́ sʋ bʋmɛtalɩ gyi mʋ nwɛn. 11Ɩnɩ sʋ bɛha akʋ ɔnɔ bɛɛ bʋblɩ bɛɛ, bonuá Stefano dɛtɔɩ wɔ Mose mʋa Bulu. 12Ɩnɩ lɛha aha ánɩ́ bʋbʋ ɩnʋ, Yudafɔ ahandɛ pʋ́ Mose mbla asunapʋ amʋ benya ɔblɔ Stefanosʋ. Ɩnʋ bɛnatɩ yɔtʋ mʋ, kɩta mʋ, kpa mʋ ya Yudafɔ Asʋn Agyipʋ amʋ ansɩtɔ. 13Bɛlaha akʋ ɛ bɔwa afunu dɩnka mʋsʋ bɛɛ, “Oyin anfɩ tɔtɔɩ wɔ Bulu ɔtswɛkpa wankɩhɛ pʋ́ Mose mbla amʋ ekekegyiɛkɛ. 14Anɩlonuá ɔdɛblɩ ɔbɛɛ, ‘Yesu Nasaretyin amʋ obóbwie Bulu ɔtswɛkpa amʋ, tsɛ amandɩɛá Mose losuna anɩ fɛ́ɛ́.> ” 15Yudafɔ Asʋn Agyipʋ amʋ fɛ́ɛ́ besi bʋdɛ Stefano kɩ diin. Ɩnʋ bɛkɩ a, mʋ ansɩtɔ dɛ ogya kpa fɛ Bulu-ɔbɔpʋ ansɩtɔ.
Obecnie wybrane:
Gyumagyihɛ 6: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Gyumagyihɛ 6
6
Ɔnɔ Alɩɩpʋ Abasienɔ Lɛ
1Brɛá akasɩpʋ amʋ bɛba bʋdɛklɛɩ a, ɩtrɛ lɛda Yudafɔ Griki ablɩpʋ amʋʋ bʋtɛblɩ Hebri ɔblɩ amʋ nsɩnɛ. Griki ablɩpʋ amʋ bɛɛ, ekekegyiɛkɛ, nɩ bʋdɛ atɔ ye a, bʋtamaha Grikifɔ asʋrapʋ. 2Mʋ́ sʋ sumbi ayɔpʋ duanyɔ amʋ bɛtɩ ahogyipʋ amʋ fɛ́ɛ́ fia, bla amʋ́ bɛɛ, “Ɩma alɛá abési Bulu asʋn ɔkanda betsia ye atɔtɔ. 3Ɩnɩ sʋ apio, mlɩkɩ mlɩtɔ amlɩlɛ aha abasienɔá obú bʋ amʋ́sʋ, Ɔŋɛ Wankɩhɛ mʋ́a nyansa ɩtsɔ amʋ́tɔ. Fówun apʋ amʋ́ lɩɩ atɔtɔye ɔnɔ, 4mɛnɩ anɩ ɛ abɛ́lɛ ansɩ kɩ mpaɩbɔ pʋ́ Bulu asʋn amʋ ɔkanda.”
5Ansɩ legyi ahogyipʋ amʋ fɛ́ɛ́ asʋn anfɩ ɩwɩ. Mʋ́ sʋ bɛlɛ oyin ɔkʋá mʋ hogyi ɔnɔ ɩbʋ ɔnlɩn, Ɔŋɛ Wankɩhɛ ɛ ɩtsɔ mʋtɔ, bʋtɛtɩ mʋ Stefano mʋa Filipo, Prokoro, Nikanor, Timon, Parmena pʋ́ Nikolao, ogyi Grikiyin ɔkʋá otsu Antiokia asa alawie Yudafɔ osumtɔ. 6Bɔpʋ aha anfɩ bosuna sumbi ayɔpʋ amʋ, sumbi ayɔpʋ amʋ ɛ bɔpʋ ɩbɩ dɩnka amʋ́sʋ, bɔ mpaɩ ha amʋ́.
7Ɩnɩ sʋ Bulu asʋn amʋ lɛklɛɩ, akasɩpʋ amʋ bomoni Yerusalem. Bulu igyi ahapʋ amʋ o tsɔtsɔɔtsɔ bɔhɔ Yesu asʋn amʋ.
Stefano Kɩta
8Bulu lɔwa awɩtɔlɛ ha Stefano tumi kpɔnkpɔɔnkpɔntɩ. Mʋ́ sʋ ɔlɔbwɛ ofula pʋ́ osuna akpɔnkpɔntɩ ɔmá amʋtɔ. 9Tamɛ akʋ bɔkʋsʋ lɩɩ mʋsʋ. Aha anfɩ botsu ofiakpa kʋá bʋtɛtɩ mʋ́ “Nkpábiá Bahɔ Ɩwɩsʋtsia.” Amʋ́ akʋ bʋgyi Yudafɔá botsu Kirene pʋ́ Aleksandria awulusʋ. Akʋ ɛ botsu Kilikia pʋ́ Asia ɔmátɔ. 10Tamɛ Ɔŋɛ Wankɩhɛ lɛha Stefano nyansa ɔlɔpʋtɔɩ. Mʋ́ sʋ bʋmɛtalɩ gyi mʋ nwɛn. 11Ɩnɩ sʋ bɛha akʋ ɔnɔ bɛɛ bʋblɩ bɛɛ, bonuá Stefano dɛtɔɩ wɔ Mose mʋa Bulu. 12Ɩnɩ lɛha aha ánɩ́ bʋbʋ ɩnʋ, Yudafɔ ahandɛ pʋ́ Mose mbla asunapʋ amʋ benya ɔblɔ Stefanosʋ. Ɩnʋ bɛnatɩ yɔtʋ mʋ, kɩta mʋ, kpa mʋ ya Yudafɔ Asʋn Agyipʋ amʋ ansɩtɔ. 13Bɛlaha akʋ ɛ bɔwa afunu dɩnka mʋsʋ bɛɛ, “Oyin anfɩ tɔtɔɩ wɔ Bulu ɔtswɛkpa wankɩhɛ pʋ́ Mose mbla amʋ ekekegyiɛkɛ. 14Anɩlonuá ɔdɛblɩ ɔbɛɛ, ‘Yesu Nasaretyin amʋ obóbwie Bulu ɔtswɛkpa amʋ, tsɛ amandɩɛá Mose losuna anɩ fɛ́ɛ́.> ” 15Yudafɔ Asʋn Agyipʋ amʋ fɛ́ɛ́ besi bʋdɛ Stefano kɩ diin. Ɩnʋ bɛkɩ a, mʋ ansɩtɔ dɛ ogya kpa fɛ Bulu-ɔbɔpʋ ansɩtɔ.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation