1
Matuš 7:7
Le Devleskero Lav Andre Romaňi Čhib Slovensko 2021
RMC
„Mangen a ela tumenge dino, roden a arakhena, durkinen a phundravela pes tumenge.
2
Matuš 7:8
Bo sako, ko mangel, chudel, a ko rodel, arakhel, a oleske, ko durkinel, pes phundravela.
3
Matuš 7:24
„Vašoda sako, ko šunel kala mire lava a doľikerel len, hino sar oda goďaver manuš, savo ačhaďa peskro kher pre skala.
4
Matuš 7:12
Savoro, so kamľanas, hoj o manuša te keren tumenge, oda keren tumen lenge. Bo kada hin, so sikavel le Mojžišoskro Zakonos the o Proroka.“
5
Matuš 7:14
Ale e cesno brana the o uzko drom ľidžan andro dživipen a frima hin ajse, save oda arakhen.“
6
Matuš 7:13
„Aven andre prekal e cesno brana. Bo e buchľi brana the buchlo drom ľidžan andro meriben a but hin ajse, save prekal late džan andre.
7
Matuš 7:11
Avke, te tumen, save san nalačhe, džanen te del tumare čhaven o lačhe dari, či na dela sigeder tumaro Dad andral o ňebos o lačhe dari olen, ko lestar mangen!
8
Matuš 7:1-2
„Ma sudzinen, hoj te na aven sudzimen. Bo save sudoha sudzinen, ajseha avena sudzimen, a sava miraha merinen, ajsaha tumenge ela tiš merimen.
9
Matuš 7:26
Ale sako, ko šunel kala mire lava a na doľikerel len, ela sar oda nagoďaver manuš, savo ačhaďa peskro kher pre poši.
10
Matuš 7:3-4
Soske dikhes o šmecos andre jakh tire phraleske a andre tiri jakh o kašt na dikhes? Te andre tiri jakh hin o kašt, sar šaj phenes tire phraleske: ‚De, hoj tuke te lav avri o šmecos andral e jakh?‘
11
Matuš 7:15-16
„Den tumenge pozoris pro falošna proroka, save ke tumende aven sar bakrore, ale andro jilo hine dziva vlki. Pal lengro ovocje len prindžarena. Či šaj andral o kraki te obkidel o hroznos, abo andral o koľaka o figi?
12
Matuš 7:17
Avke dojekh lačho stromos anel lačho ovocje a o nalačho stromos anel nalačho ovocje.
13
Matuš 7:18
O lačho stromos našťi anel nalačho ovocje a aňi o nalačho stromos našťi anel lačho ovocje.
14
Matuš 7:19
Dojekh stromos, so na anel lačho ovocje, pes čhinel avri a čhivel pre jag.