1 Korintofɔ 8
8
Ɔkpɩtɔ Atogyihɛ
1Mlɩha ablɩ ɔkpɩtɔ-atɔ gyi ɩwɩ asʋn amʋʋ mlɩlɔwanlɩn sɩsɩ mɩ amʋ.
Mlɩdɛblɩ mlɩaa, “Anɩ fɛ́ɛ́ anɩyin asʋn.” Ɩbʋ mʋ́tɔ, tamɛ mlɩbɩá asʋnbɩ tɛha ɔha totsu ɩwɩ, ɔdwɛ ɛ ɩtɛha ɔha tɛdan. 2Nɩ ɔkʋ ɔbɛɛ, mʋyin asʋn dʋbɩ a, ɔmɔkʋnya bɩ tɔá idehian. 3Ɔha ánɩ́ ɔtɔdwɛ Bulu a, Bulu ɛ yin mʋ.
4Mʋ́ sʋ nkalɩ anɩdɛblɩ tsu ɔkpɩtɔ atɔ gyi ɩwɩ? Anɩ fɛ́ɛ́ anɩyin ánɩ́ ɔkpɩ megyi tɔtɔɔtɔ. Anɩyin ánɩ́ Bulu ɔkʋlɛ pɛ ɛ bʋ ɩnʋ, ɔkʋkʋ tra ɔma ɔtɩnɛtɩnɛ. 5Ɩnɩá ɩkpɩ mʋ́a tumi tsɔtsɔɔtsɔ bʋbʋ ɔsʋ mʋ́a asɩ o a, 6anɩ mʋ́ anɩyin ánɩ́ Bulu ɔkʋlɛ pɛ bʋ ɩnʋ. Mʋgyi anɩ Sɩ, ɔsʋ mʋ́a asɩ Ɔbwɛpʋ. Mʋ anɩtsie nkpa ha. Anɩ Wie ɔkʋlɛ pɛ ɛ bʋ ɩnʋ. Mʋgyi Yesu Kristo. Mʋsʋ Bulu lɔtsʋn bwɛ togyitɔ. Mʋ kɛn sʋ anɩtsie nkpa nɩ.
7Tamɛ megyi Akristofɔ fɛ́ɛ́ yin alɩ asʋn anfɩ. Ɩkpɩsum lamanta amʋ́ dodo. Ɩnɩ sʋ nɩ begyi ɔkpɩtɔ-atɔ a, bʋdɛ mʋ́ tsuá basum ɔkpɩ amʋ nɩ. Mʋ́ sʋ ifin lada amʋ́, tsufɛ bʋmɔkʋdan hogyitɔ. 8Megyi tɔá anɩtegyi sʋ anɩa Bulunyɔ nsɩnɛ bɔ́wa alɛ. Ntɔ anɩlegyi o, ntɔ anɩmegyi o, tɔtɔ meyinta anɩ ɩwɩ.
9Tamɛ mlɩkɩ wanklaan ánɩ́ ɔkpa anfɩ mlɩbʋ gyi ɔkpɩtɔ-atɔ anfɩ ɩmɛ́ɛha ɔha ánɩ́ ɔmɔkʋdan hogyitɔ ɔmɛ́ɛdɩda. 10Nɩ ɔha ánɩ́ ɔmɔkʋdan hogyitɔ owun fʋ anfɩ fɛɛ fʋyin asʋn, fʋdɛ atɔ gyi ɔkpɩtɔ a, ɩbʋ alɛ? Mʋmʋ yɛ fʋdɛ mʋ atɛtɔ-ɔnlɩn wa fɛɛ, ogyi ɔkpɩtɔ atɔ anfɩ mʋ onuto oyin ánɩ́ ɩma alɛ anfɩ nɩ o. 11Mʋmʋ fapʋ fʋ asʋnbɩ mlɛ fʋ pio wa. Faha fʋ pio anfɩ ɔmɔkʋdan hogyitɔ, Kristo lowu ha mʋ anfɩ lafwɩ. 12Nɩ fɔpʋ ɩla gyi fʋ pio Okristoyin ánɩ́ ɔmɔkʋdan hogyitɔ, fɛha mʋ ɔbwɛ tɔá oyin ánɩ́ ɩma alɛ a, Kristo fapʋ ɩla gyi a. 13Mʋ́ sʋ nɩ tɔá négyi ɩbɛ́ha mɩ pio Okristoyin ɔbɔ́bwɛ lakpan a, mméetepi tra gyi iye ɛkɛkɛɛkɛ, mɛnɩ ɩmɛ́ɛha mʋ ɔdɩda.
Obecnie wybrane:
1 Korintofɔ 8: nko
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation