Hosea 4
4
Katɔti Ɔ́du Israelƒuɔ Kɔtɔ
1Bise atu na binu kɔtɔ kɔni na Unwoti Katɔti ɔɔdú amii Israel kadi bekyuli ƒui!
Unwoti uudie bina ƒui bɔƒiɔ na kalɔ kammɔ lɛlɔ
ka ɔdi uládi-nwu litemi
lɛlɔ siin
na bɛɛɛdaku-nwu lɛda lɛnɔ.
2Lɛlɔ buwida ku ɔkɔ bɔnyi ku bekyuli bɔdu
ku kuyu ku lɛsɔnɔdi lɛlɔ kani na binye uwi ndi uwi.
3Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu,
na bekyuli ku bebuo ku baasɛ
bani nkya-ka kemmo ƒui lɛnɔ beekpi.
4“Nsu ni, bitadu ukyuli ndi ukyuli kɔtɔ,
ɔsika ɔɔɔdi bana ƒui náƒiɔ.
Amii bakpane bammɔ na mɔɔdú kɔtɔ.
5Na amii ku kenye bediene bammɔ ƒui
bɛdubo butaabla gyuma gyuma usien ku ɔƒɛ.
Na ndubo bina beni udu bɔyila.
6Amii bani na bɛdi bakpane bíni-mi,
na mina bekyuli baayii udu
ka béni mina ɔda bubo ɔsu.
“Na ɔƒaani ni, ami lɛnɔ ndubo-mii buni
na lɛyiƒala bina bebi
ɔsika amii bɛ́yiƒala mina ɔda bubo.
7Kalɛ na biimomo teebu ni,
lɛni kani na bina alaekpidi lɛnɔ eemomo teebu.
Na kenyekɔ ku ɔbu ɔni na
bibo ni,
bɛ́vumana-nwu bíte kɔƒa ala bɔbla.
8Na likpidi lili buvele akpala ani na mina bekyuli
baabla lɛlɔ
na amii bɛɛsia teenwini balakɛne,
anwuɔsu na bɛɛkya-ma ogya ka bataabla-nya teebu.
9Na lɛlakpa linwi ndubɔlɛku bakpane ku bekyuli bammɔ ƒui,
ɔsika ndubɔni bana ƒui kɔtu na bana ablala ɔsu,
na lɛƒɔ-ma kayu kani námanku ala ani na
bábla kenye.
10“Badubo bɔdi bɔsia kama,
nsu baaadubo bumo.
Na basiaku lɛsɔnɔdi kama,
nsu baaadubo bebi bɔwɔ na bemomo.
Ɔsika béni Unwoti na basiaku ala bamba kama.
Katɔti Ukisi Na Úni Lɛƒiɔkpa
11“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ! 12Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama. 13Bakɛ abi eli baabla akpala na beeti etela teesienku abi eli mmɔ na egyii enengudi lidu ƒui kalɔ, kesii kani na ɔyuli ɔkya kaduɛ na ɔdia bulie na egyii ammɔ kɔgba ku evete ɔsu. Anwuɔsu na bina bebi belekubi bénwini bayalɛ, na bina bebi bele bénwini basɔnɔdine.
14“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’
15“Israel, ina ka aadi kɔsɔnɔ ni, taya na Yuda ɔbla likpidi.
“Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo! 16Israelƒuɔ atu ebo ɔkplu aani ebuo ala utine ɔni mbo atuɔkplu na ulenu lɛla lɛdi kalɔ. Dɛ na Unwoti ɔdubɔkana bekyuli bamɛni adila buteete aani baƒonubi na kesii kani na livo lɛbuni lɛkya na bataakun? 17Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma! 18Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ. 19Ɔƒɛƒɛɛ kpakplaa ɔni mɔɔkya ligede ɔdubo ubékpo na ɔkpala-ma ku bana akpala ƒui ɔtɔlɔku, na akpala ammɔ eti kɔƒa kuboku-ma lɛlɔ.”
Obecnie wybrane:
Hosea 4: lef
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.