پولُسئے کاگد په رومیان 11
11
هُدایا وتی کئوم یله نکرتگ
1نون من جُستَ کنان، هُدایا وتی کئوم نزُرتگ و دئور داتگ؟ هچبر! چێا که من وت هم اِسراییلیے آن، اِبراهێمئے نَسل و پَدرێچ آن و چه بِنیامینئے کَبیلها. 2هُدایا وتی کئوم که چه پێسرا زانتگ، دئور نداتگ. شما نزانێت که پاکێن کتاب اِلیاس نَبیئے بارئوا چے گوَشیت؟ آ، چِه پئیما اِسراییلئے هلاپا هُدائے کِرّا دَزبندیَ کنت؟ 3اِلیاس نبیَ گوَشیت: ”او هُداوند! اِشان تئیی نَبی کُشتگاَنت و تئیی کُربانجاه کَرۆتکگاَنت.#11:3 کرۆجگ، بزان هَرۆجَگ، اَڈّ کرتگێن چیزّێئے پرۆشگ. پَشت کپتگێن تهنا من آن و منی کُشگئے رَندا اَنت.“#11:3 بادشاهانی ائولی کتاب 19:10، 14. 4بله هُدائے پَسّئو په آییا چے اَت؟ ”من په وت هپت هزار مردم داشتگ که بَهَلئے#11:4 بَهَل، بزان دَرکئومانی یکّ بُتے. دێما کۆنڈان نکپتگاَنت.“#11:4 بادشاهانی ائولی کتاب 19:18. 5همے پئیما، مرۆچی هم لهتێن چُشێن پَشت کپتگ که هُدائے رهمتئے برکتا گِچێن کنگ بوتگاَنت. 6اگن گِچێن بئیگ رهمتئے برکتا اِنت، گڑا بزان کار و کِردا نهاِنت، اگن چه کار و کِردا بوتێن، گڑا بزان رهمت، رهمت نبوتگاَت.
7گڑا چے؟ آ چیزّ که اِسراییل آییئے شۆهازا اَت، نرَستی، گِچێن کرتگێنان رست، بله آ دگرانی دل سِنگ بوتنت. 8اَنچُش که نِبشته اِنت:
”هُدایا آ گْرانواب کرتگنت،
اَنچێن چمّی داتگنت که مَگِندنت و
اَنچێن گۆشی داتگنت که مهاِشکننت،
تان مرۆچیگێن رۆچا.“ # 11:8 موسّائے واز 29:4؛ اِشئیا نَبیئے کتاب 29:10.
9داوودا هم گوَشتگ:
”آیانی پَرزۆنَگ # 11:9 پَرزۆنَگ، بزان سُپره. دام و تَلکے بات،
په آیان مان گیشّێنۆکێن سِنگے و سِزاے بات،
10 چمِّش تهار باتنت تانکه مَگِندنت و
سْرێنِش مدام کُمپ بات.“ # 11:10 زَبور 69:22-23.
11گڑا من جُستَ کنان، آیان ٹَگل وارتگ که بکپنت و پدا پاد آتک مکننت؟ هچبر! آیانی ناپرمانیئے سئوَبا دَرکئومان نجات رستگ تانکه اِسراییلیانی هَسَدّ پاد بیئیت. 12اگن اسراییلیانی ناپرمانی په دنیایا برکت بوت و آیانی تاوان په دَرکئومان گنجے، گڑا آیانی سَرجمیا ایمان آرگ و گۆن بئیگ چۆنێن مزنێن برکتے کاریت.
13او دَرکئومان! من گۆن شما هبرا آن. نون که منی کاسِدی گۆن دَرکئومان اِنت، وتی هِزمتا پُراَرزشَ زانان، 14په اے اُمێتا که وتی جندئے مردمان هَسَدّیگ بکنان و اے پئیما چه آیان لهتێنا برَکّێنان. 15چێا که، اگن آیانی نزورگ جهانئے سُهل و وشّانی اِنت، گڑا آیانی زورگ چه مُردگان زِندگ بئیگئے پئیمێن کارے بیت. 16اگن آرتئے هما ائولی چانَگ که هُدائے بَهر اِنت، پاک اِنت، گڑا بزان سرجمێن تَرّ کرتگێن آرت پاک اِنت و اگن بُنڈال#11:16 بُنڈال دْرچکئے مسترێن وَنڈال و ریشّگ اِنت. پاک اِنت، ٹال #11:16 ٹال، بزان شاهَڑ، شاهَل. و شاهَڑ هم پاک اَنت.
17اگن درچکئے لهتێن ٹال پرۆشگ بوتگ و تئو که جَنگلی زئیتونئے ٹالے ائے، آ دگه ٹالانی نیاما گۆن درچکا پئیوَند جنَگ بوتگئے و نون زئیتونئے بُنڈالئے شیرگان شریکدار ائے، 18آ دگه ٹالانی سرا پَهر مبند. اگن چُشَ کنئے، مشمۆش که تئو بُنڈال نداشتگ، اے بُنڈال اِنت که ترا داشتگی. 19نون بلکێن بگوَشئے: ”آ ٹال پرۆشگ و سندگ بوتنت تانکه من پئیوَند جنَگ ببان.“ 20راست اِنت. آ ٹال پمێشکا پرۆشگ بوتنت که ایمانِش نێستاَت، بله تئو چه ایمانئے زۆرا مُهر اۆشتاتگئے. گُروناک مبئے و بتُرس. 21چێا که اگن هُدایا درچکئے اَسلیگێن ٹالانی سرا بزّگ نبوت، تئیی سرا هم بزّگیَ نبیت. 22نون هُدائے مهربانیا و آییئے تْرُندیا بچار. تْرُندی په همایان اِنت که گُناها کپتگاَنت و مهربانی په تئو اِنت، اگن آییئے مِهرانی ساهگا بمانئے. اگن نه، تئو هم پْرۆشگَ بئے. 23آ هم، اگن وتی ناباوریئے سرا مماننت، پئیوَند جنَگَ بنت، چێا که هُدایا پدا آیانی پئیوَند جنَگئے واک و توان هست. 24تئو چه هما زئیتونئے درچکا گُڈّگ بوتگئے که وتی زاتا جنگلی اِنت و وتی زاتئے هلاپا گۆن کِشتگێن زئیتونئے درچکا پئیوَند جنَگ بوتگئے. گڑا اَلّما هما که اے زئیتونئے اَسلیگێن ٹال اَنت، په ارزانی گۆن وتی جندئے درچکا پدا پئیوَند جنَگ بنت.
اِسراییلئے نِجات
25او براتان! چۆ مبیت که وتا دانا سرپد ببێت. پمێشکا منَ لۆٹان اے رازا بزانێت که اِسراییلئے یکّ بهرێئے سرا سِنگدلی آتکگ و اے سنگدلی تان هما وهدا مانیت که دَرکئوم سَرجمیا گۆنَ نبنت. 26اے پئیما، نون سجّهێن اِسراییلَ رَکّیت، هما ڈئولا که نبشته اِنت:
”رَکّێنۆک # 11:26 رَکّێنۆک، بزان نجات دئیۆک. چه سَهْیونا کئیت و
آکوبئے نسل و پَدرێچئے هُداناپرمانیا دورَ کنت.“
27 ”وهدے منِ هُدا آیانی گناهان دورَ کنان،
گۆن آیان همے اَهد و پئیمانا بندان.“ # 11:27 اِشئیا نَبیئے کتاب 59:20-21؛ 27:9؛ اِرِمیا نَبیئے کتاب 31:33-34.
28اِسراییلیان وشّێن مِستاگئے سرا باور نکرتگ و په شمئیگی هُدائے دُژمن اَنت، بله هُدایا آ گِچێن کرتگاَنت و وتی بُنپیرُکانی سئوَبا هُدایا دۆست اَنت. 29چێا که هُدا وتی داتگێن نیامتان پَچَ نگیپت و وتی گچێنا بدلَ نکنت. 30هما پئیما که یکّ وهدے شما هُدائے ناپرمان اتێت، بله نون چه اِسراییلیانی ناپرمانیا هُدایا شمئے سرا رَهم کرت، 31نون آ ناپرمان بوتگاَنت تانکه همے رَهم که شُمئے سرا کنگ بوتگ، آیانی سرا هم کنگ ببیت. 32چێا که هُدایا سجّهێن مردم ناپرمانیئے گُلام کرتگاَنت تانکه سجّهێنانی سرا رَهم بکنت.
هُدائے دانایی
33واه! هُدائے گنج و هکمت و زانت چینچُک بێکِساس اِنت.
آییئے پئیسله چه زانتا دَر اَنت و
راهی چه زانگا هما دێم!
34 ”کئیا هُداوندئے پِگر زانتگ و
کئے آییئے سر و سۆج دئیۆک بوتگ؟“ # 11:34 اِشئیا نَبیئے کتاب 40:13.
35 ”کئیا آییارا چیزّے داتگ
که هُدا آییئے بَدلا بدنت؟“ # 11:35 اَیّوبئے کتاب 41:11.
36چێا که هر چیزّ چه هماییئے نێمگا اِنت و هماییئے وسیلها اِنت و په هماییا اِنت. تان اَبد شان و شئوکت آییا سر بات. آمین.
Obecnie wybrane:
پولُسئے کاگد په رومیان 11: HPKB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2016-22 Wycliffe Bible Translators, Inc.
پولُسئے کاگد په رومیان 11
11
هُدایا وتی کئوم یله نکرتگ
1نون من جُستَ کنان، هُدایا وتی کئوم نزُرتگ و دئور داتگ؟ هچبر! چێا که من وت هم اِسراییلیے آن، اِبراهێمئے نَسل و پَدرێچ آن و چه بِنیامینئے کَبیلها. 2هُدایا وتی کئوم که چه پێسرا زانتگ، دئور نداتگ. شما نزانێت که پاکێن کتاب اِلیاس نَبیئے بارئوا چے گوَشیت؟ آ، چِه پئیما اِسراییلئے هلاپا هُدائے کِرّا دَزبندیَ کنت؟ 3اِلیاس نبیَ گوَشیت: ”او هُداوند! اِشان تئیی نَبی کُشتگاَنت و تئیی کُربانجاه کَرۆتکگاَنت.#11:3 کرۆجگ، بزان هَرۆجَگ، اَڈّ کرتگێن چیزّێئے پرۆشگ. پَشت کپتگێن تهنا من آن و منی کُشگئے رَندا اَنت.“#11:3 بادشاهانی ائولی کتاب 19:10، 14. 4بله هُدائے پَسّئو په آییا چے اَت؟ ”من په وت هپت هزار مردم داشتگ که بَهَلئے#11:4 بَهَل، بزان دَرکئومانی یکّ بُتے. دێما کۆنڈان نکپتگاَنت.“#11:4 بادشاهانی ائولی کتاب 19:18. 5همے پئیما، مرۆچی هم لهتێن چُشێن پَشت کپتگ که هُدائے رهمتئے برکتا گِچێن کنگ بوتگاَنت. 6اگن گِچێن بئیگ رهمتئے برکتا اِنت، گڑا بزان کار و کِردا نهاِنت، اگن چه کار و کِردا بوتێن، گڑا بزان رهمت، رهمت نبوتگاَت.
7گڑا چے؟ آ چیزّ که اِسراییل آییئے شۆهازا اَت، نرَستی، گِچێن کرتگێنان رست، بله آ دگرانی دل سِنگ بوتنت. 8اَنچُش که نِبشته اِنت:
”هُدایا آ گْرانواب کرتگنت،
اَنچێن چمّی داتگنت که مَگِندنت و
اَنچێن گۆشی داتگنت که مهاِشکننت،
تان مرۆچیگێن رۆچا.“ # 11:8 موسّائے واز 29:4؛ اِشئیا نَبیئے کتاب 29:10.
9داوودا هم گوَشتگ:
”آیانی پَرزۆنَگ # 11:9 پَرزۆنَگ، بزان سُپره. دام و تَلکے بات،
په آیان مان گیشّێنۆکێن سِنگے و سِزاے بات،
10 چمِّش تهار باتنت تانکه مَگِندنت و
سْرێنِش مدام کُمپ بات.“ # 11:10 زَبور 69:22-23.
11گڑا من جُستَ کنان، آیان ٹَگل وارتگ که بکپنت و پدا پاد آتک مکننت؟ هچبر! آیانی ناپرمانیئے سئوَبا دَرکئومان نجات رستگ تانکه اِسراییلیانی هَسَدّ پاد بیئیت. 12اگن اسراییلیانی ناپرمانی په دنیایا برکت بوت و آیانی تاوان په دَرکئومان گنجے، گڑا آیانی سَرجمیا ایمان آرگ و گۆن بئیگ چۆنێن مزنێن برکتے کاریت.
13او دَرکئومان! من گۆن شما هبرا آن. نون که منی کاسِدی گۆن دَرکئومان اِنت، وتی هِزمتا پُراَرزشَ زانان، 14په اے اُمێتا که وتی جندئے مردمان هَسَدّیگ بکنان و اے پئیما چه آیان لهتێنا برَکّێنان. 15چێا که، اگن آیانی نزورگ جهانئے سُهل و وشّانی اِنت، گڑا آیانی زورگ چه مُردگان زِندگ بئیگئے پئیمێن کارے بیت. 16اگن آرتئے هما ائولی چانَگ که هُدائے بَهر اِنت، پاک اِنت، گڑا بزان سرجمێن تَرّ کرتگێن آرت پاک اِنت و اگن بُنڈال#11:16 بُنڈال دْرچکئے مسترێن وَنڈال و ریشّگ اِنت. پاک اِنت، ٹال #11:16 ٹال، بزان شاهَڑ، شاهَل. و شاهَڑ هم پاک اَنت.
17اگن درچکئے لهتێن ٹال پرۆشگ بوتگ و تئو که جَنگلی زئیتونئے ٹالے ائے، آ دگه ٹالانی نیاما گۆن درچکا پئیوَند جنَگ بوتگئے و نون زئیتونئے بُنڈالئے شیرگان شریکدار ائے، 18آ دگه ٹالانی سرا پَهر مبند. اگن چُشَ کنئے، مشمۆش که تئو بُنڈال نداشتگ، اے بُنڈال اِنت که ترا داشتگی. 19نون بلکێن بگوَشئے: ”آ ٹال پرۆشگ و سندگ بوتنت تانکه من پئیوَند جنَگ ببان.“ 20راست اِنت. آ ٹال پمێشکا پرۆشگ بوتنت که ایمانِش نێستاَت، بله تئو چه ایمانئے زۆرا مُهر اۆشتاتگئے. گُروناک مبئے و بتُرس. 21چێا که اگن هُدایا درچکئے اَسلیگێن ٹالانی سرا بزّگ نبوت، تئیی سرا هم بزّگیَ نبیت. 22نون هُدائے مهربانیا و آییئے تْرُندیا بچار. تْرُندی په همایان اِنت که گُناها کپتگاَنت و مهربانی په تئو اِنت، اگن آییئے مِهرانی ساهگا بمانئے. اگن نه، تئو هم پْرۆشگَ بئے. 23آ هم، اگن وتی ناباوریئے سرا مماننت، پئیوَند جنَگَ بنت، چێا که هُدایا پدا آیانی پئیوَند جنَگئے واک و توان هست. 24تئو چه هما زئیتونئے درچکا گُڈّگ بوتگئے که وتی زاتا جنگلی اِنت و وتی زاتئے هلاپا گۆن کِشتگێن زئیتونئے درچکا پئیوَند جنَگ بوتگئے. گڑا اَلّما هما که اے زئیتونئے اَسلیگێن ٹال اَنت، په ارزانی گۆن وتی جندئے درچکا پدا پئیوَند جنَگ بنت.
اِسراییلئے نِجات
25او براتان! چۆ مبیت که وتا دانا سرپد ببێت. پمێشکا منَ لۆٹان اے رازا بزانێت که اِسراییلئے یکّ بهرێئے سرا سِنگدلی آتکگ و اے سنگدلی تان هما وهدا مانیت که دَرکئوم سَرجمیا گۆنَ نبنت. 26اے پئیما، نون سجّهێن اِسراییلَ رَکّیت، هما ڈئولا که نبشته اِنت:
”رَکّێنۆک # 11:26 رَکّێنۆک، بزان نجات دئیۆک. چه سَهْیونا کئیت و
آکوبئے نسل و پَدرێچئے هُداناپرمانیا دورَ کنت.“
27 ”وهدے منِ هُدا آیانی گناهان دورَ کنان،
گۆن آیان همے اَهد و پئیمانا بندان.“ # 11:27 اِشئیا نَبیئے کتاب 59:20-21؛ 27:9؛ اِرِمیا نَبیئے کتاب 31:33-34.
28اِسراییلیان وشّێن مِستاگئے سرا باور نکرتگ و په شمئیگی هُدائے دُژمن اَنت، بله هُدایا آ گِچێن کرتگاَنت و وتی بُنپیرُکانی سئوَبا هُدایا دۆست اَنت. 29چێا که هُدا وتی داتگێن نیامتان پَچَ نگیپت و وتی گچێنا بدلَ نکنت. 30هما پئیما که یکّ وهدے شما هُدائے ناپرمان اتێت، بله نون چه اِسراییلیانی ناپرمانیا هُدایا شمئے سرا رَهم کرت، 31نون آ ناپرمان بوتگاَنت تانکه همے رَهم که شُمئے سرا کنگ بوتگ، آیانی سرا هم کنگ ببیت. 32چێا که هُدایا سجّهێن مردم ناپرمانیئے گُلام کرتگاَنت تانکه سجّهێنانی سرا رَهم بکنت.
هُدائے دانایی
33واه! هُدائے گنج و هکمت و زانت چینچُک بێکِساس اِنت.
آییئے پئیسله چه زانتا دَر اَنت و
راهی چه زانگا هما دێم!
34 ”کئیا هُداوندئے پِگر زانتگ و
کئے آییئے سر و سۆج دئیۆک بوتگ؟“ # 11:34 اِشئیا نَبیئے کتاب 40:13.
35 ”کئیا آییارا چیزّے داتگ
که هُدا آییئے بَدلا بدنت؟“ # 11:35 اَیّوبئے کتاب 41:11.
36چێا که هر چیزّ چه هماییئے نێمگا اِنت و هماییئے وسیلها اِنت و په هماییا اِنت. تان اَبد شان و شئوکت آییا سر بات. آمین.
Obecnie wybrane:
:
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2016-22 Wycliffe Bible Translators, Inc.