एफिसी 3
3
पावलइ अरू ह्रेंमैंए ल्हागिर लबै के
1छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्ट येशूजी पिंबै के लबइले ङ झेलर मुँ।#3:1 झेलर मुँ “अरू ह्रेंमैं या परमेश्वर ङाँर ह्याल् योंम्,” बिसि पावलइ बिप्रबइले चलाइ म्रोंसि यहूदीमैं ह्रिस खइ, सैल् म्हैइ, धै रोमीमैंइ चलाइ झेलइ झोंइ। (चिब्मैं २१:२७—२३:३५) 2अरू ह्रेंमैंए फिरै या खीए दयाम्हाँया उँइँबर परमेश्वरजी क्हेमैंए ल्हागिर्न ङलाइ खटिदिइमुँ बिसि क्हेमैंज्यै सेइमुँ। 3परमेश्वरजी खीए सैंर्बै लोथेंबै चाँजो ङने बिइमुँ। चु ताँए बारेर ङइ ओंसों या च्युगुदे ताँ प्ह्रिल् खाँइमुँ। 4क्हेमैंइ चु ताँ खेमा ख्रीष्टए बारेर लोथेंबै चाँजो ङइ कति ल्हें क्होइमुँ बिसि क्हेमैंइ सेब्मुँ। 5स्योंमन् परमेश्वरजी म्हिमैंलाइ चु चाँजो आबिल, दिलेया तिंजोरो परमेश्वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्तामैंने च चाँजो बिमिंइमुँ। 6खीए सैंर्बै लोथेंबै चाँजो तो जा बिस्याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्वेंस्याँ चमैंज्यै या परमेश्वरउँइँले आशिक योंब्मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्वरजी येशू ख्रीष्टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।#कल १:२६-२७
7खीए दयाम्हाँयाउँइँले शक्तिए बरदान पिंसि परमेश्वरजी ङलाइ सैं तोंबै ताँ बिप्रबै म्हि लमिंइ। 8ङ परमेश्वरए म्हिमैं न्होंरि ताँन् भन्दा च्योंब मुँनबिलेया ख्रीष्टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ। 9धै खीए चाँजो खीजी खैले पूरा लम् बिबै ताँ म्हिमैंलाइ था पिंबर परमेश्वरजी चु शक्तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल। 10दिलेया तिंजोरो खीए फिर बिश्वास लब्मैंउँइँले स्वर्गर्बै म्रुँमैं नेरो अधिकारिमैंइ परमेश्वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ। 11च चाँजो ह्युल बनेब् भन्दा ओंसों ओंनोंन् परमेश्वरजी मैंसि ङ्योए प्रभु येशू ख्रीष्टउँइँले पूरा लइ। 12छले ङ्यो ख्रीष्टने घ्रिन् तसि खीए फिर बिश्वास लबइले ङ्यो तिफुँइ आङ्हिंन्ले परमेश्वर ङाँर ह्याल् योंइमुँ। 13छतसि ङ क्हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्हेमैं सैं च्योंब् आलद्, तलेबिस्याँ ङइ दुःख नोबइले क्हेमैंल फायदा तइमुँ।
एफिससर्बै बिश्वासीमैंए ल्हागिर पावलइ प्राथना लब
14छतसि ङ च्हि तुँसि परमेश्वर आबालाइ फ्योम्। 15तलेबिस्याँ स्वर्ग नेरो पृथ्बीर मुँबै ताँन् परवामैंलाइ परमेश्वर आबाजीन् बनेसि मिं थेंइमुँ। 16क्हेमैंए ल्हागिर ङइ छ बिसि प्राथना लइमुँ: परमेश्वरए बेल्ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्हेमैंए सैं भोंब् लमिंरिगे। 17छलसि क्हेमैंइ प्रभु येशू ख्रीष्टए फिर बिश्वास लमा क्हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे। 18धै ख्रीष्टए फिर बिश्वास लबै ताँन् म्हिमैंने बालुन् तमा खीजी ङ्योए फिर लबै म्हाँया कति प्ल्हाब, कति ह्रिंब, कति नुब, कति गैरु मुँन बिबै ताँ क्हेमैंइ क्होल् खाँरिगे। 19क्होसे क्होल् आखाँबै ख्रीष्टजी लबै म्हाँया क्हेमैंइ सेरिगे, धै परमेश्वर खैब मुँ क्हेमैं या छाबन् तरिगे।
20ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्वरजी लल् खाँम्। खीजी च के खीए शक्तिजी ङ्योए सैं न्होंर्न लम्। 21छतसि तारे खबै ताँन् पुस्ता-पुस्तार्बै बिश्वासीमैंइ येशू ख्रीष्टउँइँलेन् परमेश्वरलाइ खोंयोंन् बिलै मान लरिगे। आमेन, छान् तरिगे!
Obecnie wybrane:
एफिसी 3: GCMB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2020, Wycliffe Bible Translators, Inc. All rights reserved.
एफिसी 3
3
पावलइ अरू ह्रेंमैंए ल्हागिर लबै के
1छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्ट येशूजी पिंबै के लबइले ङ झेलर मुँ।#3:1 झेलर मुँ “अरू ह्रेंमैं या परमेश्वर ङाँर ह्याल् योंम्,” बिसि पावलइ बिप्रबइले चलाइ म्रोंसि यहूदीमैं ह्रिस खइ, सैल् म्हैइ, धै रोमीमैंइ चलाइ झेलइ झोंइ। (चिब्मैं २१:२७—२३:३५) 2अरू ह्रेंमैंए फिरै या खीए दयाम्हाँया उँइँबर परमेश्वरजी क्हेमैंए ल्हागिर्न ङलाइ खटिदिइमुँ बिसि क्हेमैंज्यै सेइमुँ। 3परमेश्वरजी खीए सैंर्बै लोथेंबै चाँजो ङने बिइमुँ। चु ताँए बारेर ङइ ओंसों या च्युगुदे ताँ प्ह्रिल् खाँइमुँ। 4क्हेमैंइ चु ताँ खेमा ख्रीष्टए बारेर लोथेंबै चाँजो ङइ कति ल्हें क्होइमुँ बिसि क्हेमैंइ सेब्मुँ। 5स्योंमन् परमेश्वरजी म्हिमैंलाइ चु चाँजो आबिल, दिलेया तिंजोरो परमेश्वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्तामैंने च चाँजो बिमिंइमुँ। 6खीए सैंर्बै लोथेंबै चाँजो तो जा बिस्याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्वेंस्याँ चमैंज्यै या परमेश्वरउँइँले आशिक योंब्मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्वरजी येशू ख्रीष्टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।#कल १:२६-२७
7खीए दयाम्हाँयाउँइँले शक्तिए बरदान पिंसि परमेश्वरजी ङलाइ सैं तोंबै ताँ बिप्रबै म्हि लमिंइ। 8ङ परमेश्वरए म्हिमैं न्होंरि ताँन् भन्दा च्योंब मुँनबिलेया ख्रीष्टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ। 9धै खीए चाँजो खीजी खैले पूरा लम् बिबै ताँ म्हिमैंलाइ था पिंबर परमेश्वरजी चु शक्तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल। 10दिलेया तिंजोरो खीए फिर बिश्वास लब्मैंउँइँले स्वर्गर्बै म्रुँमैं नेरो अधिकारिमैंइ परमेश्वरए औदिबै ज्ञान बुद्धिए ताँमै सेरिगे बिसि खीजी चु चाँजो उँइँमिंइ। 11च चाँजो ह्युल बनेब् भन्दा ओंसों ओंनोंन् परमेश्वरजी मैंसि ङ्योए प्रभु येशू ख्रीष्टउँइँले पूरा लइ। 12छले ङ्यो ख्रीष्टने घ्रिन् तसि खीए फिर बिश्वास लबइले ङ्यो तिफुँइ आङ्हिंन्ले परमेश्वर ङाँर ह्याल् योंइमुँ। 13छतसि ङ क्हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्हेमैं सैं च्योंब् आलद्, तलेबिस्याँ ङइ दुःख नोबइले क्हेमैंल फायदा तइमुँ।
एफिससर्बै बिश्वासीमैंए ल्हागिर पावलइ प्राथना लब
14छतसि ङ च्हि तुँसि परमेश्वर आबालाइ फ्योम्। 15तलेबिस्याँ स्वर्ग नेरो पृथ्बीर मुँबै ताँन् परवामैंलाइ परमेश्वर आबाजीन् बनेसि मिं थेंइमुँ। 16क्हेमैंए ल्हागिर ङइ छ बिसि प्राथना लइमुँ: परमेश्वरए बेल्ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्हेमैंए सैं भोंब् लमिंरिगे। 17छलसि क्हेमैंइ प्रभु येशू ख्रीष्टए फिर बिश्वास लमा क्हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे। 18धै ख्रीष्टए फिर बिश्वास लबै ताँन् म्हिमैंने बालुन् तमा खीजी ङ्योए फिर लबै म्हाँया कति प्ल्हाब, कति ह्रिंब, कति नुब, कति गैरु मुँन बिबै ताँ क्हेमैंइ क्होल् खाँरिगे। 19क्होसे क्होल् आखाँबै ख्रीष्टजी लबै म्हाँया क्हेमैंइ सेरिगे, धै परमेश्वर खैब मुँ क्हेमैं या छाबन् तरिगे।
20ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्वरजी लल् खाँम्। खीजी च के खीए शक्तिजी ङ्योए सैं न्होंर्न लम्। 21छतसि तारे खबै ताँन् पुस्ता-पुस्तार्बै बिश्वासीमैंइ येशू ख्रीष्टउँइँलेन् परमेश्वरलाइ खोंयोंन् बिलै मान लरिगे। आमेन, छान् तरिगे!
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2020, Wycliffe Bible Translators, Inc. All rights reserved.